ಪರಿಚಯ

“ ವಕ್ಫ್ “ ಎಂದರೇನು ?

‘ವಕ್ಫ್’ ಎಂಬ ಪರಿಕಲ್ಪನೆಯು ಇಸ್ಲಾಮಿಕ್ ಕಾನೂನುಗಳು ಮತ್ತು ಸಂಪ್ರದಾಯಗಳಲ್ಲಿ ಬೇರೂರಿದೆ. ಇದು ಮಸೀದಿಗಳು, ಶಾಲೆಗಳು, ಆಸ್ಪತ್ರೆಗಳು ಅಥವಾ ಇತರ ಸಾರ್ವಜನಿಕ ಸಂಸ್ಥೆಗಳನ್ನು ನಿರ್ಮಿಸುವಂತಹ ದತ್ತಿ ಅಥವಾ ಧಾರ್ಮಿಕ ಉದ್ದೇಶಗಳಿಗಾಗಿ ಮುಸ್ಲಿಂ ಪರಿಕಲ್ಪನೆಯಲ್ಲಿ ಮಾಡಿದ ದತ್ತಿ ವ್ಯವಸ್ಥೆಯನ್ನು ಸೂಚಿಸುತ್ತದೆ. ವಕ್ಫ್‌ ನ ಮತ್ತೊಂದು ರೀತಿಯಲ್ಲಿ ಅರ್ಥೈಸಿ ವ್ಯಾಖ್ಯಾನಿಸುವ ಲಕ್ಷಣವೆಂದರೆ ಅದು ಅಳಿಸಲಾಗದು ಎಂದಾಗುತ್ತದೆ - ಅಂದರೆ ಅದನ್ನು ಮಾರಾಟ ಮಾಡಲು, ಉಡುಗೊರೆಯಾಗಿ ನೀಡಲು, ಆನುವಂಶಿಕವಾಗಿ ಅಥವಾ ಹೊರೆಯಾಗಿ ಮಾಡಲು ಸಾಧ್ಯವಿಲ್ಲ. ಆದ್ದರಿಂದ, ಒಂದು ಆಸ್ತಿಯನ್ನು ವಕ್ಫ್‌ ನಿಂದ, ಅಂದರೆ ವಕ್ಫ್‌ ನ ಸೃಷ್ಟಿಕರ್ತನಿಂದ ಒಮ್ಮೆ ಕೈಬಿಟ್ಟರೆ, ಅದು ದೇವರಲ್ಲಿ ಸೇರುತ್ತದೆ ಮತ್ತು ಇಸ್ಲಾಮಿಕ್ ನಂಬಿಕೆಯ ಪ್ರಕಾರ ದೇವರು ಶಾಶ್ವತವಾಗಿರುವುದರಿಂದ, ‘ವಕ್ಫ್ ಆಸ್ತಿ’ಯೂ ಸಹ ಹಾಗೆಯೇ ಶಾಶ್ವತವಾಗಿ ಇರುತ್ತದೆ.

‘ವಕ್ಫ್’ ವ್ಯವಸ್ಥೆಯ ದೀರ್ಘಕಾಲೀನ ಸಮಸ್ಯೆಗಳನ್ನು ಪರಿಹರಿಸುವುದು

ನೂತನ ವಕ್ಫ್ (ತಿದ್ದುಪಡಿ) ಮಸೂದೆಯು ಈ ಕೆಳಗಿನ ಸಮಸ್ಯೆಗಳನ್ನು ಸರಿಪಡಿಸಿ, ಪರಿಹರಿಸುವ ಗುರಿಯನ್ನು ಹೊಂದಿದೆ –

ವಕ್ಫ್ ಮಸೂದೆಯನ್ನು ಆಧುನೀಕರಿಸುವುದು

ನೂತನ ವಕ್ಫ್ (ತಿದ್ದುಪಡಿ) ಮಸೂದೆ, 2025, ಪರಂಪರೆಯ ತಾಣಗಳನ್ನು ರಕ್ಷಿಸಲು ಮತ್ತು ಸಾಮಾಜಿಕ ಕಲ್ಯಾಣವನ್ನು ಉತ್ತೇಜಿಸಲು ನಿಬಂಧನೆಗಳೊಂದಿಗೆ ವಕ್ಫ್ ಆಸ್ತಿಗಳ ನಿರ್ವಹಣೆಯನ್ನು ಸುಗಮಗೊಳಿಸುವ ಗುರಿಯನ್ನು ಹೊಂದಿದೆ.

1. ಮುಸ್ಲಿಮೇತರ ಆಸ್ತಿಗಳನ್ನು ವಕ್ಫ್ ಎಂದು ಘೋಷಿಸಲಾಗಿದೆ - ವಕ್ಫ್ (ತಿದ್ದುಪಡಿ) ಮಸೂದೆ 2025, ಪರಂಪರೆಯ ತಾಣಗಳು ಮತ್ತು ವೈಯಕ್ತಿಕ ಆಸ್ತಿ ಹಕ್ಕುಗಳನ್ನು ರಕ್ಷಿಸುವಾಗ ವಕ್ಫ್ ಆಸ್ತಿ ನಿರ್ವಹಣೆಯನ್ನು ಸುಗಮಗೊಳಿಸುವ ಗುರಿಯನ್ನು ಹೊಂದಿದೆ. ವಿವಿಧ ರಾಜ್ಯಗಳು ವಕ್ಫ್ ಆಸ್ತಿ ಹಕ್ಕುಗಳ ಕುರಿತು ವಿವಾದಗಳನ್ನು ಕಂಡಿವೆ, ಇದು ಕಾನೂನು ಹೋರಾಟಗಳು ಮತ್ತು ಸಮುದಾಯದ ಕಳವಳಗಳಿಗೆ ಕಾರಣವಾಗಿದೆ. ಸೆಪ್ಟೆಂಬರ್ 2024 ರ ದತ್ತಾಂಶದ ಪ್ರಕಾರ, 25 ರಾಜ್ಯಗಳು/ ಕೇಂದ್ರಾಡಳಿತ ಪ್ರದೇಶಗಳ ವಕ್ಫ್ ಮಂಡಳಿಗಳಲ್ಲಿ, ಒಟ್ಟು 5973 ಸರ್ಕಾರಿ ಆಸ್ತಿಗಳನ್ನು ವಕ್ಫ್ ಆಸ್ತಿಗಳೆಂದು ಘೋಷಿಸಲಾಗಿದೆ. ಅದರ ಕೆಲವು ಉದಾಹರಣೆಗಳು:

ಇದಲ್ಲದೆ, ವಕ್ಫ್ (ತಿದ್ದುಪಡಿ) ಮಸೂದೆ (ಜೆ.ಸಿ.ಡಬ್ಲ್ಯೂ.ಎ.ಬಿ) ಕುರಿತ ಜಂಟಿ ಸಮಿತಿಯು ವಕ್ಫ್ ಮಂಡಳಿಗಳಿಂದ ಆಸ್ತಿಗಳ ಮೇಲೆ ಕಾನೂನುಬಾಹಿರ ಹಕ್ಕು ಸಾಧಿಸುವ ಕುರಿತು ಕೆಲವು ಸಂವಹನಗಳನ್ನು ಸ್ವೀಕರಿಸಿದೆ, ಅವುಗಳಲ್ಲಿ ಕೆಲವು ಈ ಕೆಳಗಿನಂತಿವೆ:

• ಕರ್ನಾಟಕ (1975 ಮತ್ತು 2020): ಕೃಷಿಭೂಮಿಗಳು, ಸಾರ್ವಜನಿಕ ಸ್ಥಳಗಳು, ಸರ್ಕಾರಿ ಭೂಮಿಗಳು, ಸ್ಮಶಾನಗಳು, ಸರೋವರಗಳು ಮತ್ತು ದೇವಾಲಯಗಳು ಸೇರಿದಂತೆ 40 ವಕ್ಫ್ ಆಸ್ತಿಗಳಿಗೆ ಅಧಿಸೂಚನೆ ಹೊರಡಿಸಲಾಗಿದೆ.
• ಪಂಜಾಬ್ : ಪಂಜಾಬ್‌ ವಕ್ಫ್ ಮಂಡಳಿಯು ಪಟಿಯಾಲದಲ್ಲಿ ಶಿಕ್ಷಣ ಇಲಾಖೆಗೆ ಸೇರಿದ ಭೂಮಿಯನ್ನು ಹಕ್ಕು ಸಾಧಿಸಿದೆ.

ಇದಲ್ಲದೆ, ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯವು ಸೆಪ್ಟೆಂಬರ್ 2024 ರಲ್ಲಿ ತಮ್ಮ ಪ್ರಸ್ತುತಿಯ ಸಮಯದಲ್ಲಿ ಜೆಪಿಸಿಗೆ ತಿಳಿಸಿದ್ದು, ಭೂ ಮತ್ತು ಅಭಿವೃದ್ಧಿ ಕಚೇರಿಯ ನಿಯಂತ್ರಣದಲ್ಲಿರುವ 108 ಆಸ್ತಿಗಳು, ದೆಹಲಿ ಅಭಿವೃದ್ಧಿ ಪ್ರಾಧಿಕಾರದ ನಿಯಂತ್ರಣದಲ್ಲಿರುವ 130 ಆಸ್ತಿಗಳು ಮತ್ತು ಸಾರ್ವಜನಿಕ ವಲಯದಲ್ಲಿರುವ 123 ಆಸ್ತಿಗಳನ್ನು ವಕ್ಫ್ ಆಸ್ತಿಗಳೆಂದು ಘೋಷಿಸಲ್ಪಟ್ಟಿದ್ದು , ಈ ಕುರಿತು ಮೊಕದ್ದಮೆ ಹೂಡಲಾಗಿದೆ.

ii.ಮುಸ್ಲಿಂ ಮಹಿಳೆಯರು ಮತ್ತು ಕಾನೂನುಬದ್ಧ ಉತ್ತರಾಧಿಕಾರಿಗಳ ಹಕ್ಕುಗಳು- ಸ್ವಸಹಾಯ ಗುಂಪುಗಳು (ಎಸ್.ಹೆಚ್.ಜಿ.ಗಳು) ಮತ್ತು ಆರ್ಥಿಕ ಸ್ವಾತಂತ್ರ್ಯ ಕಾರ್ಯಕ್ರಮಗಳನ್ನು ಉತ್ತೇಜಿಸುವ ಮೂಲಕ ಮುಸ್ಲಿಂ ಮಹಿಳೆಯರ, ವಿಶೇಷವಾಗಿ ವಿಧವೆಯರು ಮತ್ತು ವಿಚ್ಛೇದಿತ ಮಹಿಳೆಯರ ಆರ್ಥಿಕ ಮತ್ತು ಸಾಮಾಜಿಕ ಸ್ಥಾನಮಾನವನ್ನು ಸುಧಾರಿಸಲು ಮಸೂದೆ ಪ್ರಯತ್ನಿಸುತ್ತವೆ.

ಹೆಚ್ಚುವರಿಯಾಗಿ, ಮಸೂದೆಯು ಮುಸ್ಲಿಂ ಮಹಿಳೆಯರ ಪ್ರಯೋಜನಕ್ಕಾಗಿ ಈ ಕೆಳಗಿನವುಗಳನ್ನು ಉದ್ದೇಶಿತ ಕಾರ್ಯ ಸಾಧಿಸುವ ಗುರಿಯನ್ನು ಹೊಂದಿದೆ-

• ವಕ್ಫ್ ನಿರ್ವಹಣೆಯಲ್ಲಿ ಪಾರದರ್ಶಕತೆ - ಭ್ರಷ್ಟಾಚಾರವನ್ನು ನಿಗ್ರಹಿಸಲು ವಕ್ಫ್ ದಾಖಲೆಗಳನ್ನು ಡಿಜಿಟಲೀಕರಣಗೊಳಿಸುವುದು.
• ಕಾನೂನು ನೆರವು ಮತ್ತು ಸಮಾಜ ಕಲ್ಯಾಣ - ಕುಟುಂಬ ವಿವಾದಗಳು ಮತ್ತು ಉತ್ತರಾಧಿಕಾರ ಹಕ್ಕುಗಳಿಗಾಗಿ ಕಾನೂನು ಬೆಂಬಲ ಕೇಂದ್ರಗಳನ್ನು ಸ್ಥಾಪಿಸುವುದು.
• ಸಾಂಸ್ಕೃತಿಕ ಮತ್ತು ಧಾರ್ಮಿಕ ಗುರುತು - ಸಾಂಸ್ಕೃತಿಕ ಸಂರಕ್ಷಣೆ ಮತ್ತು ಅಂತರಧರ್ಮೀಯ ಸಂವಾದವನ್ನು ಬಲಪಡಿಸುವುದು.

ಮಹಿಳೆಯರ ಒಳಗೊಳ್ಳುವಿಕೆ ಪಾರದರ್ಶಕತೆಯನ್ನು ಖಚಿತಪಡಿಸುತ್ತದೆ ಮತ್ತು ವಕ್ಫ್ ಸಂಪನ್ಮೂಲಗಳನ್ನು ಈ ಸರಿಯಾದ ಕಡೆಗೆ ನಿರ್ದೇಶಿಸುತ್ತದೆ:

III. ಬಡವರ ಉನ್ನತಿ

ವಕ್ಫ್ ಧಾರ್ಮಿಕ, ದತ್ತಿ ಮತ್ತು ಸಾಮಾಜಿಕ ಕಲ್ಯಾಣ ಅಗತ್ಯಗಳನ್ನು ಪೂರೈಸುವಲ್ಲಿ , ವಿಶೇಷವಾಗಿ ಹಿಂದುಳಿದವರಿಗೆ. ನಿರ್ಣಾಯಕ ಪಾತ್ರ ವಹಿಸುತ್ತದೆ. ಹಾಗೂ, ದುರುಪಯೋಗ, ಅತಿಕ್ರಮಣ ಮತ್ತು ಪಾರದರ್ಶಕತೆಯ ಕೊರತೆಯಿಂದಾಗಿ ಅದರ ಪ್ರಭಾವವು ಹೆಚ್ಚಾಗಿ ಕಡಿಮೆಯಾಗುತ್ತದೆ. ಬಡವರಿಗಾಗಿ ವಕ್ಫ್‌ನ ಕೆಲವು ಪ್ರಮುಖ ಪ್ರಯೋಜನಗಳು:

1. ಪಾರದರ್ಶಕತೆ ಮತ್ತು ಹೊಣೆಗಾರಿಕೆಗಾಗಿ ಸಂಪೂರ್ಣ ವ್ಯವಸ್ಥೆಯ ಡಿಜಿಟಲೀಕರಣ

● ಕೇಂದ್ರೀಕೃತ ಡಿಜಿಟಲ್ ಪೋರ್ಟಲ್ ವಕ್ಫ್ ಆಸ್ತಿಗಳನ್ನು ಟ್ರ್ಯಾಕ್ ಮಾಡುತ್ತದೆ, ಉತ್ತಮ ಗುರುತಿಸುವಿಕೆ, ಮೇಲ್ವಿಚಾರಣೆ ಮತ್ತು ನಿರ್ವಹಣೆಯನ್ನು ಖಚಿತಪಡಿಸುತ್ತದೆ.

● ಲೆಕ್ಕಪರಿಶೋಧನೆ ಮತ್ತು ಲೆಕ್ಕಪತ್ರ ಕ್ರಮಗಳು ಹಣಕಾಸಿನ ದುರುಪಯೋಗವನ್ನು ತಡೆಯುತ್ತದೆ ಮತ್ತು ಹಣವನ್ನು ಕಲ್ಯಾಣ ಉದ್ದೇಶಗಳಿಗಾಗಿ ಮಾತ್ರ ಬಳಸುವುದನ್ನು ಖಚಿತಪಡಿಸುತ್ತದೆ.

2. ಕಲ್ಯಾಣ ಮತ್ತು ಅಭಿವೃದ್ಧಿಗಾಗಿ ಹೆಚ್ಚಿದ ಆದಾಯ

● ವಕ್ಫ್ ಭೂಮಿಗಳ ದುರುಪಯೋಗ ಮತ್ತು ಅಕ್ರಮ ಆಕ್ರಮಣವನ್ನು ತಡೆಗಟ್ಟುವುದರಿಂದ ವಕ್ಫ್ ಮಂಡಳಿಗಳಿಗೆ ಆದಾಯ ಹೆಚ್ಚಾಗುತ್ತದೆ, ಕಲ್ಯಾಣ ಕಾರ್ಯಕ್ರಮಗಳನ್ನು ವಿಸ್ತರಿಸಲು ಸಂಪನ್ಮೂಲ ಲಭ್ಯವಾಗಿ ಅವರಿಗೆ ಹೆಚ್ಚಿನ ಅವಕಾಶ ನೀಡುತ್ತದೆ.

● ಆರೋಗ್ಯ ರಕ್ಷಣೆ, ಶಿಕ್ಷಣ, ವಸತಿ ಮತ್ತು ಜೀವನೋಪಾಯ ಬೆಂಬಲಕ್ಕೆ ಹಣವನ್ನು ಹಂಚಲಾಗುತ್ತದೆ, ಇದು ಆರ್ಥಿಕವಾಗಿ ದುರ್ಬಲ ವರ್ಗಗಳಿಗೆ ನೇರವಾಗಿ ಪ್ರಯೋಜನವನ್ನು ನೀಡುತ್ತದೆ.

● ನಿಯಮಿತ ಲೆಕ್ಕಪರಿಶೋಧನೆಗಳು ಮತ್ತು ತಪಾಸಣೆಗಳು ಹಣಕಾಸಿನ ಶಿಸ್ತನ್ನು ಉತ್ತೇಜಿಸುತ್ತವೆ ಮತ್ತು ವಕ್ಫ್ ನಿರ್ವಹಣೆಯಲ್ಲಿ ಸಾರ್ವಜನಿಕ ವಿಶ್ವಾಸವನ್ನು ಬಲಪಡಿಸುತ್ತವೆ.

IV. ಆಡಳಿತಾತ್ಮಕ  ಸವಾಲುಗಳನ್ನು ಪರಿಹರಿಸುವುದು-

ವಕ್ಫ್ (ತಿದ್ದುಪಡಿ) ಮಸೂದೆ 2025 ಆಡಳಿತವನ್ನು ಸುಧಾರಿಸುವ ಗುರಿಯನ್ನು ಹೊಂದಿದೆ:

● ಆಸ್ತಿ ನಿರ್ವಹಣೆಯಲ್ಲಿ ಪಾರದರ್ಶಕತೆಯನ್ನು ಹೆಚ್ಚಿಸುವುದು.

● ವಕ್ಫ್ ಮಂಡಳಿಗಳು ಮತ್ತು ಸ್ಥಳೀಯ ಅಧಿಕಾರಿಗಳ ನಡುವಿನ ಸಮನ್ವಯವನ್ನು ಸುವ್ಯವಸ್ಥಿತಗೊಳಿಸುವುದು.

● ಪಾಲುದಾರರ ಹಕ್ಕುಗಳನ್ನು ರಕ್ಷಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳುವುದು.

V. ಹಿಂದುಳಿದ ವರ್ಗಗಳು ಮತ್ತು ಮುಸ್ಲಿಂ ಸಮುದಾಯಗಳ ಇತರ ಪಂಗಡಗಳ ಸಬಲೀಕರಣ: ಉತ್ತಮ ವಕ್ಫ್ ಆಡಳಿತ ಮತ್ತು ನಿರ್ಧಾರ ತೆಗೆದುಕೊಳ್ಳುವಿಕೆಗಾಗಿ ವಿವಿಧ ಮುಸ್ಲಿಂ ಪಂಗಡಗಳಿಂದ ಪ್ರಾತಿನಿಧ್ಯವನ್ನು ಹೊಂದಿರುವ ವಕ್ಫ್ ಮಂಡಳಿಯನ್ನು ಹೆಚ್ಚು ಒಳಗೊಳ್ಳುವಂತೆ ಮಾಡುವ ಗುರಿಯನ್ನು ಮಸೂದೆ ಹೊಂದಿದೆ-

● ರಾಜ್ಯ/ಕೇಂದರಾಡಳಿತ ಪ್ರದೇಶಗಳ ವಕ್ಫ್ ಮಂಡಳಿಗಳಲ್ಲಿ ಬೊಹ್ರಾ ಮತ್ತು ಅಘಖಾನಿ ಸಮುದಾಯಗಳಿಂದ ತಲಾ ಒಬ್ಬ ಸದಸ್ಯರನ್ನು ಸೇರಿಸುವುದು ಮಸೂದೆಯ ಉದ್ದೇಶವಾಗಿದೆ, ಅವುಗಳು ಕ್ರಿಯಾತ್ಮಕ ಔಕಾಫ್ ಹೊಂದಿದ್ದರೆ.

● ಅಲ್ಲದೆ, ಮಂಡಳಿಯು ಶಿಯಾ ಮತ್ತು ಸುನ್ನಿ ಸದಸ್ಯರನ್ನು ಹೊರತುಪಡಿಸಿ ಹಿಂದುಳಿದ ವರ್ಗಗಳಿಗೆ ಸೇರಿದ ಮುಸ್ಲಿಮರ ಪ್ರಾತಿನಿಧ್ಯವನ್ನು ಕೂಡಾ ಹೊಂದಿರುತ್ತದೆ.

● ಪುರಸಭೆಗಳು ಅಥವಾ ಪಂಚಾಯತ್‌ ಗಳಿಂದ ಎರಡು ಅಥವಾ ಹೆಚ್ಚಿನ ಚುನಾಯಿತ ಸದಸ್ಯರನ್ನು ಒಳಗೊಂಡಿರುತ್ತದೆ, ವಕ್ಫ್ ವ್ಯವಹಾರಗಳಲ್ಲಿ ಸ್ಥಳೀಯ ಆಡಳಿತವನ್ನು ಬಲಪಡಿಸುತ್ತದೆ.

● ಪದನಿಮಿತ್ತ ಸದಸ್ಯರನ್ನು ಹೊರತುಪಡಿಸಿ ಮಂಡಳಿ/ ಕೌನ್ಸಿಲ್‌ (ಸಿಡಬ್ಲ್ಯೂಸಿ) ಇಬ್ಬರು ಮುಸ್ಲಿಮೇತರ ಸದಸ್ಯರನ್ನು ಹೊಂದಿರುತ್ತದೆ.

ಕೊನೆಯ ಮಾತು:

ವಕ್ಫ್ (ತಿದ್ದುಪಡಿ) ಮಸೂದೆ 2025, ವಕ್ಫ್ ಆಡಳಿತಕ್ಕಾಗಿ ಜಾತ್ಯತೀತ, ಪಾರದರ್ಶಕ ಮತ್ತು ಜವಾಬ್ದಾರಿಯುತ ವ್ಯವಸ್ಥೆಯನ್ನು ಸ್ಥಾಪಿಸುತ್ತದೆ. ವಕ್ಫ್ ಆಸ್ತಿಗಳು ಧಾರ್ಮಿಕ ಮತ್ತು ದತ್ತಿ ಉದ್ದೇಶಗಳನ್ನು ಪೂರೈಸುತ್ತವೆಯಾದರೂ, ಅವುಗಳ ನಿರ್ವಹಣೆಯು ರಚನಾತ್ಮಕ ಆಡಳಿತದ ಅಗತ್ಯವಿರುವ ಕಾನೂನು, ಹಣಕಾಸು ಮತ್ತು ಆಡಳಿತಾತ್ಮಕ ಜವಾಬ್ದಾರಿಗಳನ್ನು ಒಳಗೊಂಡಿರುತ್ತದೆ. ರಾಜ್ಯ ವಕ್ಫ್ ಮಂಡಳಿಗಳು ಮತ್ತು ಕೇಂದ್ರ ವಕ್ಫ್ ಕೌನ್ಸಿಲ್ (ಸಿಡಬ್ಲ್ಯೂಸಿ) ಪಾತ್ರವು ಧಾರ್ಮಿಕವಲ್ಲ, ಇದು ಧಾರ್ಮಿಕ ಕಾರ್ಯವಲ್ಲ, ಆದರೆ ನಿಯಂತ್ರಕ ಕಾರ್ಯಚಟುವಟಿಕೆಯಾಗಿದೆ. ಕಾನೂನು ಅನುಸರಣೆಯನ್ನು ಖಚಿತಪಡಿಸುತ್ತದೆ ಮತ್ತು ಸಾರ್ವಜನಿಕ ಹಿತಾಸಕ್ತಿಯನ್ನು ಕಾಪಾಡುತ್ತದೆ. ಪರಿಶೀಲನೆಗಳು ಮತ್ತು ಸಮತೋಲನಗಳನ್ನು ಪರಿಚಯಿಸುವ ಮೂಲಕ, ಪಾಲುದಾರರಿಗೆ ಅಧಿಕಾರ ನೀಡುವ ಮೂಲಕ ಮತ್ತು ಆಡಳಿತವನ್ನು ಸುಧಾರಿಸುವ ಮೂಲಕ, ಮಸೂದೆಯು ಭಾರತದಲ್ಲಿ ವಕ್ಫ್ ಆಡಳಿತಕ್ಕಾಗಿ ಪ್ರಗತಿಪರ ಮತ್ತು ನ್ಯಾಯಯುತ ಹಾಗೂ ಸಮೂಲಾಗ್ರ ಚೌಕಟ್ಟನ್ನು ಹೊಂದಿಸುತ್ತದೆ.

*****