কেন্দ্ৰীয় গৃহমন্ত্ৰী তথা সমবায় মন্ত্ৰী শ্ৰী অমিত শ্বাহে কয় যে ড্ৰাগছ ব্যৱসায়ৰ বিৰুদ্ধে আমাৰ অবিৰত যুঁজ অব্যাহত আছে। ‘এক্স’ প্লেটফৰ্মত দিয়া পোষ্টত গৃহমন্ত্ৰীয়ে কয় যে “মোদী চৰকাৰৰ ড্ৰাগছৰ বিৰুদ্ধে শূন্য সহনশীলতাৰ সৈতে সংগতি ৰাখি দিল্লী-এনচিআৰত এটা বৃহৎ নাৰ্কো-নেটৱৰ্ক জব্দ কৰা হৈছে। এনচিবি আৰু দিল্লী আৰক্ষীয়ে দলটোৰ পৰা ২৭.৪ কোটি টকাৰ মেথামফেটামাইন, এমডিএমএ, আৰু কোকেইন উদ্ধাৰ কৰাৰ লগতে ৫জন লোকক গ্ৰেপ্তাৰ কৰে। এই বৃহৎ অগ্ৰগতিৰ বাবে এনচিবি আৰু দিল্লী আৰক্ষীৰ মই শলাগ লৈছো”।

দিল্লীৰ ছাটাৰপুৰ অঞ্চলত উচ্চমানৰ মেথামফেটামাইনৰ বিনিময়ৰ বিষয়ে ইনপুট লাভ কৰাৰ লগে লগে নাৰ্কটিকছ কণ্ট্ৰল ব্যুৰো (এনচিবি) আৰু দিল্লী আৰক্ষীৰ বিশেষ কোষৰ এটা যুটীয়া দলে সন্দেহযুক্ত লোকসকলৰ ওপৰত চোৰাংচোৱাগিৰি কৰি ৫.১০৩ কিলোগ্ৰাম উচ্চমানৰ ক্রিষ্টাল মিথামফেটামাইন কঢ়িয়াই অনা এখন বাহন জব্দ কৰে, যাৰ মূল্য ১০.২ কোটি টকা। নাইজেৰিয়াৰ প্ৰভাৱশালী পৰিয়ালৰ চাৰিজন আফ্ৰিকান নাগৰিককে ধৰি বাহনখনত থকা পাঁচজন লোকক গ্ৰেপ্তাৰ কৰা হৈছে।

তদন্তত প্ৰকাশ পাইছে যে আফ্ৰিকান যুৱক-যুৱতীসকলক ড্ৰাগছ আৰু নিচাযুক্ত দ্ৰব্য বিক্ৰী কৰাত সহায় কৰা, ৰাষ্ট্ৰীয় ৰাজধানী অঞ্চলৰ (এনচিআৰ) লগতে পঞ্জাৱৰ প্ৰধান ব্যক্তিগত বিশ্ববিদ্যালয়সমূহত অধ্যয়নৰ বাবে ছাত্ৰ ভিছা লাভ কৰাত এই ছিণ্ডিকেট চক্ৰটো জড়িত হৈ আছে। কিছুমান ছাত্ৰ-ছাত্ৰীৰ বাবে ভিছা আছিল তেওঁলোকৰ ভাৰতত থকাৰ আৱৰণ মাত্ৰ য’ত তেওঁলোক ড্ৰাগছ আৰু ক্ৰিপ্টো কনভাৰ্চনৰ যোগানৰ সৈতে জড়িত আছিল। এই ড্ৰাগছ ছিণ্ডিকেটৰ আগৰ আৰু পিছৰ সকলো সংযোগ চিনাক্তকৰণৰ বাবে তদন্ত চলি আছে।

*****

RK/VV/ASH/PS/MS