بڑھتے ہوئے درجہ حرارت اور مختلف خطوں کو جاری کردہ ہندوستانی محکمہ موسمیات (آئی ایم ڈی) کے مشوروں کے تناظر میں، آیوش کی وزارت نے ملک بھر میں پھیلے اپنے اداروں کے نیٹ ورک کے ذریعے ملک گیر حساسیت مہم شروع کی ہے۔  ان کوششوں کا مقصدگرمی کی لہر(لُو) سے بچاؤ کے اقدامات کے بارے میں بیداری پھیلاناہے۔

وزارت آیوش کے  ماتحت ادارے اورتنظیمیں شہریوں کو گرمی کی لہر کی روک تھام کے بارے میں تعلیم دینے کے لیے متعدد سرگرمیاں انجام دے رہی ہیں، جن میں بیداری سیشن، آئی ای سی مواد کی تقسیم وغیرہ شامل ہیں ۔  یہ مہم شدید گرمی کی لہر کے حالات کے دوران شہریوں کومحفوظ رہنے میں مدد کرنے کے لیے سائنسی شواہد کی مددسے تجاویز اورروایتی تندرستی کے طور طریقوں پر زور دیتی ہے۔

ڈاکٹر ایم ایم راؤ، سی اے آر آئی ، بھوبنیشور

جام نگر میں واقع انسٹی ٹیوٹ آف ٹیچنگ اینڈریسرچ ان آیوروید(آئی ٹی آراے)نے مقامی آبادی کو گرم لو کے نقصان دہ اثرات سے بچانے کے لیے فعال اقدامات کیے ہیں۔  صحت عامہ کے تئیں اپنے جاری عزم کے ایک حصے کے طور پر، آئی ٹی آر اے نے 20 مارچ 2025 کو رہائشیوں کوتعلیم دینے اوران کی حفاظت کے لیے ایک اہم سرگرمی کا انعقاد کیا۔خاص طور پر ان لوگوں کے لیے جو لُوسے وابستہ خطرات سے اس کے آؤٹ پیشنٹ ڈپارٹمنٹ (او پی ڈی) کا دورہ کرتے ہیں۔

مہم کے دوران آئی ٹی آر اے اسپتال اور آس پاس کے علاقے میں تعلیمی پمفلٹ تقسیم کیے گئے ۔  یہ دو لسانی کتابچے گرمی سے متعلق بیماریوں کی روک تھام کے لیےاہم تجاویزاورعملی رہنمائی فراہم کرتے ہیں، جیسے کہ بہت زیادہ پانی پینا، چوٹی کے اوقات میں براہ راست سورج کی روشنی سے گریز کرنا اورگرمی کے ابتدائی انتباہی علامات کوپہچاننا۔  پروگرام کا مقصد لوگوں کو وہ علم فراہم کرنا ہے،جس کی انہیں ضرورت ہے۔

ڈاکٹر جے پرکاش رام نے ایک متاثر کن اور معلوماتی لیکچر دیا، جس کا موضوع  گرم لہر کے تئیں بیداری  :معلومات ، روک تھام اور علاج کا۔  آر اےآر آئی احمدآباد میں منعقد ہونے والی اس پرجوش تقریب نے او پی ڈی مریضوں،ان کے اہل خانہ اور ادارے کے  ڈیڈیکیٹڈ عملے کو اعتماداوردیکھ بھال کے ساتھ لُو (گرمی کی لہر)کے خطرات سے نمٹنے کے لیے اجتماعی بیداری کے لیے اکٹھا کیا۔  حاضرین تقریب کے دوران پرجوش مباحثوں میں مصروف رہےاوربہت سے لوگ پمفلٹ اورپرسکون رہنے کے نئے عزم کے ساتھ گھر گئے۔

سنٹرل ریسرچ انسٹی ٹیوٹ آف یوگا اینڈ نیچروپیتھی،جھجر کی ڈاکٹر پریتی نے یوگااورنیچروپیتھی کی شفا یابی کی طاقتوں کے ذریعے ہیٹ ویو بیداری پرمریضوں اورعملے کی رہنمائی کی۔

ڈاکٹر جے پرکاش رام، آر اے آر آئی،احمدآباد

ہیٹ ویو کی روک تھام سے متعلق ڈائریکٹر جنرل آف ہیلتھ سروسز کے تحت آیوش ورٹیکل سے پبلک ہیلتھ ایڈوائزری کا ضمیمہ

• ہائیڈریٹڈ رہیں:اپنے جسم کو ہائیڈریٹڈ رکھنے کے لیےدن بھر کافی مقدار میں پانی پئیں۔  سیال کی سطح کو برقراررکھنے اورٹھنڈا رہنے کے لیے آپ مکھن، ناریل کا پانی اورپھلوں کے رس بھی شامل کر سکتے ہیں۔
• کولنگ بیوریجز کا استعمال کریں: قدرتی طور پر کولنگ ڈرنکس کو اپنے معمولات میں شامل کریں، جیسے ناریل کا پانی، لیموں کا رس،یا پھلوں پر مبنی مشروبات ۔  یہ جسم کے درجہ حرارت کو کم کرنے اورآپ کو تازہ دم رکھنے میں مدد کرتے ہیں۔
• براہ راست سورج کی روشنی سے بچیں:باہر جاتے وقت،سورج کی تپش کو کم سے کم کرنے کے لیے چھتری کا استعمال کریں یا چوڑی چوڑی ٹوپی پہنیں۔  یہ ہیٹ اسٹروک اورسن برن کو روکنے میں مددکرتا ہے۔
• ہلکا کھانا کھائیں: گھر سے نکلنے سے پہلے ہلکے،آسانی سے ہضم ہونے والے کھانے کا انتخاب کریں۔  بھاری یا تیل والے کھانوں سے پرہیز کریں، کیونکہ وہ جسم کی گرمی کو بڑھا سکتے ہیں۔
• مناسب لباس پہنیں: کپاس سے تیار کپڑوں سے بنے پوری آستین والے ڈھیلے کپڑے پہنیں۔  یہ براہ راست سورج کی روشنی سے بہتر تحفظ فراہم کرتا ہے اورآپ کو ٹھنڈا رکھنے میں مدد کرتا ہے۔
• کولنگ واٹرانفیوژن کا استعمال کریں:اپنے پینے کے پانی کوکولنگ اجزاء جیسے کھس (ویٹیور)سریوا(ہندوستانی سرساپریلا)جیرا (زیرہ) اوردھنیاکا (دھنیا کے بیج) سے تیار کریں ۔  یہ جسم کی گرمی کو کم کرنے میں مددکر سکتا ہے ۔
• ستّوسے تیار ریفریشمنٹ کا لطف لیں: ٹھنڈک اور تازگی کے لیےگڑ یا چٹان(روک سالٹ) کے ساتھ ملا کرستّو (بھنے ہوئے جویا بنگال چنا سے بنا ایک موٹا پاؤڈر) کھائیں ۔
• کولنگ اسنیکس کھائیں: ٹھنڈک کے لیے اپنی خوراک میں فالسا (انڈین بلیک بیری) منکاّ (کشمش) لاجا (خشک دھان) اور پیٹھا (کینڈیڈ ایش گورڈ) جیسے کھانے شامل کریں ۔
• کولنگ پیسٹ لگائیں: گرمی کےموسم میں ٹھنڈا ہونے میں مدد کے لیے اپنی جلد پرصندل اور ویٹیور جیسے خوشبودار ادویاتی پودوں سے بنے پیسٹ کا استعمال کریں ۔
• ہائیڈریٹنگ پھل اورسبزیاں شامل کریں: ایسے پھل اور سبزیاں کھائیں جن میں پانی کی مقدار زیادہ ہو،جیسے انگور، کھیرا، تربوز،واٹر چیسٹ نٹ، تربوز،آم اور گنے کا رس ۔  گرمی کو شکست دینے کے لیے بیل شربت بھی ایک بہترین،متبال ہے ۔
• چینی کے ساتھ دودھ پئیں: ہائیڈریٹڈ رہنےاورتوانائی کوبرقراررکھنے کا ایک آسان طریقہ اضافی چینی کے ساتھ دودھ پینا ہے۔
• مڈ ڈے نیپ لیں: دن کے گرم ترین حصے میں آرام کرنے سے گرمی سے متعلق بیماریوں کے خطرے کو کم کرنے اور اپنی توانائی کی سطح کو برقراررکھنے میں مدد مل سکتی ہے۔  ایک مختصرجھپکی گرم موسم میں تازگی اور فائدہ مند ثابت ہوسکتی ہے۔

نہ کریں

• دن کےگرم ترین اوقات میں باہر جانے سے گریز کریں، عام طورپر دوپہر 12:00 بجے سے 3:00 بجے کے درمیان، جب سورج سب سے گرم ہوتاہے۔
• اگر آپ کودوپہر کے وقت باہر جانا پڑے تو مشقت والے کام سے پرہیز کریں ، تاکہ اوور ہیٹنگ اور ڈی ہائیڈریشن سے بچ سکیں ۔
•  اپنے پیروں کو جلانے سے بچنے کے لیے ننگے پاؤں باہر نہ جائیں ۔
• دن کےگرم ترین حصوں میں کھانا پکانے سے گریز کریں ۔  اگر آپ کو کھانا پکانا ہے، تو تازہ ہوا آنے کےلیے دروازے اور کھڑکیاں کھول کر مناسب وینٹیلیشن کو یقینی بنائیں ۔
• الکحل، چائے، کافی اورکاربونیٹیڈ مشروبات کوکم کریں یاان سےگریز کریں،جن میں شکر کی مقدار زیادہ ہو۔  یہ سیال کی کمی میں اضافے کا باعث بن سکتے ہیں یا پیٹ میں درد کا سبب بن سکتے ہیں ۔
• کبھی بھی بچوں یا پالتوجانوروں کوکھڑی گاڑی میں تھوڑی دیرکے لیےبھی نہ چھوڑیں۔  اندر کا درجہ حرارت تیزی سے خطرناک سطح تک بڑھ سکتا ہے ۔

صحت خدمات کے ڈائریکٹر جنرل کے تحت پبلک ہیلتھ ایڈوائزری کے بارے میں مزیدتفصیلات کے لیے: انتہائی گرمی/ہیٹ ویو، ملاحظہ کریں۔

sh.gov.in/resources/pdf/aechives/PublicHealthAdvisory.pdf

**********

ش ح۔م م ۔ن ع

 (U: 8589)