ٹیلی کام ریگولیٹری اتھارٹی آف انڈیا (ٹی آر     اے آئی) نے 12.02.2025 کو ٹیلی کام کمرشل کمیونیکیشنز کسٹمر ترجیحی ضوابط (ٹی سی سی سی پی آر)، 2018 میں ترمیم کی ہے جس میں        مندرجہ ذیل دفعات شامل ہیں:

ایک گاہک پہلے کی 3 دن کی حد کے مقابلے میں اب فرضی کال موصول ہونے کے 7 دنوں کے اندر فرضی کال/غیر منقولہ کمرشل کمیونیکیشن (یو سی سی) کے بارے میں شکایت کر سکتا ہے ۔

رسائی فراہم کرنے والوں کی جانب  سے غیر رجسٹرڈ بھیجنے والوں سے یو سی سی کے خلاف کارروائی کے لیے وقت کی حد 30 دن سے کم کر کے 5 دن کر دی گئی ہے۔

یو سی سی بھیجنے والوں کے خلاف فوری کارروائی کو یقینی بنانے کے لیے ان کے خلاف کارروائی کے معیار پر نظر ثانی کی گئی ہے اور اسے مزید سخت بنایا گیا ہے۔ کارروائی کو متحرک کرنے کے لیے 'گزشتہ 7 دنوں میں بھیجنے والے کے خلاف 10 شکایات موصول ہونے' کے پہلے کے معیار کے مقابلے، اسے 'گزشتہ 10 دنوں میں بھیجنے والے کے خلاف 5 شکایات' میں تبدیل کر دیا گیا ہے۔

یہ ترامیم سرکاری گزٹ میں اشاعت کی تاریخ سے تیس دن کے بعد لاگو ہوں گی سوائے ضابطہ 8، ضابطہ 17؛ ضابطے کی ذیلی شقیں (اے) اور (بی) 20؛ اور ضابطہ 21 کی ذیلی شق (بی) جو کہ سرکاری گزٹ میں ان ضوابط کی اشاعت کے ساٹھ دنوں کے بعد نافذ العمل ہوگی۔ مزید برآں، ٹی آر اے آئی نے 13.08.2024 کو غیر رجسٹرڈ بھیجنے والوں/ غیر رجسٹرڈ ٹیلی مارکیٹرز (یو ٹی ایم) کے تمام ٹیلی کام وسائل کو منقطع کرنے اور ایسے بھیجنے والوں کو بلیک لسٹ کرنے کے لیے ہدایات جاری کیں۔ رسائی فراہم کرنے والوں نے بڑے پیمانے پر اقدامات کیے ہیں جس کی وجہ سے یوٹی ایم  کے خلاف شکایات میں نمایاں کمی آگئی ہے جو اگست 2024 میں 1,89,419 سے جنوری 2025 میں 1,34,821 تک پہنچ گئی ہے۔ 1150 سے زیادہ اداروں/افراد کو بلیک لسٹ کیا گیا ہے اور 18 لاکھ سے زیادہ ٹیلی کام کے وسائل منقطع کیے گئے ہیں۔

یہ اطلاع مواصلات اور دیہی ترقیات کےوزیر مملکت ڈاکٹر پیماسانی  چندر شیکھر کے ذریعہ آج لوک سبھا میں   ایک سوال کے تحریری جواب میں دی گئی۔

**********

 (ش ح –ا ب ن)

U.No:8539