تجارت و صنعت اور الیکٹرانکس اور انفارمیشن ٹیکنالوجی کے مرکزی وزیر مملکت جناب جتن پرساد نے 18 مارچ 2025 کو نئی دہلی کے  وانجیہ بھون میں ملائیشیا کے نائب وزیر سرمایہ کاری، تجارت اور صنعت جناب  لیو چن ٹونگ کے ساتھ دو طرفہ میٹنگ کی۔ ملائیشیا کے سفارت کار اور حکومت کے سینئر میٹنگ کے دوران وزارت سرمایہ کاری، تجارت اور صنعت، ملائیشیا اور وزارت تجارت و صنعت، الیکٹرانکس اور انفارمیشن ٹیکنالوجی کی وزارت، وزارت خارجہ اور حکومت ہند کے بیورو آف انڈین اسٹینڈرڈز کے افسران بھی میٹنگ کے دوران موجود تھے۔

ملائیشیا آسیان کے دس رکن ممالک میں سے ایک ہے اور سال 2025 کے لیے آسیان چیئر ہے۔ میٹنگ میں آسیان  انڈیا ٹریڈ ان گڈز معاہدے (اے آئی ٹی آئی جی اے ) کے جاری جائزے پر تبادلہ خیال کیا گیا اور دونوں فریقوں نے اے آئی ٹی آئی جی اے  کے جائزے کو 2052 تک اس کے خاطر خواہ نتیجے تک پہنچانے کے لیے ضروری اقدامات کرنے پر اتفاق کیا۔

دونوں فریقوں نے دو طرفہ تجارتی مسائل، مارکیٹ تک رسائی کے مسائل، سیمی کنڈکٹر انڈسٹری میں تعاون، سروس سیکٹر میں تعاون اور بیورو آف انڈین اسٹینڈرڈ (بی آئی ایس ) کی غیر ملکی مینوفیکچررز سرٹیفیکیشن اسکیم (ایف ایم سی ایس ) سے متعلق امور پر بھی تبادلہ خیال کیا۔ دونوں فریقوں نے امید ظاہر کی کہ ملاقات سے دوطرفہ تجارتی مسائل کے حل اور دونوں ممالک کے درمیان بڑھتی ہوئی دوطرفہ تجارت کو تیز کرنے میں مدد ملے گی۔

ملائیشیا 2023-24 کے دوران یو ایس ڈی  20.02 بلین  کی کل تجارت کے ساتھ آسیان میں ہندوستان کا تیسرا سب سے بڑا تجارتی پارٹنر ہے جو آسیان کے ساتھ ہندوستان کی کل تجارت کا تقریباً 17فیصد ہے۔

************

ش ح۔ ام ۔

 (U:8474