তথ্য আৰু সম্প্ৰচাৰ মন্ত্ৰালয়

ৱেভছ বজাৰে প্ৰদৰ্শন আৰু কৌশলগত অংশীদাৰিত্বৰে বিশ্বজুৰি সম্প্ৰসাৰণৰ পথ প্ৰশস্ত কৰিছে

Posted On: 31 MAR 2025 11:55AM by PIB Guwahati

 

মিডিয়া আৰু মনোৰঞ্জন  উদ্যোগৰ বাবে অগ্ৰণী গ্ল’বেল ই-মাৰ্কেটপ্লেচ ৱেভছ বজাৰে ২০২৫ চনৰ ১-৪ মে’লৈ মুম্বাইৰ জিঅ’ ৱৰ্ল্ড কনভেনশ্যন চেণ্টাৰত অনুষ্ঠিত হ’বলগীয়া ৱেভছ শীৰ্ষ সন্মিলনৰ উদ্বোধনী সংস্কৰণত শক্তিশালী প্ৰভাৱ পেলাব। ৱেভছ ২০২৫ৰ এটা মূল উপাদান হিচাপে ৱেভছ বজাৰে  ফিল্ম, টিভি আৰু এভিজিচি (এনিমেচন, ভিএফএক্স, গেমিং, আৰু কমিক্স) খণ্ডৰ উদ্যোগৰ শীৰ্ষ ব্যক্তিসকলক একত্ৰিত কৰি সহযোগিতা, বিষয়বস্তুৰ প্ৰদৰ্শন আৰু ব্যৱসায়িক সম্প্ৰসাৰণৰ বাবে অতুলনীয় সুযোগ প্ৰদান কৰিব।

 

ভাৰতক বিশ্বৰ এক উল্লেখনীয়  কন্টেন্ট হাব হিচাপে প্ৰতিষ্ঠা কৰাৰ অভিলাষী দৃষ্টিভংগীৰে ৱেভছ বজাৰে ভিউইং ৰুম, মাৰ্কেট স্ক্ৰীনিং, ক্ৰেতা আৰু বিক্ৰেতাৰ সন্মিলন আদিৰ দৰে অনন্য পৰিসৰৰ বৈশিষ্ট্য প্ৰদান কৰিব। এই বজাৰে অৰ্থপূৰ্ণ সংযোগৰ সুবিধা প্ৰদান কৰিব আৰু ভৌগলিক সীমা অতিক্ৰম কৰি অংশীদাৰিত্বৰ মনোভাবক আগুৱাই নিব।

 

ভিউইং ৰুম আৰু মাৰ্কেট স্ক্ৰীনিং: নতুন বিষয়বস্তুৰ নৱ দিগন্ত

 

ৱেভছ বজাৰত নিৰ্বাচিত  ছবি, ধাৰাবাহিক আৰু এভিজিচি প্ৰকল্পৰ প্ৰদৰ্শন অনুষ্ঠিত হ’ব।  যিয়ে ক্ৰেতা, বিক্ৰীৰ সৈতে জড়িত এজেণ্ট  আৰু বিতৰকসকলক ইয়াৰ সৈতে সংযুক্ত কৰি  বাৰুকৈয়ে উপকৃত কৰিব। ভিউইং ৰুমে উদ্যোগৰ পেছাদাৰীসকলৰ বাবে নতুন শিৰোনামসমূহৰ অন্বেষণ আৰু অধিগ্ৰহণ কৰিবলৈ এক নিৰ্দিষ্ট স্থান প্ৰদান কৰিব।  আনহাতে মাৰ্কেট স্ক্ৰীনিঙে নিৰ্বাচিত প্ৰকল্পসমূহ বিশ্বব্যাপী দৰ্শকৰ আগত উপস্থাপন কৰাৰ সুযোগ প্ৰদান কৰিব। যিয়ে বিষয়বস্তুৰ বিতৰণ, অনুজ্ঞাপত্ৰ আৰু ছিণ্ডিকেচন চুক্তিৰ সুযোগো সৃষ্টি কৰিব।

 

ক্ৰেতা আৰু বিক্ৰেতাৰ সন্মিলন : বিশ্বজুৰি সহযোগিতাক লাভাৱান্বিত কৰাৰ পদক্ষেপ

 

 

ফিচিচি ফ্ৰেমছ কন্টেন্ট মাৰ্কেটপ্লেচৰ সহযোগত ৱেভছ বজাৰে এক গঠনমূলক ক্ৰেতা আৰু বিক্ৰেতাৰ খণ্ডক উৎসাহিত কৰিব।   যিয়ে প্ৰযোজক, ষ্টুডিঅ', সম্প্ৰচাৰক  আৰু এই বিষয়ক প্লেটফৰ্মকে ধৰি মূল অংশীদাৰসকলৰ মাজত এজন এজনকৈ বৈঠক অনুষ্ঠিত কৰাটো সম্ভৱ কৰি তুলিব।  এই লক্ষ্যত উপনীত হ'বলৈ বি টু বি পাৰস্পৰিক ক্ৰিয়াৰ জডড়িয়তে  চুক্তি-সম্পাদন, সহ-উৎপাদন  আৰু বিষয়বস্তু অধিগ্ৰহণ প্ৰক্ৰিয়াক  ত্বৰান্বিত কৰিব৷ আন্তঃৰাষ্ট্ৰীয় সহযোগিতাক লাভাৱান্বিত কৰা আৰু উদ্যোগৰ সম্পৰ্ক শক্তিশালী কৰাই ইয়াৰ মূল লক্ষ্য।

 

পিটচৰুম: য’ত ধাৰণাৰসৈতে সংপৃক্ত হ'ব পাৰিব বিনিয়োগকাৰী

 

পিটচৰুমে সমল সৃষ্টিকৰ্তা, চলচ্চিত্ৰ নিৰ্মাতা  আৰু বিষয়বস্তুৰ উদ্ভাৱকসকলৰ বাবে বিনিয়োগকাৰী, প্ৰযোজক আৰু কমিচনিং সম্পাদকৰ আগত তেওঁলোকৰ আটাইতকৈ আশাব্যঞ্জক ধাৰণাসমূহ উপস্থাপন কৰিবলৈ এক বিশেষ  মঞ্চ লাভ কৰিব। উদীয়মান প্ৰতিভা আৰু উদ্ভাৱনীমূলক প্ৰকল্পসমূহৰ বিষয়ত  গুৰুত্ব আৰোপ কৰিবলৈ আৰ্হি প্ৰস্তুত কৰা পিটচৰুমে নতুন কন্টেন্ট সৃষ্টি আৰু সম্ভাৱ্য সহ-প্ৰডাকচনৰ বাবে মঞ্চ হিচাপে কাম কৰিব৷  যাৰ ফলত উদ্যোগৰ সিদ্ধান্ত গ্ৰহণকাৰীসকলৰ বাবে ই এক উল্লেখনীয় তথা প্ৰয়োজনীয় পদক্ষেপ হ'ব৷

 

উদ্যোগৰ শীৰ্ষ ব্যক্তিসকলক ৱেভছ বজাৰৰ সমৰ্থন

 

উদ্যোগৰ বিশিষ্ট বিশিষ্ট ব্যক্তিসকলে  ৱেভছ বজাৰক সমলৰ বাণিজ্যিকীকৰণ আৰু অংশীদাৰিত্বক ৰূপান্তৰিত কৰাৰ সম্ভাৱনাৰ বাবে প্ৰশংসা কৰিছে।

 

পেনোৰামা ষ্টুডিঅ’ৰ মুখ্য বাণিজ্যিক বিষয়া মুৰলীধৰ ছাতৱানী আৰু ফিল্ম এক্ভিজিচন এণ্ড চিণ্ডিকেচনৰ মুৰব্বী ৰজত গোস্বামীয়ে কয় , “আমি একাধিক খণ্ডত ৱেভছ বজাৰত অংশগ্ৰহণ কৰি উৎফুল্লিত হৈছো। এই বজাৰখনে আমাৰ প্ৰকল্পসমূহ প্ৰদৰ্শনৰ বাবে, অৰ্থপূৰ্ণ সহযোগিতা নিশ্চিত কৰাৰ বাবে আৰু মনোৰঞ্জন উদ্যোগত আমাৰ বিশ্বব্যাপী  সম্প্ৰসাৰণৰ বাবে এক বিশেষ  মঞ্চ প্ৰদান কৰিছে।”

 

বিশ্বজনীন সমল  আৰু কৌশলগত মিত্ৰতাৰ প্ৰৱেশদ্বাৰ

 

ৱেভছ  বজাৰ সমল  সৃষ্টিকৰ্তা, ক্ৰেতা  আৰু বিনিয়োগকাৰীৰ বাবে নতুন পথৰ সন্ধান দিব পৰা পদক্ষেপ হিচাবে বিবেচিত হৈছে৷ নতুন সমল আৱিষ্কাৰ কৰিবলৈ, অংশীদাৰিত্বক শক্তিশালী কৰিবলৈ আৰু বিতৰণ তথা সহ-উৎপাদনৰ সুযোগসমূহ অন্বেষণ কৰিবলৈ এই বজাৰে এক প্ৰভাৱশালী মঞ্চ আগবঢ়াইছে। এই অনুষ্ঠানটোৱে ক্ৰেতা, বিক্ৰেতা, বিনিয়োগকাৰী, আৰু মিডিয়া আৰু মনোৰঞ্জন  উদ্যোগৰ পেছাদাৰীসকলক অংশগ্ৰহণ কৰিবলৈ আৰু কৌশলগত বৃদ্ধি তথা আন্তঃৰাষ্ট্ৰীয় সহযোগিতাৰ বাবে এখন সঠিক  মঞ্চ লাভ কৰিবলৈ আমন্ত্ৰণ জনাইছে।

 

পঞ্জীয়ন আৰু অধিক তথ্যৰ বাবে চাওক: ৱেভছ বজাৰ

 

ৱেভছৰ বিষয়ে

 

ভাৰত চৰকাৰে মহাৰাষ্ট্ৰৰ মুম্বাইত ২০২৫ চনৰ ১ মে’ৰ পৰা ৪ মে’লৈ আয়োজন কৰিব মিডিয়া এণ্ড এণ্টাৰটেইনমেণ্ট (এম এণ্ড ই) খণ্ডৰ বাবে এক মাইলৰ খুঁটি স্বৰূপ  অনুষ্ঠান (WAVES)।

আপুনি এজন উদ্যোগ পেছাদাৰী, বিনিয়োগকাৰী, সমল সৃষ্টিকৰ্তা বা উদ্ভাৱক যিয়েই হওক, শীৰ্ষ সন্মিলনে সংযোগ, সহযোগিতা, উদ্ভাৱন আৰু এম এণ্ড ই খণ্ডত  অৰিহণা যোগাবলৈ বিশ্বব্যাপী মঞ্চ এখন  প্ৰদান কৰিছে।

ৱেভছে  ভাৰতৰ সৃষ্টিশীল শক্তিৰ বিকাশ সাধন কৰিবলৈ সাজু হৈছে, কন্টেন্ট সৃষ্টি, বৌদ্ধিক সম্পত্তি, আৰু প্ৰযুক্তিগত উদ্ভাৱনৰ কেন্দ্ৰ হিচাপে ইয়াৰ স্থান বৃদ্ধি কৰিব। এই অনুষ্ঠানত গুৰুত্ব দিয়া উদ্যোগ আৰু খণ্ডসমূহৰ ভিতৰত আছে সম্প্ৰচাৰ, প্ৰিন্ট মিডিয়া, টেলিভিছন, ৰেডিঅ', চলচ্চিত্ৰ, এনিমেচন, ভিজুৱেল ইফেক্ট, গেমিং, কমিক্স, শব্দ আৰু সংগীত, বিজ্ঞাপন, ডিজিটেল মিডিয়া, ছ'চিয়েল মিডিয়া প্লেটফৰ্ম, জেনেৰেটিভ এআই, অগমেণ্টেড ৰিয়েলিটি (এ আৰ), ভাৰ্চুৱেল ৰিয়েলিটি (ভি আৰ), আৰু এক্সটেণ্ডেড ৰিয়েলিটি (এক্সআৰ)।

কিবা প্ৰশ্ন আছে নেকি? ইয়াত উত্তৰ বিচাৰি পাওক

আহক, আমাৰ সৈতে একেলগে এই মহাযাত্ৰাৰ সহযোগী হওঁক! ৱেভছৰ বাবে এতিয়াই পঞ্জীয়ন কৰক (অতিশীঘ্ৰে আহি আছে!)।

 

পিআইবি টীম ৱেভছৰ  শেহতীয়া ঘোষণাৰ বিষয়ে অৱগত হৈ থাককPIB Team WAVES 

 

আহক, আমাৰ যাত্ৰাৰ সংগী হওঁক!ৱেভছৰ বাবে এতিয়াই পঞ্জীয়ন কৰকnow

 

PIB TEAM WAVES 2025 | Nikita/ Darshana | 82 | DM

 


(Release ID: 2117048) Visitor Counter : 52