સ્થૂળતા સામેની લડાઈને વધુ તીવ્ર બનાવતા, કેન્દ્રીય યુવા બાબતો અને રમતગમત અને શ્રમ અને રોજગાર મંત્રી, ડો. મનસુખ માંડવિયા 23 માર્ચ 2025ના રોજ રાષ્ટ્રવ્યાપી આંદોલન 'ફિટ ઇન્ડિયા સન્ડેઝ ઓન સાયકલ'માં ભાગ લેશે. કેન્દ્રીય મંત્રીની સાથે ઉત્તરપ્રદેશનાં આદરણીય રાજ્યપાલ શ્રીમતી આનંદીબહેન પટેલ અને ઉત્તરપ્રદેશનાં રમતગમત અને યુવા બાબતોનાં મંત્રી શ્રી ગિરીશચંદ્ર યાદવ પણ સામેલ થશે.

ડો. માંડવિયા મરીન ડ્રાઇવ (સામાજિક પરિવર્તન સ્થળ) થી સમતા મુલક ચૌરાહાથી 1090 ચૌરાહા અને પાછા 3 કિલોમીટર સુધી સાયકલ ચલાવશે અને 400 થી વધુ સાઇકલ સવારોના એક જૂથનું નેતૃત્વ કરશે, જે આદરણીય પ્રધાનમંત્રી નરેન્દ્ર મોદીના મેદસ્વીપણા સામે લડવાનો અને સ્વસ્થ અને સક્રિય જીવનશૈલીમાં વ્યસ્ત રહેવાનો સંદેશ ફેલાવશે.

બીજી તરફ એશિયન ગેમ્સના મેડલ વિજેતા જેવલીન થ્રોઅર કિશોર જેના મુંબઈના મનોહર અક્સા બીચ પર સાઇકલિંગ મૂવમેન્ટમાં ભાગ લેશે. જ્યારે ફિઝિકલ એજ્યુકેશન ફાઉન્ડેશન ઓફ ઇન્ડિયા (પીઇએફઆઇ)ના સભ્યો નવી દિલ્હીમાં આ પહેલમાં ભાગ લેશે.

અત્યાર સુધી, રાષ્ટ્રવ્યાપી સાયકલિંગ ડ્રાઇવનું આયોજન 4200 સ્થળોએ કરવામાં આવ્યું છે, જેમાં અંદાજે 2 લાખ વ્યક્તિઓ ભાગ લીધો છે. આ ચળવળ દેશભરમાં વાયુ પ્રદૂષણના સ્તરને ઘટાડવા માટે પર્યાવરણને અનુકૂળ પદ્ધતિઓને પણ પ્રોત્સાહન આપે છે. આ પહેલ અનેક રાજ્યો અને કેન્દ્રશાસિત પ્રદેશોમાં હાથ ધરવામાં આવી રહી છે. જેમાં સાઇકલિંગ ઉત્સાહીઓ, રમતવીરો, કોચ, રમતગમત વિજ્ઞાનના નિષ્ણાતો વગેરે સામેલ છે.

અગાઉ, સાયકલિંગ ઇવેન્ટમાં ભારતીય સેનાના જવાનો, સેન્ટ્રલ રિઝર્વ પોલીસ ફોર્સ (સીઆરપીએફ), ઇન્ડો-તિબેટિયન બોર્ડર પોલીસ (આઇટીબીપી) અને લવલિના બોરગોહેન, સંગ્રામ સિંહ, શંકી સિંહ, નીતુ ઘાંઘાસ, સવિતી બૂરા, પેરિસ પેરાલિમ્પિક્સની બ્રોન્ઝ મેડલ વિજેતા રૂબિના ફ્રાન્સિસ અને સિમરન શર્મા (પેરા વર્લ્ડ ચેમ્પિયન) ઉપરાંત રાહુલ બોઝ, અમિત સિયાલ અને ગુલ પનાગ જેવી હસ્તીઓ સામેલ થયા હતા.

'ફિટ ઇન્ડિયા સન્ડેઝ ઓન સાઇકલ'નું આયોજન યુવા બાબતો અને રમતગમત મંત્રાલય (એમવાયએએસ) દ્વારા સાઇકલિંગ ફેડરેશન ઓફ ઇન્ડિયા (સીએફઆઇ), માય બાઇક્સ અને માય ભારતના સહયોગથી કરવામાં આવ્યું છે. એસએઆઈ રિજનલ સેન્ટર્સ, નેશનલ સેન્ટર્સ ઓફ એક્સલન્સ (એનસીઓઈ) અને ખેલો ઈન્ડિયા સેન્ટર્સ (કેઆઈસી)માં એક સાથે દેશભરમાં કાર્યક્રમો યોજાય છે.

AP/IJ/GP/JD