வாகன உற்பத்தி மற்றும் உதிரிபாகங்கள் தொழிலில் உற்பத்தியுடன் இணைந்த ஊக்குவிப்புத் திட்டத்திற்கு (பிஎல்ஐ) மத்திய அமைச்சரவை 15.09.2021 அன்று 25,938 கோடி ரூபாய் பட்ஜெட் ஒதுக்கீட்டுடன் ஒப்புதல் அளித்தது. பி.எல்.ஐ-ஆட்டோ திட்டம் இந்தியாவில் மேம்பட்ட வாகன தொழில்நுட்ப தயாரிப்புகளின் உள்நாட்டு உற்பத்தியை ஊக்குவிப்பதற்கும் தொழில்துறைக்கு ஏற்படும் செலவு பற்றாக்குறைகளைச் சமாளிப்பதற்கும் பயன்படுகிறது. ஊக்குவிப்பு கட்டமைப்பு, தயாரிப்புகளின் உள்நாட்டு உற்பத்திக்கு புதிய முதலீடுகளைச் செய்ய தொழில்துறையை ஊக்குவிப்பதற்கும் கூடுதல் வேலைகளை உருவாக்குவதற்கும் உதவுகிறது. அங்கீகரிக்கப்பட்ட வழிகாட்டுதல்களின்படி வாகனத் துறைக்கான பிஎல்ஐ திட்டம் செயல்படுத்தப்படுகிறது.

பிஎல்ஐ ஆட்டோ திட்டம் தொழில்துறையின் மாறும் தேவைகளுக்கு பதிலளிக்கக் கூடியதாக உள்ளது. மேலும்,  இந்தியாவில் தயாரியுங்கள் பிரச்சாரத்தை ஊக்குவிப்பதற்கும், மேம்பட்ட வாகன தயாரிப்புகளின் உள்நாட்டு உற்பத்தியை அதிகரிப்பதற்கும், இது வகை செய்கிறது. இந்த அளவுகோல் இறக்குமதியைக் குறைப்பதையும், உள்நாட்டு மற்றும் உலகளாவிய விநியோகச் சங்கிலியை ஒரே நேரத்தில் உருவாக்குவதையும் நோக்கமாகக் கொண்டுள்ளது. பி.எல்.ஐ-ஆட்டோ திட்ட வழிகாட்டுதல்கள் மற்றும் எஸ்.ஓ.பி.க்கள் பரந்த பங்குதாரர் ஆலோசனைகளுடன் வடிவமைக்கப்பட்டுள்ளன. உள்நாட்டு மதிப்பு கூட்டலைக் கணக்கிடும் செயல்முறையை தரப்படுத்த, சோதனை முகமைகள் கூட்டாக ஒரு நிலையான இயக்க நடைமுறையை (எஸ்ஓபி) கொண்டு வந்துள்ளன, இது பின்பற்ற வேண்டிய செயல்முறையைக் குறிப்பிடுகிறது.

முதலீடுகள்: டிசம்பர் 2024 நிலவரப்படி, இத்திட்டத்தின் கீழ் உள்ள நிறுவனங்கள் புதிய உற்பத்தி அலகுகளை அமைத்தல் மற்றும் தொழில்நுட்பத்தை மேம்படுத்துதல் உட்பட ரூ.25,000 கோடிக்கு  மேல் மூலதன முதலீட்டில் உறுதியளித்துள்ளன. உதாரணமாக, டாடா மோட்டார்ஸ் மற்றும் மஹிந்த்ரா & மஹிந்த்ரா ஆகியவை மின்சார வாகன உற்பத்தி திறனில் பெரும் முதலீடுகளுக்கு உறுதியளித்துள்ளன.

***

மேலும் விவரங்களுக்கு இந்த ஆங்கில செய்திக் குறிப்பை காணவும்:

https://pib.gov.in/PressReleasePage.aspx?PRID=2115609

TS/PKV/SG/KR