پہلا فٹ انڈیا کارنیول 16 مارچ کو یہاں کے جے ایل این اسٹیڈیم میں ایک عظیم الشان افتتاح کے لیے تیار ہے، جس میں نوجوانوں کے امور اور کھیل کے عزت مآب مرکزی وزیر ڈاکٹر منسکھ منڈاویہ، نوجوانوں کے امور اور کھیل کی وزیر مملکت محترمہ رکشا کھڈسے اور خاص مہمانوں کی ایک بڑی تعداد جن میں بالی ووڈ سٹارآیوشمان کھورانہ،پہلوان اور فٹنس ایکسپرٹ سنگرام سنگھ اور ویلنسگرو مکی مہتاموجود ہوںگے۔

اس پروگرام کا استعمال آئندہ کھیلو انڈیا پیرا گیمز کے مسکٹ، لوگو اور ترانے کی نقاب کشائی کے لیے بھی کیا جائے گا، جو قومی دارالحکومت میں 20 اور 27 مارچ کے درمیان شیڈول ہیں۔

فٹ انڈیا کارنیول، ایک تین روزہ فٹنس اورویلنس کا فیسٹویل ہے جو 16، 17، 18 مارچ کو منعقد ہوگا، اس کا مقصد ایک صحت مند اور فعال طرز زندگی کو فروغ دینا ہے، جو فٹ انڈیا موومنٹ کے ایک فٹ، صحت مند، اور موٹاپے سے پاک قوم کے وژن کے مطابق ہے۔ مہمان خصوصیتفریحی فٹنس چیلنجزکے ساتھ لائیوبات چیت میں بھی شامل ہوں گے۔

فٹ انڈیا کارنیول میں تین دنوں کے دوران کھیلوں کی بہت سی سرگرمیاں جن میںروپ اسکپنگ، اسٹیشنری سائیکلنگ، آرم ریسلنگ، کرکٹ بولنگ، اسکواٹ اور پش اپ چیلنجز وغیرہ شامل ہیں۔ اسپورٹس اتھارٹی آف انڈیا نیشنل سینٹر آف اسپورٹس سائنسز اینڈ ریسرچ (این سی ایس ایس آر) کے ڈاکٹروں، غذائیت کے ماہرین اور ماہر نفسیات کی بھی موجودگی ہوگی جو کارنیول میں آنے والے لوگوں کو مفت تشخیص فراہم کریں گے۔

ان تین دنوں کے دوران دلکش پرفارمنس بشمول کلری پیاٹو، ملاکھمب اور گٹکا ایکٹس، نیز ثقافتی پرفارمنس جو’فٹنس کے ذریعے ڈانس‘، لائیو ڈی جے میوزک، بینڈ پرفارمنس وغیرہ کے موضوع پر مرکوز ہوں گی۔

***

(ش ح۔اص)

UR No 8321