ক্ষুদ্ৰ, লঘু আৰু মজলীয়া উদ্যোগৰ (এম এছ এম ই) সংজ্ঞা নিৰূপণৰ বাবে বিনিয়োগ আৰু টাৰ্ণঅভাৰৰ দ্বৈত মাপকাঠীৰ ভিত্তিত ০১.০৭.২০২০ তাৰিখে সংশোধিত সংজ্ঞা গ্ৰহণ কৰা হয় আৰু এম এছ এম ইৰ পঞ্জীয়নৰ বাবে উদ্যম পঞ্জীয়ন পৰ্টেল (ই ইউ আৰ পি) আৰম্ভ কৰা হয়। অনানুষ্ঠানিক ক্ষুদ্ৰ উদ্যোগসমূহক এমএছএমইৰ প্ৰাতিষ্ঠানিক পৰিসৰলৈ অনাৰ উদ্দেশ্যে ১১.০১.২০২৩ তাৰিখে উদ্যম পঞ্জীয়ন পৰ্টেল (ইউএপি) আৰম্ভ কৰা হয়। ০১.০৭.২০২০ৰ পৰা ১৫.০৩.২০২৫লৈ উত্তৰ-পূবৰ ৰাজ্যসমূহত ইউএপিকে ধৰি ইউআৰপিত পঞ্জীয়ন হোৱা উৎপাদন ইউনিটৰ সংখ্যা ৪,৬০,৩৫১টা।

‘ষ্টাৰ্টআপ ইণ্ডিয়া ইনিচিয়েটিভ’ৰ উদ্দেশ্যে ভাৰত চৰকাৰে ২০১৬ চনৰ ১৬ জানুৱাৰীত উদ্ভাৱন, ষ্টাৰ্টআপক প্ৰসাৰিত কৰাৰ লগতে দেশৰ ষ্টাৰ্টআপ ইক’চিষ্টেমত বিনিয়োগক উৎসাহিত কৰাৰ উদ্দেশ্যেৰে এক শক্তিশালী পৰিৱেশ তন্ত্ৰ গঢ়ি তুলিছিল। ১৯ ফেব্ৰুৱাৰী, ২০১৯ তাৰিখৰ জি এছ আৰ অধিসূচনা ১২৭(ই)ৰ অধীনত নিৰ্ধাৰিত যোগ্যতাৰ চৰ্ত অনুসৰি, উদ্যোগ আৰু আভ্যন্তৰীণ বাণিজ্য প্ৰসাৰ বিভাগে (ডি পি আই আই টি) ষ্টাৰ্টআপ ইণ্ডিয়াৰ পদক্ষেপৰ অধীনত ‘ষ্টাৰ্টআপ’ হিচাপে স্বীকৃতি প্ৰদান কৰে। ষ্টাৰ্টআপ ইণ্ডিয়াৰ পদক্ষেপৰ অধীনত উত্তৰ-পূৰ্বাঞ্চলকে ধৰি সমগ্ৰ দেশতে ষ্টাৰ্টআপ ইক’চিষ্টেমৰ বিকাশ আৰু বৃদ্ধিৰ বাবে চৰকাৰে অহৰহ বিভিন্ন প্ৰচেষ্টা চলাই আছে। ফ্লেগশ্বিপ আঁচনি ক্ৰমে ফাণ্ড অৱ ফাণ্ডছ ফৰ ষ্টাৰ্টআপ (এফ এফ এছ), ষ্টাৰ্টআপ ইণ্ডিয়া ছিড ফাণ্ড আঁচনি (এছ আই এছ এফ এছ) আৰু ক্ৰেডিট গ্যাৰাণ্টী আঁচনি ফৰ ষ্টাৰ্টআপছ (চি জি এছ এছ)য়ে ষ্টাৰ্টআপসকলক তেওঁলোকৰ ব্যৱসায়িক চক্ৰৰ বিভিন্ন পৰ্যায়ত সহায় আগবঢ়ায়। চৰকাৰে ষ্টাৰ্টআপ মহাকুম্ভ হিচাপে পৰিৱেশ তন্ত্ৰৰ নেতৃত্বত লোৱা পদক্ষেপকো উৎসাহিত আৰু সমৰ্থন কৰে যিয়ে অংশীদাৰসকলৰ বাবে নেটৱৰ্ক আৰু সহযোগিতাৰ বাবে এক সজীৱ মঞ্চ হিচাপে কাম কৰে। বজাৰত প্ৰৱেশ উন্নত কৰাৰ বাবে আৰু ৰাজহুৱা ক্ৰয় সমৰ্থন ষ্টাৰ্টআপসমূহক তেওঁলোকৰ ব্যৱসায় বৃদ্ধি কৰাত সক্ষম কৰাৰ বাবেও পদক্ষেপ গ্ৰহণ কৰা হৈছে।

এই তথ্য উত্তৰ পূৰ্বাঞ্চল উন্নয়ন বিভাগৰ ৰাজ্যিক মন্ত্ৰী ড° সুকান্ত মজুমদাৰে আজি ৰাজ্যসভাত এক প্ৰশ্নৰ লিখিত উত্তৰত প্ৰদান কৰে।

*****

Samrat/Allen/DS