‘‘టెక్‌కృతి- 2025’ను చీఫ్ ఆఫ్ డిఫెన్స్ స్టాఫ్ (సీడీఎస్) జనరల్ అనిల్ చౌహాన్ ఐఐటీ కాన్పూర్‌లో ప్రారంభించారు. ఇది సాంకేతిక పరిజ్ఞ‌ానం, ఔత్సాహిక పారిశ్రామికత్వం విషయాల్లో ఆసియాలో అతి పెద్ద అంతర కళాశాలల ఉత్సవం. ‘ఫైర్‌సైడ్ చాట్’ కార్యక్రమంలో ఆయన భారత సాయుధ దళాల్లో ఉన్నతీకరణ, ఆధునికీకరణలు చోటుచేసుకోవాల్సిన ఆవశ్యకతపై ప్రసంగించారు. రాబోయే కాలంలో యుద్ధాల పరంగా, ప్రత్యేకించి సైబర్ జగతిలో, కృత్రిమ మేధ రంగంలో, క్వాంటమ్, జ్ఞ‌ాన ప్రధాన రంగాల్లో ఎదురుకాగల సరికొత్త సవాళ్లకు ఎదురొడ్డడానికి ఎలా సన్నద్ధం కావాలో అనే విషయాలపై తన ద‌ృష్టి కోణాన్ని కూడా ఆయన వివరించారు.

ఈ సందర్భంగా జనరల్ అనిల్ చౌహాన్ తన ప్రసంగంలో భావి భద్రత సంబంధ సవాళ్లను ఎదిరించడానికి సాంకేతిక ప్రగతి, వ్యూహాత్మక ఆలోచన విధానం, మార్పులకు తగ్గట్టు మనను మనం మలచుకోవడానికి ప్రాముఖ్యం ఇవ్వాలని స్పష్టం చేశారు. క్రమశిక్షణ, దృఢత్వం, ధైర్య-సాహసాలు, త్యాగం వంటి విలువలను ఆయన ప్రధానంగా ప్రస్తావిస్తూ విద్యార్థులు, పండితులు, ఎన్‌సీసీ క్యాడెట్లతో కూడిన యువ శ్రోతలలో ప్రేరణను నింపారు. ‘టెక్‌కృతి 2025’లో ఆయన చెప్పిన ఉత్సాహపూరితమైన విషయాలు విద్యార్థులలో రక్షణ, టెక్నాలజీ రంగాల్లో తమ కెరియర్‌ను తీర్చిదిద్దుకోవాలన్న స్ఫూర్తిని రగిలించాయి.

ప్రారంభ కార్యక్రమంలో ఏఓసీ-ఇన్-సీ, సెంట్రల్ ఎయిర్ కమాండ్‌ ఎయిర్ మార్షల్ ఆశుతోష్ దీక్షిత్‌తోపాటు ఐఐటీ కాన్పూర్ డైరెక్టరు ప్రొఫెసర్ మణీంద్ర అగ్రవాల్, ఇతర అతిథులు పాల్గొన్నారు. ఈ సంవత్సర కార్యక్రమానికి ఇతివృత్తంగా ఎంపిక చేసిన ‘‘పంతా రేయి’’ టెక్నాలజీ, నవకల్పనలు నిరంతరంగా అభివృద్ది చెందుతూ ఉండడాన్ని ప్రధానంగా చాటిచెబుతోంది. ‘టెక్‌కృతి 2025’ టెక్నాలజీ, ఔత్సాహిక పారిశ్రామికత్వం, సహకారాలకు సంబంధించిన ఒక అసాధారణ ఉత్సవంలా మారే వాగ్దానాన్ని నెరవేరుస్తూ, మరో వైపు నుంచి పరిశోధన, నవకల్పనల హద్దులను విస్తరించనుంది.

‘రక్షాకృతి’ పేరుతో ఒక ప్రత్యేక విభాగం ‘టెక్‌కృతి 2025’లో ఒక ప్రముఖ విశేషాంశంగా నిలిచింది. ఇది అత్యాధునిక రక్షణ రంగ టెక్నాలజీని కళ్లకు కట్టే అచ్చమైన డిఫెన్స్ ఎక్స్‌పో. సాయుధ దళాలు, విద్య రంగ ప్రముఖులు, రక్షణ పరిశ్రమ.. వీటి మధ్య మరింత సమన్వయం ఏర్పడాలని జనరల్ అనిల్ చౌహాన్ చెబుతూ, ఔత్సాహిక టెక్నాలజిస్టులతో ముఖాముఖి సంభాషించారు. ఈ కార్యక్రమం పరిశోధకులకు పరిశ్రమ ప్రముఖులను కలుసుకోవడానికి ఒక చక్కని వేదికను అందించింది. ఇది స్వయంచోదిత డ్రోన్ల వంటి ఉన్నత టెక్నాలజీలను అభివృద్ధిపరచడం, దేశ భద్రతను పటిష్టపరచడంతోపాటు దిగుమతులపై ఆధారపడడానికి వీలు కల్పించింది.

***