ଚିଫ୍ ଅଫ୍ ଡିଫେନ୍ସ୍ ଷ୍ଟାଫ୍ (ସିଡିଏସ୍‌) ଜେନେରାଲ ଅନିଲ୍ ଚୌହାନ୍ ଆଇଆଇଟି କାନପୁରରେ ଏସିଆର ସବୁଠାରୁ ବଡ଼ ଆନ୍ତଃମହାବିଦ୍ୟାଳୟର ବୈଷୟିକ ଓ ଉଦ୍ୟୋଗୀ ମହୋତ୍ସବ ‘ଟେକକୃତି 2025’ର ଉଦ୍‌ଘାଟନ କରିଛନ୍ତି। ଫାୟାରସାଇଡ୍ ଚାଟ୍‌ରେ ସିଡିଏସ୍ ଭାରତୀୟ ସଶସ୍ତ୍ର ବଳରେ ଉନ୍ନତି ଓ ଆଧୁନିକତାର ଆବଶ୍ୟକତା ଉପରେ ସୂଚନା ଦେଇ ଭବିଷ୍ୟତ ଆହ୍ୱାନଗୁଡ଼ିକ ବିଶେଷକରି ସାଇବର୍, କୃତ୍ରିମ୍ ବୁଦ୍ଧିମତ୍ତା, କ୍ୱାଣ୍ଟମ୍ ଓ ସଜ୍ଞାତ୍ମକତା କ୍ଷେତ୍ରରେ ପ୍ରସ୍ତୁତି ବିଷୟରେ ତାଙ୍କର ଦୃଷ୍ଟିକୋଣ ବାଣ୍ଟିଥିଲେ।

ଏହି ଅବସରରେ ଜେନେରଲ ଅନିଲ ଚୌହାନ ତାଙ୍କ ସମ୍ବୋଧନରେ ଭବିଷ୍ୟତର ସୁରକ୍ଷା କ୍ଷେତ୍ରରେ ସମସ୍ୟାଗୁଡ଼ିକୁ ସାମ୍ନା କରିବା ପାଇଁ ବୈଷୟିକ ଉନ୍ନତି, ରଣନୀତିକ ଚିନ୍ତାଧାରା ଏବଂ ଅନୁକୂଳତାକୁ ଗ୍ରହଣ କରିବା ଉପରେ ଗୁରୁତ୍ୱ ଦେଇଥିଲେ। ସେ ଅନୁଶାସନ ଓ ଉଦାରତା, ସାହସ ଏବଂ ବଳିଦାନର ମୂଲ୍ୟ ଉଲ୍ଲେଖ କରି ବିଦ୍ୱାନ, ଛାତ୍ରଛାତ୍ରୀ, ଏନ୍‌ସିସି ଛାତ୍ରଙ୍କ ସହିତ ଯୁବ ଦର୍ଶକମାନଙ୍କୁ ମଧ୍ୟ ପ୍ରେରଣା ଦେଇଥିଲେ। ଟେକକୃତି 2025ରେ ତାଙ୍କର ଉତ୍ସାହବର୍ଦ୍ଧକ ଶବ୍ଦ ଛାତ୍ରମାନଙ୍କୁ ପ୍ରତିରକ୍ଷା ଏବଂ ବୈଷୟିକ ଜ୍ଞାନେକୌଶଳରେ କ୍ୟାରିୟର୍ ଗଢିବାକୁ ପ୍ରେରଣା ଯୋଗାଇଛି।

ଉଦ୍‌ଘାଟନ ସମାରୋହରେ ଏୟାର୍ ମାର୍ସାଲ୍ ଆଶୁତୋଷ ଦୀକ୍ଷିତ, ଏଇସି-ଇନ୍‌-ସି, ସି, କେନ୍ଦ୍ରୀୟ ଏୟାର୍ କମାଣ୍ଡ ଏବଂ ଆଇଆଇଟି କାନପୁରର ନିର୍ଦ୍ଦେଶକ ପ୍ରଫେସର୍ ମନିନ୍ଦ୍ର ଅଗ୍ରୱାଲଙ୍କ ସହିତ ଅନେକ ବିଶିଷ୍ଟ ଅତିଥି ଶାମିଲ ଥିଲେ। ଏହି ବର୍ଷର ବିଷୟ ‘ପନ୍ତା ରେଇ’ (ସବୁକିଛି ବହିଯାଏ) ଉଦ୍ୟୋଗିକ ଏବଂ ନବୋନ୍ମେଷର ନିରନ୍ତର ବିକାଶକୁ ଉଲ୍ଲେଖ କରିଛି। ଟେକକୃତି 2025 ପ୍ରାଦ୍ୟୋଗିକ, ଉଦ୍ୟମଶୀଳତା ଏବଂ ସହଯୋଗର ଏକ ଉଲ୍ଲେଖନୀୟ ଉତ୍ସବ ହେବାର ପ୍ରତିଶ୍ରୁତିବଦ୍ଧତାକୁ ନିର୍ବାହ କରି ଅନ୍ୱେଷଣ ଏବଂ ନବୋନ୍ମେଷର ସୀମାକୁ ଆଗକୁ ବଢାଇଛି।

ଟେକକୃତି 2025ର ଏକ ପ୍ରମୁଖ ବିଶେଷତା ପ୍ରତରକ୍ଷା ପ୍ରଦର୍ଶନୀରେ ଅତ୍ୟାଧୁନିକ ପ୍ରତିରକ୍ଷା କୌଶଳକୁ ପ୍ରଦର୍ଶିତ କରିବା ପାଇଁ ଏକ ବିଶେଷ ଖଣ୍ଡ 'ରକ୍ଷାକୃତି' ଥିଲା। ସଶସ୍ତ୍ର ବଳ, ଶିକ୍ଷାବିଦ ଓ ପ୍ରତିରକ୍ଷା ଉଦ୍ୟୋଗ ସହ ସମନୂୟନକୁ ଆଗକୁ ବଢାଇବା ପାଇଁ ଜେନେରଲ ଅନିଲ ଚୌହାନ ପ୍ରଯୁକ୍ତି ପ୍ରାପ୍ତ ଦଳ ସହିତ ଆଲୋଚନା କରିଛନ୍ତି। ଏହି କାର୍ଯ୍ୟକ୍ରମଟି ଗବେଷଣାକାରୀଙ୍କୁ ଉଦ୍ୟୋଗପତିଙ୍କ ସହ ଯୋଡ଼ିବା ପାଇଁ ଏକ ଶ୍ରେଷ୍ଠ ମଞ୍ଚ ପ୍ରଦାନ କରିଛି, ଯାହା ସ୍ୱୟଂଚାଳିତ ଡ୍ରୋନ୍‌ ଭଳି ଉନ୍ନତ ଜ୍ଞାନକୌଶଳର ବିକାଶ, ଜାତୀୟ ସୁରକ୍ଷାକୁ ଶକ୍ତିଶାଳୀ କରିବା ଏବଂ ଆମଦାନୀ ନିର୍ଭରଶୀଳତା ହ୍ରାସ କରିବାରେ ସହାୟକ ହୋଇଛି।

*****

MT