দোনর মিনিষ্ট্রিগী মখাদা লৈবা নোর্থ ইষ্টর্ন হেন্দিক্রাফস এন্দ হেন্দলুমস দিবলপমেন্ত কোর্পোরেসন লিমিতেদ (এন ই ঐচ ঐচ দি সি) না ইরি সিল্কগীদমক জর্মনিদগী ওকো-তেক্স সর্তিফিগেদ ফংলে। ওকো-তেক্স অসি মালেম শীনবা থুংনা তেক্সতাইলশিং হায়বদি লং, ফি, বত্তন, লাইনেন, তেরি ফি, থ্রিদ অমসুং অতোপ্পা মচাকশিংগী রো, সেমি-ফিনিস অমসুং ফিনিস তেক্সতাইলশিং অমসুং পোৎথোকশিংদা হকচাং শোক্নিংঙাই ওইবা মচাকশিংগী চাংয়েং তৌদুনা পীবা সর্তিফিগেদনি। ওকো-তেক্স সর্তিফিগেদ ফংবা অসিনা তাক্লবদি পোৎথোকশিং অদু মীওইবনা শীজিন্নবা য়ারে হায়বনি।

ওকো-তেক্স সর্তিফিগেদ ফংবা অসি মালেমগী তেক্সতাইল ইন্দস্ত্রিদা ইরি সিল্ক য়োনফম হেনগৎলক্নবগী অচৌবা মাইপাকপা  অমনি। ওকো-তেক্স সর্তিফিগেদ ফংবা অসিনা মালেমগী পোৎ লৈরিবশিংনা ইরি সিল্ক অসি মালেম থাক্কী গুনশিং ফংবা ঙম্লগনি, পোৎ লৈরিবশিংগী থাজবা হেনগৎলগনি অমসুং মসি অৱাংবা থাক্কী কৈথেলশিংদা পাম্নরগনি। মসিনা মহৌশাগী অকোয়বগী ফিবম শোকহন্দবা অমসুং কেমিকেল শীজিন্নবা পোৎথোকশিং পুথোক্তুনা ভারতকী এক্সপোর্তরশিং অৱাংবা থাক্কী কৈথেলশিংদা চাংদম্নবা ঙম্লগনি। মসিগী মথক্ত, ওকো-তেক্স সর্তিফিগেদ ফংবা অসি মালেমগী চৎনবীশিংদা য়াওবা ঙম্বনি, ব্রান্দশিংনা ইরি সিল্ক হেন্না পাম্নরগনি অমসুং পোৎ লৈরিবশিংনা তেক্সতাইল খনবদা নিয়ম চুম্না অমসুং অকোয়বগী ফিবম শোকহন্দবা পোৎথোকশিং ফংলগনি।

মমাংঙৈদগী চৎনরক্লবা থবকশিং পাংথোক্তুনা ইরি সিল্ক ইন্দস্ত্রি অসি মওং -মরিল তাদনা লৈরি। ইরি সিল্ক ইন্দস্ত্রি চাউখৎনবা অমসুং মতমগা চুনবা মওংদা শেমগৎনবা সেন্ত্রেল সিল্ক বোর্দকী মখাদা ভারত সরকারনা মখাগী থবকশিং অসি পায়খৎলে:

i. ইরি সিল্কগী দরকার ওইবা ত্রেনিং অমসুং এক্সতেন্সন পাংথোক্নবা অসামগী লাহদোইগরদা সেন্ত্রেল মুগা এন্দ ইরি রিছার্স ইন্সতিতুৎ লিংখৎলে।

ii. পোৎথোক হেনগৎনবা অনৌবা রিছার্স পাংথোক্তুনা অমসুং অফবা থবকশিং অমসুং তেক্নোলোজিশিং শেমগৎতুনা অমসুং উৎতুনা, ইরি সিল্ক সেক্তর ফগৎনবা অমসুং মতমগা চুনবা মওংদা শেমগৎনবা সেন্ত্রেল সিল্ক বোর্দকী আর অমসুং দি ইন্সতিতুৎকী খুৎথাংদা থবকশিং পায়খৎলে।

iii. অফবা ইরি সিল্কৱার্ম সিদ পুথোক্নবা অমসুং ফংহন্নবা মুগা ইরি সিল্কৱার্ম সিদ ওর্গনাইজেসন অমসুং মসিগী য়ুনিতশিং লিংখৎলে।

iv. ইরি সিল্ক সেক্তর য়াওনা লৈবাক অসিদা সেরিকলচর ইন্দস্ত্রি চাউখৎনবা ২০২১-২২ দগী ২০২৫-২৬ ফাওবা সিল্ক সামাগ্রা-২ স্কিম পায়খৎলি।

ৱাফম অসি ঙসি রাজ্য সভাদা ৱাহং অমগী পাউখুম অইবা ওইনা পীবদা দোনর মিনিস্ত্রিগী রাজ্য মন্ত্রী দোক্তর সুকান্তা মজুমদারনা ফোঙদোকখিবনি।

***