চৎনবী, মহৌশা অমসুং হকচাং ফনা, নুংঙাই-য়াইফনা লৈবা হায়বসিগী ফ্যুজন অসিদা, য়োগ তৌবশিং মখোয়গী মেতশিং অদু ভারতকী খ্বাইদগী ঙক্নিংঙাই ওইরবা মহৌশাগী অঙকপা অমা ওইরিবা- মেঘালয়গী ‘দবল দেক্কর লিবিংরুত ব্রিজ’ থাখ্রে। লৈচিল নোংফাইনা কুপশিল্লবা চিংয়া, চাইথরক্লি ঈশিং চাইবী অমসুং লিরবা উরাশিংনা চিবোন-চিবোন ঙাংনরিবা চিংয়াগী নাপোমদা, নোর্থ ইস্তর্ন ইনস্তিত্যুত ওফ আয়ুরবেদ এন্দ হোমিওপেথী (NEIAH)না ইন্তর্নেস্নেল দে ওফ য়োগ (IDY) 2025কী কাউন্তদাউনগী শরুক অমা ওইনা তোপ-তোপ্পা মখল অমগী য়োগ অমা শিনখ্রে।

পার্তিসিপেন্তশিং অদুনা মসি অতোপ্পা য়োগগী ইচম-চম্বা থৌরম অমা নত্তে; মসি অখাং কনবা অমসুং চান্ন-চিন্ননা, পুকচেল-খোইজেল তিন্ননা - মহৌশা অমসুং মীওইবগী ৱাখল্লোন অনিমক্না লৈমিন্নবগী ময়েক লারবা খুদম অমনি। থোং মশা অসিগুম্না খাসিগী কুৎ-শা হৈ-শিংলবা মীরোল কয়া কয়াগী খুত্থাংদা মতমগী চৈথেং কয়া মায়োক্নদুনা লাক্লবা থোং অসিগুম্না য়োগনা অখাং কনবা, পাঙ্গল অমসুং পুক্নিং-ৱাখল লৈতানা খল মান্ননা লৈবা অদুবু তাক্লি।  মসিগী থৌরম অসিনা সস্তেনেবল ওইবা, ৱাল লৈনা হিংনবগীদমক্তা পুক্নিং থৌগত্তুনা অরিবা লৌশিংনা করম্না অথিংবা-অপনবা অমত্তা লৈতনা মতম অসিগী ৱেলনেসকা চুশিন্নবগে হায়বদুগী খুদম চাংদম্নি।

লিবিং রুত ব্রিজ, UNESCO ৱার্লদ হেরিতেজ কন্তেন্দর অমা ওইরিবা অসি রবর ফিগ ত্রীশিগী য়ান্থরকপা মরাশিংদগী মপুং ওইনা য়েত্তুনা শেম্বনি, মসিনা মতমগী মতুং ইন্না হেন্না কনখৎলকপা অহিংবা, শ্বর হোল্লিবা লম্বি অমা শেম্মি। য়াম্না শুক্লবা রেনফোরেস্ত অমসুং চেন্থরক্লিবা অপিকপা তুরেলশিংনা কোইশিন্দুনা লৈবনা মফম অসিনা য়োগবু শাজেল খক্ত নত্তনা-মহৌশাগা শাগোন্নবা পুনশিগী মহিং অমনি হায়বসি উৎনবগী খ্বাইদগী হেন্না ময়েক লারবা খুদম অমনি।

য়ুনাইতেদ নেসন্সনা জুন 21বু 2014দা ইন্তর্নেস্নেল দে ওফ য়োগ হায়না লাউথোকখিবদগী, ভারতনা মখোয়গী খ্বাইদগী হেন্না মমিং লৈরবা মফম খরবা য়োগ শিন্দুনা মালেম অসিনা য়োগবু করম্না এক্সপরিয়েন্স তৌবগে হায়বগী অনৌবা শক্তম অমা উৎখ্রে। তাজ মহলদগী হৌরগা কোনার্ক সন তেম্পল, গেতৱে ওফ ইন্দিয়াদগী হৌরগা রেদ ফোর্ত, মফম খুদিংমক্না পুৱারি, চৎনবী অমসুং হকচাং ফনা, নুংঙাই য়াইফনা লৈবগী ৱারি কয়া লিরি। হৌজিক্তি লিবিং রুত ব্রিজশু লিস্ত অসিগী মনুং চনখ্রে-য়োগগী ৱাখল্লোন অসিবু মেঘালয়গী শেংলবা লেন্দস্কেপশিং অসিগী ময়োলদা পুরক্লি।

IDY 2025কী কাউন্তদাউন তৌরকপগা লোইননা অসিগুম্বা থৌরমশিং অসিনা য়োগগী কান্নবশিং অদুবু য়োকখৎপদা নত্তনা পুক্নিং হুনা ফজরবা ভারতকী মহৌশাগী অমসুং পারি-পুরিদগী লৈরক্লবা চৎনবীগী ফজবা অদুবুশু মশক তাক্লি। মসিগী লিরবা থোং অসিদা উপাথোকখিবা আসনা খুদিংমক্না য়াম্না ময়েক শেংলবা পাউজেল অমা পীরি-য়োগ অসি স্তুদিয়ো খক্তদা পাংথোক্কদবা নত্তে, মসি মালেমগী, মহৌশাগী অমসুং পুক্নিং-ৱাখল লৈতানা লৈবা অমসুং হকচাং ফনা, নুংঙাইনা লৈবা পাম্বা মীপুম খুদিংমক্কীনি।

****