پردھان منتری وراثت کا سموردھن (پی ایم وکاس)، اقلیتی امور کی وزارت کی ایک فلیگ شپ اسکیم ہے جو سابقہ پانچ اسکیموں یعنی ’سیکھو اور کماؤ‘، ’نئی منزل‘، ’نئی روشنی‘ ، ’ہماری دھروہر‘ اور ’یو ایس ٹی ٹی اے ڈی - اُستاد‘  کو یکجا کرتی ہے اور ہنر مندی کے فروغ؛ اقلیتی خواتین کی صنعت کاری اور قیادت؛ اور اسکول چھوڑنے والوں کے لیے تعلیمی مدد کے ذریعے چھ نوٹیفائیڈ اقلیتی برادریوں کی ترقی پر توجہ مرکوز کرتی ہے۔  اس اسکیم میں نیشنل مائنارٹیز ڈیولپمنٹ اینڈ فنانس کارپوریشن (این ایم ڈی ایف سی) کی طرف سے پیش کردہ قرض کے پروگراموں سے مستفیدین کو جوڑ کر کریڈٹ لنک کی سہولت فراہم کرنے کا بھی التزام ہے ۔  اس اسکیم کے تحت وزارت کو کچھ تجاویز موصول ہوئی ہیں اور وہ منصوبوں کی شارٹ لسٹنگ اور انہیں حتمی شکل دینے کے عمل میں ہے۔

ہنر ہاٹ اور لوک سموردھن پرو جیسے وزارت کے اقدامات کا مقصد روایتی کاریگروں میں ان کی مصنوعات کی نمائش اور مارکیٹنگ کے ذریعے صنعت کاری کو فروغ دینا ہے۔  2015 سے لے کر اب تک ملک بھر میں وزارت کے ذریعے اس طرح کی 43 تقریبات کا انعقاد کیا جا چکا ہے۔

یہ معلومات پارلیمانی امور اور اقلیتی امور کے مرکزی وزیر جناب کرن رجیجو نے آج راجیہ سبھا میں ایک تحریری جواب میں فراہم کیں۔

******

ش ح۔ م م ۔ م ر

U-NO. 8355