नवी दिल्‍ली, 13 मार्च 2025

माध्यम संस्थांना दृकश्राव्य माध्यमातील मजकूर आणि छायाचित्रांसह विविध स्वरूपातील लोगो मुक्त, दैनंदिन बातम्या सहज उपलब्ध करून देण्यासाठी सामायिक फीड सेवा म्हणून मार्च, 2024 मध्ये प्रसार भारती-शेअर्ड ऑडिओ-व्हिज्युअल्स फॉर ब्रॉडकास्ट अँड डिसेमिनेशन (PB-SHABD), म्हणजेच पीबी-शब्द ही सेवा सुरू करण्यात आली होती. प्रसार भारती जाहीर करत  आहे की, मार्च 2026 पर्यंत शब्द (SHABD) या सेवेचा मोफत लाभ घेता येईल. माध्यम संस्थांना, विशेषतः छोट्या संस्थांना याचा मोठा लाभ मिळेल.

व्यापक कव्हरेजसाठी (पोहोच) विस्तृत जाळे

1500 हून अधिक पत्रकार, वार्ताहर आणि स्ट्रिंगर्सचे  मजबूत नेटवर्क आणि  24 तास कार्यरत असलेल्या 60 समर्पित एडिट (संपादन) डेस्कच्या मदतीने पीबी-शब्द, भारताच्या कानाकोपऱ्यातील ताज्या बातम्या उपलब्ध करते. कृषी, तंत्रज्ञान, परराष्ट्र व्यवहार आणि घडामोडी, यासारख्या 50  हून अधिक प्रकारच्या 1000 हून अधिक बातम्या, प्रादेशिक वृत्त विभाग (आरएनयू) आणि मुख्यालयाद्वारे, सर्व प्रमुख भारतीय भाषांमध्ये दररोज अपलोड केल्या जातात.

पीबी-शब्द ची ठळक वैशिष्ट्ये

पीबी-शब्द द्वारे प्रदान केलेली सामग्री लोगो-मुक्त असून या व्यासपीठावरील सामग्री वापरण्यासाठी कोणतेही श्रेय देण्याची आवश्यकता नाही. याव्यतिरिक्त, या सेवेत लाइव्ह फीड, म्हणजेच घटनेचे थेट प्रक्षेपण या वैशिष्ट्याचा समावेश आहे, जे लोगोशिवाय राष्ट्रीय महत्त्वाच्या कार्यक्रमांसारखे लाइव्ह कार्यक्रम आणि विविध प्रेस ब्रीफिंग (पत्रकार परिषदा) चे विशेष कव्हरेज उपलब्ध करते.

या सेवेचा अधिक लाभ घेण्यासाठी, अभिलेखीय ग्रंथालय म्हणून एक मीडिया रिपॉझिटरी (माध्यम भांडार) उपलब्ध आहे, ज्याच्या मदतीने ग्राहकांना विशेष क्युरेटेड पॅकेजेससह अभिलेखीय फुटेज (माहिती) मध्ये सहज प्रवेश करता येतो.

विशेष पॅकेजेस, मुलाखती, भारतभरातील दैनंदिन हवामानाची ताजी माहिती आणि संपादकीय लेख पीबीशब्द (PBSHABD) वर नियमितपणे अद्ययावत केले जातात, जेणेकरून माध्यमांना सामग्री सहजपणे वापरता येईल, आणि वेळेची बचत होईल.

माध्यम संस्था shabd.prasarbharati.org येथे भेट देऊन आणि सोप्या टप्प्यांमधून पीबीशब्द (PBSHABD) साठी साइन अप करता येईल.

ताज्या माहितीसाठी एक्स (X )आणि इन्स्टाग्रामवर पीबीशब्द (PB-SHABD) ला फॉलो करा.

अधिक माहितीसाठी,

पीबी-शब्द (PB-SHABD) एक्स (पूर्वीचे ट्विटर) वर https://x.com/PBSHABD आणि इन्स्टाग्रामवर https://www.instagram.com/pbshabd/ येथे उपलब्ध आहे.

* * *

N.Chitale/R.Agashe/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai