محنت اور روزگار اور نوجوانوں کے امور اور کھیل کے مرکزی وزیر ڈاکٹر منسکھ منڈاویہ کل نئی دہلی میں دتوپنت ٹھینگڑی نیشنل بورڈ فار ورکرز ایجوکیشن اینڈ ڈیولپمنٹ کی گورننگ باڈی کی 84ویں سالانہ جنرل میٹنگ کی صدارت کریں گے۔ اجلاس کا مقصد ملک کی افرادی قوت کے لیے ورکرز ایجوکیشن اسکیم کے مؤثر نفاذ اور جائزے کو یقینی بنانا ہے۔

اس تقریب میں سکریٹری، وزارت محنت و روزگار، مختلف وزارتوں کے سینیئر حکام، ٹریڈ یونینوں کے نمائندے اور آجر تنظیمیں شرکت کریں گی۔

نئی دہلی میں ہیڈکوارٹر والا یہ بورڈ 1958 سے اپنے 50 علاقائی ڈائریکٹوریٹ کے ذریعے ملک بھر میں کارکنوں کو با اختیار بنا رہا ہے۔ یہ انسانی وسائل اور صنعتی ترقی کے بارے میں منظم شعبے کے کارکنوں کے لیے تربیت اور بیداری کے پروگراموں پر توجہ مرکوز کرتا ہے، جبکہ غیر منظم اور دیہی کارکنوں کو سماجی تحفظ اور مختلف دیگر مزدوروں کی فلاح و بہبود کی اسکیموں اور پروگراموں کے بارے میں بھی تعلیم دیتا ہے۔

بدلتے ہوئے منظر نامے کے جواب میں، بورڈ کارکنوں کو تربیت دینے اور براہ راست فوائد کو یقینی بنانے کے لیے مختلف اہم سرکاری اسکیموں میں ان کا اندراج کرنے کے لیے شرمک چوپال اور بیداری-کم-رجسٹریشن کیمپس کا انعقاد کر رہا ہے۔ اس کے علاوہ، بورڈ کارکنوں کو ہنر مندی، ری اسکلنگ، اور اپ اسکلنگ کے مواقع فراہم کرنے کے لیے مختلف اداروں کے ساتھ تعاون کر رہا ہے۔

بورڈ نیشنل کونسل فار ووکیشنل ایجوکیشن اینڈ ٹریننگ (این سی وی ای ٹی) سے ایوارڈنگ باڈی کا درجہ حاصل کرنے کے لیے بھی کوشاں ہے۔

***********

ش ح۔ ف ش ع- ج ا

U: 8886