ٹیکسٹائل کے وزیر مملکت  جناب پبترا مارگریٹا نے آج راجیہ سبھا میں ایک سوال کے تحریری جواب میں بتایا کہعالمی منڈی میں ہندوستانی ٹیکسٹائل کو مقبول بنانے اور ہندوستانی ٹیکسٹائل کو فروغ دینے کے لیے حکومت مختلف اسکیموں؍اقدامات کو نافذ کر رہی ہے ۔ بڑی اسکیموں/اقدامات میں پی ایم میگا انٹیگریٹڈ ٹیکسٹائل ریجنز اینڈ اپیرل (پی ایم مترا) پارکس اسکیم شامل ہے، جو ایک جدید ، مربوط ، عالمی معیار کا ٹیکسٹائل انفراسٹرکچر بنانے کی کوشش کرتی ہے ۔ بڑے پیمانے پر مینوفیکچرنگ کو فروغ دینے اور مسابقت بڑھانے کے لیے مین میڈ فائبر (ایم ایم ایف) کپڑے ، ایم ایم ایف ملبوسات اور تکنیکی ٹیکسٹائل پر توجہ مرکوز کرنے والی پروڈکشن سے منسلک ترغیبی (پی ایل آئی) اسکیم ؛ ریسرچ انوویشن اینڈ ڈیولپمنٹ، پروموشن اور مارکیٹ ڈیولپمنٹ پر توجہ مرکوز کرنے والا نیشنل ٹیکنیکل ٹیکسٹائل مشن ؛ طلب پر مبنی ، پلیسمنٹ پر مبنی ، ہنر مندی پروگرام فراہم کرنے کے مقصد سے ٹیکسٹائل سیکٹر میں صلاحیت سازی کی اسکیم ؛ سیرکلچر ویلیو چین کی جامع ترقی کے لیے سلک اسمگر-2 ؛ ہینڈلوم سیکٹر کے لیے اینڈ ٹو اینڈ سپورٹ کے لیے نیشنل ہینڈلوم ڈیولپمنٹ پروگرام ، ٹیکسٹائل کی وزارت دستکاری کے کاریگروں کے فروغ کے لیے قومی دستکاری ترقیاتی پروگرام اور جامع دستکاری کلسٹر ترقیاتی اسکیم بھی نافذ کر رہی ہے ۔ ان اسکیموں کے تحت مارکیٹنگ ، ہنر مندی کے فروغ ، کلسٹر ڈیولپمنٹ ، کاریگروں کو براہ راست فائد، بنیادی ڈھانچے اور ٹیکنالوجی کی مدد وغیرہ کے لیے مدد فراہم کی جاتی ہے ۔

حکومت کپاس کے کسانوں کو مناسب قیمتیں فراہم کرنے کے لیے کم از کم امدادی قیمت (ایم ایس پی) فراہم کرتی ہے اور کسی بھی صورتحال میں اگر فیئر ایوریج کوالٹی(ایف اے کیو) کپاس کی قیمتیں  ایم ایس پی سے نیچے گرے تو کسانوں کو گھبراہٹ میں کم قیمت کی فروخت سے بچاتی ہے۔ کپاس کے سیشن24-2023 کے دوران بھی، کپاس کارپوریشن آف انڈیا(سی سی آئی) نے کپاس کے کسانوں کی مدد کی اور ایم ایس پی آپریشنز کے تحت 32.84 لاکھ بیلز کی خریداری کی، جس کی مالیت 11,712 کروڑ روپے تھی اور اس سے کپاس پیدا کرنے والی ریاستوں کے تقریباً 7.25 لاکھ کسانوں کو ہوا۔  موجودہ کپاس کے سیزن 25-2024 کے دوران سی سی آئی نے 25.03.2025 تک کل 99.41 لاکھ گانٹھیں کی خریداری کی ہے، جو کہ 260.11 لاکھ گانٹھوںکی مجموعی آمد کا حصہ ہے۔

اس کے علاوہ  ہندوستانی ٹیکسٹائل کی عالمی برانڈنگ کے لیے حکومت نے کستوری کاٹن انڈیا کے برانڈ کو ٹریڈ مارک کے طور پر رجسٹر کیا ہے تاکہ اعلیٰ معیار کے ہندوستانی کپاس کو ایک منفرد شناخت دی جا سکے ۔

ٹیکسٹائل ایکسپورٹ پروموشن کونسلز (ای پی سیز) کے ذریعے فروری 2025 میں حکومت ہند کی ٹیکسٹائل کی وزارت کے تعاون سے  ایک کامیاب گلوبل میگا ٹیکسٹائل ایونٹ بھارت ٹیکس 2025 کا انعقاد کیا گیا تھا تاکہ خام مال سے لے کر تیار مصنوعات تک پوری ویلیو چین کو شامل کرتے ہوئے ایک اہم ٹیکسٹائل مینوفیکچرنگ مرکز کے طور پر ہندوستان کی صلاحیت کو اجاگر کیا جا سکے ۔ اس تقریب میں صنعت کی پیدواری صلاحیت ، عالمی مسابقت کے ساتھ ساتھ پائیداری اور تشہیر کے لیے اس کے عزم پر زور دیتے ہوئے ہندوستانی ٹیکسٹائل کے تنوع اور فراوانی کوپیش کیا گیا ۔

*********

ش ح۔ م ع ن- اک م

Urdu No. 9226