উত্তৰ-পূৱ উন্নয়ন মন্ত্ৰালয়ৰ অধীনস্থ নৰ্থ ইষ্টাৰ্ণ হেণ্ডিক্ৰাফ্টছ এণ্ড হেণ্ডলুমছ ডেভেলপমেণ্ট কৰ্পৰেশ্যন লিমিটেডে জাৰ্মানীৰ পৰা এৰী ৰেচমৰ বাবে অ’ইকো-টেক্স প্ৰমাণপত্ৰ লাভ কৰিছে। অ’ইকো-টেক্স হৈছে সূতা, কাপোৰ, বুটাম, লিনেন, টেৰী কাপোৰ, সূতা আৰু অন্যান্য আনুষংগিক সামগ্ৰীৰ বাবে বিশ্বব্যাপী প্ৰমাণপত্ৰ যিয়ে কেঁচা, অৰ্ধ-সমাপ্ত আৰু সম্পূৰ্ণ বস্ত্ৰ সামগ্ৰী তথা সামগ্ৰীত ক্ষতিকাৰক পদাৰ্থৰ পৰীক্ষা কৰে। অ’ইকো-টেক্স প্ৰমাণপত্ৰই নিশ্চিত কৰে যে চূড়ান্ত সামগ্ৰী মানুহৰ ব্যৱহাৰৰ বাবে নিৰাপদ।

বিশ্ব বস্ত্ৰ উদ্যোগত এৰী ৰেচমৰ বজাৰযোগ্যতা বৃদ্ধিৰ ক্ষেত্ৰত অ’ইকো-টেক্স প্ৰমাণপত্ৰ লাভ কৰাটো এক গুৰুত্বপূৰ্ণ মাইলৰ খুঁটি। এই প্ৰমাণপত্ৰই আন্তঃৰাষ্ট্ৰীয় ক্ৰেতাসকলক নিশ্চিত কৰে যে এৰী ৰেচমে আন্তঃৰাষ্ট্ৰীয় সুৰক্ষা আৰু গুণগত মান পূৰণ কৰে, গ্ৰাহকৰ আস্থা বৃদ্ধি কৰে আৰু উচ্চমানৰ বজাৰত ইয়াৰ গ্ৰহণযোগ্যতা সহজ কৰি তোলে। ইয়াৰ উপৰি ই নিশ্চিত কৰে যে এৰী ৰেচমে বস্ত্ৰ সুৰক্ষাৰ বাবে আন্তঃৰাষ্ট্ৰীয় অনুসৰণৰ প্ৰয়োজনীয়তা পূৰণ কৰে। ইয়াৰ ফলত ভাৰতীয় ৰপ্তানিকাৰকসকলে পৰিৱেশ অনুকূল আৰু ৰাসায়নিক মুক্ত সামগ্ৰীক অগ্ৰাধিকাৰ দিয়া উচ্চমানৰ বজাৰত প্ৰতিযোগিতাত অৱতীৰ্ণ হ’ব পাৰে। ইয়াৰ উপৰি, অ’ইকো-টেক্স প্ৰমাণীকৰণ বিশ্বব্যাপী বহনক্ষমতাৰ ধাৰাসমূহৰ সৈতে মিল খায়, যাৰ ফলত নৈতিক আৰু পৰিৱেশৰ প্ৰতি দায়বদ্ধ তথা পছন্দৰ বস্ত্ৰ বিচৰা ব্ৰেণ্ড আৰু গ্ৰাহকৰ বাবে এৰী ৰেচম অধিক আকৰ্ষণীয় হৈ পৰে।

এৰী ৰেচম উদ্যোগটো পৰম্পৰাগত পদ্ধতিৰ ব্যৱহাৰেৰে বহুলাংশে অসংগঠিত হৈ আছে। কেন্দ্ৰীয় ৰেচম ব'ৰ্ডৰ জৰিয়তে ভাৰত চৰকাৰে এৰী ৰেচম উদ্যোগৰ বিকাশ আৰু আধুনিকীকৰণৰ বাবে তলত দিয়া পদক্ষেপসমূহ গ্ৰহণ কৰিছে:

১।  এৰী ৰেচম খণ্ডৰ বাবে প্ৰয়োজনীয় গৱেষণা আৰু উন্নয়ন, প্ৰশিক্ষণ তথা সম্প্ৰসাৰণ সমৰ্থনৰ প্ৰয়োজনীয়তা পূৰণৰ       বাবে ইয়াৰ উপ গোটসমূহৰ সৈতে লাহোৰগড়ত কেন্দ্ৰীয় মুগা আৰু এৰী গৱেষণা প্ৰতিষ্ঠান স্থাপন কৰা হৈছে।

২। কেন্দ্ৰীয় ৰেচম ব’ৰ্ডৰ গৱেষণা আৰু উন্নয়ন প্ৰতিষ্ঠানৰ জৰিয়তে উৎপাদন আৰু উৎপাদনশীলতা বৃদ্ধিৰ বাবে অংশীদাৰসকলৰ মাজত অনুশীলন তথা প্ৰযুক্তিৰ উন্নত পেকেজৰ বিকাশ আৰু প্ৰদৰ্শন বাবে প্ৰয়োজনীয় উদ্ভাৱনীমূলক গৱেষণা সম্পন্ন কৰাৰ জৰিয়তে এৰী ৰেচম খণ্ডৰ আধুনিকীকৰণ আৰু উন্নয়নৰ বাবে প্ৰচেষ্টা চলাই থকা হৈছে।

৩। গুণগত মানৰ এৰী ৰেচম পলুৰ বীজৰ ৰক্ষণাবেক্ষণ, উৎপাদন আৰু যোগানৰ বাবে ইয়াৰ উপ গোটসমূহৰ সৈতে মুগা এৰী ৰেচম পলু বীজ সংস্থা প্ৰতিষ্ঠা কৰা।

৪। এৰী ৰেচম খণ্ডকে ধৰি দেশত ৰেচম উদ্যোগৰ সামগ্ৰিক বিকাশৰ বাবে ২০২১-২২ ৰ পৰা ২০২৫-২৬ লৈ ৰেচম সামগ্ৰী-২ আঁচনি ৰূপায়ণ কৰা।

৫। আজি ৰাজ্যসভাত এটা প্ৰশ্নৰ লিখিত উত্তৰত উত্তৰ-পূব অঞ্চল উন্নয়ন মন্ত্ৰালয়ৰ ৰাজ্য মন্ত্ৰী ডঃ সুকান্ত মজূমদাৰে এই তথ্য প্ৰকাশ কৰে।

*****

Samrat/Allen/MK