ਵਧਦੇ ਤਾਪਮਾਨ ਅਤੇ ਭਾਰਤ ਮੌਸਮ ਵਿਗਿਆਨ ਵਿਭਾਗ (IMD) ਵੱਲੋਂ ਵੱਖ-ਵੱਖ ਖੇਤਰਾਂ ਨੂੰ ਜਾਰੀ ਕੀਤੀਆਂ ਗਈਆਂ ਸਲਾਹਾਂ ਦੇ ਮੱਦੇਨਜ਼ਰ, ਆਯੂਸ਼ ਮੰਤਰਾਲੇ ਨੇ ਦੇਸ਼ ਭਰ ਵਿੱਚ ਫੈਲੀਆਂ ਆਪਣੀਆਂ ਸੰਸਥਾਵਾਂ ਦੇ ਨੈੱਟਵਰਕ ਰਾਹੀਂ ਇੱਕ ਦੇਸ਼ ਵਿਆਪੀ ਸੰਵੇਦਨਸ਼ੀਲਤਾ ਮੁਹਿੰਮ ਸ਼ੁਰੂ ਕੀਤੀ ਹੈ। ਇਨ੍ਹਾਂ ਯਤਨਾਂ ਦਾ ਉਦੇਸ਼ ਗਰਮੀ ਦੀਆਂ ਹੀਟਵੇਵ ਤੋਂ ਬਚਾਅ ਦੇ ਉਪਾਵਾਂ ਬਾਰੇ ਜਾਗਰੂਕਤਾ ਫੈਲਾਉਣਾ ਹੈ।

ਆਯੁਸ਼ ਮੰਤਰਾਲੇ ਅਧੀਨ ਸੰਸਥਾਵਾਂ ਅਤੇ ਸੰਗਠਨ ਨਾਗਰਿਕਾਂ ਨੂੰ ਹੀਟਵੇਵ ਦੀ ਰੋਕਥਾਮ ਬਾਰੇ ਜਾਗਰੂਕ ਕਰਨ ਲਈ ਕਈ ਤਰ੍ਹਾਂ ਦੀਆਂ ਗਤੀਵਿਧੀਆਂ ਚਲਾ ਰਹੇ ਹਨ, ਜਿਸ ਵਿੱਚ ਜਾਗਰੂਕਤਾ ਸੈਸ਼ਨ, ਆਈਈਸੀ ਸਮੱਗਰੀ ਦੀ ਵੰਡ ਆਦਿ ਸ਼ਾਮਲ ਹਨ। ਇਹ ਮੁਹਿੰਮ ਵਿਗਿਆਨਕ ਸਬੂਤਾਂ ਦੁਆਰਾ ਸਮਰਥਿਤ ਸੁਝਾਵਾਂ ਅਤੇ ਰਵਾਇਤੀ ਤੰਦਰੁਸਤੀ ਅਭਿਆਸਾਂ 'ਤੇ ਜ਼ੋਰ ਦਿੰਦੀ ਹੈ ਤਾਂ ਜੋ ਨਾਗਰਿਕਾਂ ਨੂੰ ਅਤਿਅੰਤ ਹੀਟਵੇਵ ਦੀਆਂ ਸਥਿਤੀਆਂ ਦੌਰਾਨ ਸੁਰੱਖਿਅਤ ਰਹਿਣ ਵਿੱਚ ਮਦਦ ਕੀਤੀ ਜਾ ਸਕੇ।

ਡਾ. ਐੱਮ.ਐੱਮ. ਰਾਓ, ਸੀ.ਏ.ਆਰ.ਆਈ., ਭੁਵਨੇਸ਼ਵਰ

ਜਾਮਨਗਰ ਸਥਿਤ ਇੰਸਟੀਟਿਊਟ ਆਫ਼ ਟੀਚਿੰਗ ਐਂਡ ਰਿਸਰਚ ਇਨ ਆਯੁਰਵੇਦ (ITRA) ਨੇ ਸਥਾਨਕ ਆਬਾਦੀ ਨੂੰ ਵਧਦੇ ਤਾਪਮਾਨ ਦੇ ਨੁਕਸਾਨਦੇਹ ਪ੍ਰਭਾਵਾਂ ਤੋਂ ਬਚਾਉਣ ਲਈ ਸਰਗਰਮ ਕਦਮ ਚੁੱਕੇ ਹਨ। ਜਨਤਕ ਸਿਹਤ ਪ੍ਰਤੀ ਆਪਣੀ ਨਿਰੰਤਰ ਵਚਨਬੱਧਤਾ ਦੇ ਹਿੱਸੇ ਵਜੋਂ, ITRA ਨੇ 20 ਮਾਰਚ, 2025 ਨੂੰ ਇੱਕ ਮਹੱਤਵਪੂਰਨ ਗਤੀਵਿਧੀ ਕੀਤੀ, ਤਾਂ ਜੋ ਵਸਨੀਕਾਂ ਨੂੰ - ਖਾਸ ਕਰਕੇ ਉਨ੍ਹਾਂ ਨੂੰ ਜੋ ਇਸਦੇ ਆਊਟਪੇਸ਼ੈਂਟ ਵਿਭਾਗ (OPD) ਵਿੱਚ ਗਰਮੀ ਦੀਆਂ ਮਹਾਮਾਰੀਆਂ ਨਾਲ ਜੁੜੇ ਜੋਖਮਾਂ ਤੋਂ ਸਿੱਖਿਅਤ ਅਤੇ ਸੁਰੱਖਿਅਤ ਕਰਨ।

ਮੁਹਿੰਮ ਦੌਰਾਨ ITRA ਹਸਪਤਾਲ ਅਤੇ ਆਲੇ-ਦੁਆਲੇ ਦੇ ਖੇਤਰ ਵਿੱਚ ਵਿਦਿਅਕ ਪੈਂਫਲੇਟ ਵੰਡੇ ਗਏ। ਇਹ ਦੋਭਾਸ਼ੀ ਬੁੱਕਲੈਟ ਗਰਮੀ ਨਾਲ ਸਬੰਧਿਤ ਬਿਮਾਰੀਆਂ ਨੂੰ ਰੋਕਣ ਲਈ ਮਹੱਤਵਪੂਰਨ ਸੁਝਾਅ ਅਤੇ ਵਿਵਹਾਰਿਕ ਮਾਰਗਦਰਸ਼ਨ ਪ੍ਰਦਾਨ ਕਰਦੇ ਹਨ, ਜਿਵੇਂ ਕਿ ਬਹੁਤ ਸਾਰਾ ਪਾਣੀ ਪੀਣਾ, ਪੀਕ ਘੰਟਿਆਂ ਦੌਰਾਨ ਸਿੱਧੀ ਧੁੱਪ ਤੋਂ ਬਚਣਾ, ਅਤੇ ਗਰਮੀ ਦੇ ਤਣਾਅ ਦੇ ਸ਼ੁਰੂਆਤੀ ਚੇਤਾਵਨੀ ਸੰਕੇਤਾਂ ਨੂੰ ਪਛਾਣਨਾ। ਪ੍ਰੋਗਰਾਮ ਦਾ ਉਦੇਸ਼ ਲੋਕਾਂ ਨੂੰ ਉਹ ਗਿਆਨ ਪ੍ਰਦਾਨ ਕਰਨਾ ਹੈ ਜਿਸਦੀ ਉਹਨਾਂ ਨੂੰ ਜ਼ਰੂਰਤ ਹੈ।

ਡਾ. ਜੈਪ੍ਰਕਾਸ਼ ਰਾਮ ਨੇ ਹੀਟਵੇਵ ਜਾਗਰੂਕਤਾ: ਗਿਆਨ, ਰੋਕਥਾਮ ਅਤੇ ਇਲਾਜ 'ਤੇ ਇੱਕ ਪ੍ਰੇਰਨਾਦਾਇਕ ਅਤੇ ਜਾਣਕਾਰੀ ਭਰਪੂਰ ਭਾਸ਼ਣ ਦਿੱਤਾ। ਆਰਏਆਰਆਈ (RARI) ਅਹਿਮਦਾਬਾਦ ਵਿਖੇ ਆਯੋਜਿਤ, ਇਸ ਜੀਵੰਤ ਪ੍ਰੋਗਰਾਮ ਨੇ OPD ਦੇ ਮਰੀਜ਼ਾਂ, ਉਨ੍ਹਾਂ ਦੇ ਪਰਿਵਾਰਾਂ ਅਤੇ ਸੰਸਥਾ ਦੇ ਸਮਰਪਿਤ ਸਟਾਫ ਨੂੰ ਲੂ (ਹੀਟਵੇਵ) ਦੇ ਖ਼ਤਰਿਆਂ ਨਾਲ ਆਤਮਵਿਸ਼ਵਾਸ ਅਤੇ ਦੇਖਭਾਲ ਨਾਲ ਨਜਿੱਠਣ ਲਈ ਸਮੂਹਿਕ ਜਾਗਰੂਕਤਾ ਲਈ ਇਕਜੁੱਟ ਕੀਤਾ।

ਪ੍ਰੋਗਰਾਮ ਦੌਰਾਨ ਹਾਜ਼ਰੀਨ ਨੇ ਜੀਵੰਤ ਵਿਚਾਰ-ਵਟਾਂਦਰੇ ਵਿੱਚ ਹਿੱਸਾ ਲਿਆ, ਅਤੇ ਕਈ ਲੋਕ ਪੈਂਫਲੇਟ ਅਤੇ ਭੀਸ਼ਣ ਗਰਮੀ ਤੋਂ ਬੱਚਣ ਲਈ ਨਵੇਂ ਸਿਰੇ ਤੋਂ ਦ੍ਰਿੜ੍ਹ ਸੰਕਲਪ ਨਾਲ ਘਰ ਗਏ।

ਸੈਂਟਰਲ ਰਿਸਰਚ ਇੰਸਟੀਟਿਊਟ ਆਫ਼ ਯੋਗਾ ਐਂਡ ਨੈਚਰੋਪੈਥੀ, ਝੱਜਰ ਤੋਂ ਡਾ. ਪ੍ਰੀਤੀ ਨੇ ਮਰੀਜ਼ਾਂ ਅਤੇ ਸਟਾਫ ਨੂੰ ਯੋਗਾ ਅਤੇ ਨੈਚਰੋਪੈਥੀ ਦੀਆਂ ਇਲਾਜ ਸ਼ਕਤੀਆਂ ਰਾਹੀਂ ਹੀਟਵੇਵ ਜਾਗਰੂਕਤਾ ਬਾਰੇ ਮਾਰਗਦਰਸ਼ਨ ਕੀਤਾ।

ਡਾ: ਜੈਪ੍ਰਕਾਸ਼ ਰਾਮ, RARI, ਅਹਿਮਦਾਬਾਦ

ਹੀਟਵੇਵ ਦੀ ਰੋਕਥਾਮ ਸਬੰਧੀ ਸਿਹਤ ਸੇਵਾਵਾਂ ਦੇ ਡਾਇਰੈਕਟਰ ਜਨਰਲ ਦੇ ਅਧੀਨ ਆਯੁਸ਼ ਵਰਟੀਕਲ ਤੋਂ ਜਨਤਕ ਸਿਹਤ ਸਲਾਹ ਦਾ ਐਡੈਂਡਮ

• ਹਾਈਡ੍ਰੇਟਿਡ ਰਹੋ: ਆਪਣੇ ਸਰੀਰ ਨੂੰ ਹਾਈਡ੍ਰੇਟ ਰੱਖਣ ਲਈ ਦਿਨ ਭਰ ਬਹੁਤ ਸਾਰਾ ਪਾਣੀ ਪੀਓ। ਤੁਸੀਂ ਤਰਲ ਪਦਾਰਥਾਂ ਦੇ ਪੱਧਰ ਨੂੰ ਬਣਾਈ ਰੱਖਣ ਅਤੇ ਠੰਡਾ ਰਹਿਣ ਲਈ ਲੱਸੀ, ਨਾਰੀਅਲ ਪਾਣੀ ਅਤੇ ਫਲਾਂ ਦੇ ਰਸ ਵੀ ਸ਼ਾਮਲ ਕਰ ਸਕਦੇ ਹੋ।

• ਠੰਢੇ ਪੀਣ ਵਾਲੇ ਪਦਾਰਥਾਂ ਦੀ ਵਰਤੋਂ ਕਰੋ: ਆਪਣੇ ਰੁਟੀਨ ਵਿੱਚ ਕੁਦਰਤੀ ਤੌਰ 'ਤੇ ਠੰਢੇ ਪੀਣ ਵਾਲੇ ਪਦਾਰਥ ਸ਼ਾਮਲ ਕਰੋ, ਜਿਵੇਂ ਕਿ ਨਾਰੀਅਲ ਪਾਣੀ, ਨਿੰਬੂ ਦਾ ਰਸ, ਜਾਂ ਫਲ-ਅਧਾਰਿਤ ਪੀਣ ਵਾਲੇ ਪਦਾਰਥ। ਇਹ ਸਰੀਰ ਦੇ ਤਾਪਮਾਨ ਨੂੰ ਘਟਾਉਣ ਅਤੇ ਤੁਹਾਨੂੰ ਤਰੋਤਾਜ਼ਾ ਰੱਖਣ ਵਿੱਚ ਮਦਦ ਕਰਦੇ ਹਨ।

• ਸਿੱਧੀ ਧੁੱਪ ਤੋਂ ਬਚੋ: ਬਾਹਰ ਜਾਂਦੇ ਸਮੇਂ, ਧੁੱਪ ਦੇ ਸੰਪਰਕ ਨੂੰ ਘੱਟ ਤੋਂ ਘੱਟ ਕਰਨ ਲਈ ਛੱਤਰੀ ਦੀ ਵਰਤੋਂ ਕਰੋ ਜਾਂ ਚੌੜੀ ਟੋਪੀ ਪਹਿਨੋ। ਇਸ ਨਾਲ ਹੀਟ ਸਟ੍ਰੋਕ ਅਤੇ ਸਨਬਰਨ ਤੋਂ ਬਚਾਅ ਹੁੰਦਾ ਹੈ।

• ਹਲਕਾ ਭੋਜਨ ਖਾਓ: ਘਰੋਂ ਨਿਕਲਣ ਤੋਂ ਪਹਿਲਾਂ, ਹਲਕਾ, ਆਸਾਨੀ ਨਾਲ ਪਚਣ ਵਾਲਾ ਭੋਜਨ ਚੁਣੋ। ਭਾਰੀ ਜਾਂ ਤੇਲਯੁਕਤ ਭੋਜਨ ਤੋਂ ਬਚੋ, ਕਿਉਂਕਿ ਇਹ ਸਰੀਰ ਦੀ ਗਰਮੀ ਵਧਾ ਸਕਦੇ ਹਨ।

• ਢੁਕਵੇਂ ਕੱਪੜੇ ਪਾਓ: ਸੂਤੀ ਵਰਗੇ ਕੱਪੜਿਆਂ ਤੋਂ ਬਣੇ ਪੂਰੀਆਂ ਬਾਹਾਂ ਵਾਲੇ, ਢਿੱਲੇ-ਫਿਟਿੰਗ ਵਾਲੇ ਕੱਪੜੇ ਪਾਓ। ਇਹ ਸਿੱਧੀ ਧੁੱਪ ਤੋਂ ਬਿਹਤਰ ਸੁਰੱਖਿਆ ਪ੍ਰਦਾਨ ਕਰਦਾ ਹੈ ਅਤੇ ਤੁਹਾਨੂੰ ਠੰਡਾ ਰੱਖਣ ਵਿੱਚ ਮਦਦ ਕਰਦਾ ਹੈ।

• ਠੰਢੇ ਪਾਣੀ ਦੇ ਅਰਕ ਦੀ ਵਰਤੋਂ ਕਰੋ: ਆਪਣੇ ਪੀਣ ਵਾਲੇ ਪਾਣੀ ਨੂੰ ਠੰਢਾ ਕਰਨ ਵਾਲੇ ਤੱਤਾਂ ਜਿਵੇਂ ਕਿ ਖਸ (ਵੇਟੀਵਰ), ਸਰੀਵਾ (ਭਾਰਤੀ ਸਰਸਪੈਰਿੱਲਾ), ਜੀਰਾ, ਅਤੇ ਧਨੀਆ (ਧਨੀਆ ਦੇ ਬੀਜ) ਨਾਲ ਤਿਆਰ ਕਰੋ। ਇਹ ਸਰੀਰ ਦੀ ਗਰਮੀ ਨੂੰ ਘਟਾਉਣ ਵਿੱਚ ਮਦਦ ਕਰ ਸਕਦਾ ਹੈ।

• ਸੱਤੂ-ਅਧਾਰਿਤ ਰਿਫਰੈਸ਼ਮੈਂਟਾਂ ਦਾ ਆਨੰਦ ਮਾਣੋ: ਠੰਢਕ ਅਤੇ ਤਾਜ਼ਗੀ ਲਈ ਸੱਤੂ (ਭੁੰਨੇ ਹੋਏ ਜੌਂ ਜਾਂ ਬੰਗਾਲੀ ਛੋਲਿਆਂ ਤੋਂ ਬਣਿਆ ਇੱਕ ਮੋਟਾ ਪਾਊਡਰ) ਗੁੜ ਜਾਂ ਸੇਂਧਾ ਨਮਕ ਦੇ ਨਾਲ ਮਿਲਾ ਕੇ ਖਾਓ।

• ਠੰਡਕ ਦੇਣ ਵਾਲੇ ਸਨੈਕਸ ਖਾਓ: ਫਾਲਸਾ (ਭਾਰਤੀ ਬਲੈਕਬੈਰੀ), ਮੁਨੱਕਾ (ਕਿਸ਼ਮਿਸ਼), ਲਾਜਾ (ਸੁੱਕਿਆ ਹੋਇਆ ਝੋਨਾ), ਅਤੇ ਪੇਠਾ (ਕੈਂਡੀਡ ਐਸ਼ ਲੌਕੀ) ਵਰਗੇ ਭੋਜਨਾਂ ਨੂੰ ਖੁਰਾਕ ਵਿੱਚ ਸ਼ਾਮਲ ਕਰੋ।

• ਕੂਲਿੰਗ ਪੇਸਟ ਲਗਾਓ: ਗਰਮ ਮੌਸਮ ਦੌਰਾਨ ਠੰਢਾ ਹੋਣ ਵਿੱਚ ਮਦਦ ਕਰਨ ਲਈ ਚੰਦਨ ਅਤੇ ਵੇਟੀਵਰ (vetiver) ਵਰਗੇ ਖੁਸ਼ਬੂਦਾਰ ਔਸ਼ਧੀ ਪੌਦਿਆਂ ਤੋਂ ਬਣੇ ਪੇਸਟ ਦੀ ਵਰਤੋਂ ਆਪਣੀ ਚਮੜੀ 'ਤੇ ਕਰੋ।

• ਹਾਈਡ੍ਰੇਟਿੰਗ ਫਲ ਅਤੇ ਸਬਜ਼ੀਆਂ ਸ਼ਾਮਲ ਕਰੋ: ਫਲ ਅਤੇ ਸਬਜ਼ੀਆਂ ਦਾ ਸੇਵਨ ਕਰੋ ਜਿਨ੍ਹਾਂ ਵਿੱਚ ਪਾਣੀ ਦੀ ਮਾਤਰਾ ਜ਼ਿਆਦਾ ਹੋਵੇ, ਜਿਵੇਂ ਕਿ ਅੰਗੂਰ, ਖੀਰਾ, ਤਰਬੂਜ, ਸਿੰਘਾੜਾ, ਖਰਬੂਜ਼ਾ, ਅੰਬ ਅਤੇ ਗੰਨੇ ਦਾ ਰਸ। ਬੇਲ ਦਾ ਸ਼ਰਬਤ ਵੀ ਗਰਮੀ ਨੂੰ ਹਰਾਉਣ ਲਈ ਇੱਕ ਵਧੀਆ ਵਿਕਲਪ ਹੈ।

• ਖੰਡ ਵਾਲਾ ਦੁੱਧ ਪੀਓ: ਹਾਈਡ੍ਰੇਟਿਡ ਰਹਿਣ ਅਤੇ ਊਰਜਾ ਬਣਾਈ ਰੱਖਣ ਦਾ ਇੱਕ ਸੌਖਾ ਤਰੀਕਾ ਹੈ ਦੁੱਧ ਵਿੱਚ ਖੰਡ ਪਾ ਕੇ ਪੀਣਾ।

• ਦੁਪਹਿਰ ਦੀ ਨੀਂਦ ਲਓ: ਦਿਨ ਦੇ ਸਭ ਤੋਂ ਗਰਮ ਹਿੱਸੇ ਵਿੱਚ ਆਰਾਮ ਕਰਨ ਨਾਲ ਗਰਮੀ ਨਾਲ ਸਬੰਧਤ ਬਿਮਾਰੀਆਂ ਦੇ ਜੋਖਮ ਨੂੰ ਘਟਾਉਣ ਅਤੇ ਤੁਹਾਡੇ ਊਰਜਾ ਦੇ ਪੱਧਰ ਨੂੰ ਉੱਚਾ ਰੱਖਣ ਵਿੱਚ ਮਦਦ ਮਿਲ ਸਕਦੀ ਹੈ। ਗਰਮ ਮੌਸਮ ਵਿੱਚ ਇੱਕ ਛੋਟੀ ਜਿਹੀ ਨੀਂਦ ਤਾਜ਼ਗੀ ਭਰਪੂਰ ਅਤੇ ਲਾਭਦਾਇਕ ਹੋ ਸਕਦੀ ਹੈ।

ਨਾ ਕਰੋ

• ਦਿਨ ਦੇ ਸਭ ਤੋਂ ਗਰਮ ਘੰਟਿਆਂ ਦੌਰਾਨ ਬਾਹਰ ਜਾਣ ਤੋਂ ਬਚੋ, ਆਮ ਤੌਰ 'ਤੇ ਦੁਪਹਿਰ 12:00 ਵਜੇ ਤੋਂ 3:00 ਵਜੇ ਦੇ ਵਿਚਕਾਰ, ਜਦੋਂ ਸੂਰਜ ਸਭ ਤੋਂ ਤੇਜ਼ ਹੁੰਦਾ ਹੈ।

• ਜੇਕਰ ਤੁਹਾਨੂੰ ਦੁਪਹਿਰ ਨੂੰ ਬਾਹਰ ਜਾਣਾ ਪੈਂਦਾ ਹੈ, ਤਾਂ ਜ਼ਿਆਦਾ ਗਰਮੀ ਅਤੇ ਡੀਹਾਈਡਰੇਸ਼ਨ ਤੋਂ ਬਚਣ ਲਈ ਸਖ਼ਤ ਮਿਹਨਤੀ ਗਤੀਵਿਧੀਆਂ ਤੋਂ ਬਚੋ।

• ਗਰਮ ਸਤਹਾਂ 'ਤੇ ਆਪਣੇ ਪੈਰਾਂ ਨੂੰ ਜਲਣ ਤੋਂ ਬਚਾਉਣ ਲਈ ਨੰਗੇ ਪੈਰ ਬਾਹਰ ਨਾ ਜਾਓ।

• ਦਿਨ ਦੇ ਸਭ ਤੋਂ ਗਰਮ ਹਿੱਸਿਆਂ ਵਿੱਚ ਖਾਣਾ ਪਕਾਉਣ ਤੋਂ ਬਚੋ। ਜੇ ਤੁਹਾਨੂੰ ਖਾਣਾ ਪਕਾਉਣਾ ਹੀ ਪੈਂਦਾ ਹੈ, ਤਾਂ ਤਾਜ਼ੀ ਹਵਾ ਆਉਣ ਲਈ ਦਰਵਾਜ਼ੇ ਅਤੇ ਖਿੜਕੀਆਂ ਖੋਲ੍ਹ ਕੇ ਓਚਿਤ  ਵੇਂਟੀਲੇਸ਼ਨ ਯਕੀਨੀ ਬਣਾਓ।

• ਸ਼ਰਾਬ, ਚਾਹ, ਕੌਫੀ ਅਤੇ ਖੰਡ ਦੀ ਮਾਤਰਾ ਵਾਲੇ ਕਾਰਬੋਨੇਟਿਡ ਡਰਿੰਕਸ ਨੂੰ ਘਟਾਓ ਜਾਂ ਉਨ੍ਹਾਂ ਤੋਂ ਬਚੋ। ਇਨ੍ਹਾਂ ਨਾਲ ਤਰਲ ਪਦਾਰਥਾਂ ਦੀ ਹਾਨੀü ਵਧ ਸਕਦੀ ਹੈ ਜਾਂ ਪੇਟ ਵਿੱਚ ਕੜਵੱਲ (cramps) ਪੈ ਸਕਦੀ ਹੈ।

• ਬੱਚਿਆਂ ਜਾਂ ਪਾਲਤੂ ਜਾਨਵਰਾਂ ਨੂੰ ਕਦੇ ਵੀ ਪਾਰਕ ਕੀਤੇ ਵਾਹਨ ਵਿੱਚ ਨਾ ਛੱਡੋ, ਭਾਵੇਂ ਥੋੜ੍ਹੇ ਸਮੇਂ ਲਈ ਹੀ ਕਿਉਂ ਨਾ ਹੋਵੇ। ਅੰਦਰ ਦਾ ਤਾਪਮਾਨ ਤੇਜ਼ੀ ਨਾਲ ਖ਼ਤਰਨਾਕ ਪੱਧਰ ਤੱਕ ਵੱਧ ਸਕਦਾ ਹੈ।

ਸਿਹਤ ਸੇਵਾਵਾਂ ਦੇ ਡਾਇਰੈਕਟਰ ਜਨਰਲ ਅਧੀਨ ਆਯੁਸ਼ ਵਰਟੀਕਲ ਵੱਲੋਂ ਐਡੈਂਡਮ ਪਬਲਿਕ ਹੈਲਥ ਐਡਵਾਈਜ਼ਰੀ ਬਾਰੇ ਹੋਰ ਜਾਣਕਾਰੀ ਲਈ: ਐਕਸਟ੍ਰੀਮ ਹੀਟ/ਹੀਟਵੇਵ, https://ayush.gov.in/resources/pdf/aechives/PublicHealthAdvisory.pdf ' ਤੇ ਜਾਓ।

****

ਐਮਵੀ/ਏਕੇਐਸ