மத்திய அரசின் சட்டப்பூர்வ அமைப்பான தேசிய வீட்டுவசதி வங்கி 2024-ல் இந்தியாவில் வீட்டுவசதி போக்குகள் மற்றும் முன்னேற்றம் குறித்த அறிக்கையை வெளியிட்டுள்ளது.

வீட்டுவசதி நிலைமை, வீடுகளின் விலை, வீட்டுவசதித் துறையில் மத்திய அரசின் முக்கிய திட்டங்கள், வீட்டு வசதிக்கான கடன் வழங்குவதில் முதன்மைக் கடன் நிறுவனங்களின் பங்கு, வீட்டு வசதி நிதி நிறுவனங்களின் செயல்பாடு போன்றவற்றை உள்ளடக்கியதாக இந்த அறிக்கை அமைந்துள்ளது.

சில முக்கிய அம்சங்கள்:

தனிநபர் வீட்டுவசதி கடன் நிலுவை 30.09.2024 நிலவரப்படி, ரூ.33.53 லட்சம் கோடியாக இருந்தது. இதற்கு முந்தைய ஆண்டைவிட இது 14 சதவீதம் அதிகமாகும்.

30.09.2024 நிலவரப்படி தனிநபர் வீட்டுவசதி கடன் நிலுவையை பொறுத்தவரை பொருளாதார ரீதியில் நலிவடைந்தோர் மற்றும் குறைந்த வருவாய் பிரிவினருடையது 39 சதவீதமாகவும், நடுத்தர வருவாய் பிரிவினருடையது 44 சதவீதமாகவும், உயர் வருவாய் பிரிவினருடையது 17 சதவீதமாகவும் உள்ளது.

30.09.2024-ல் முடிவடைந்த அரையாண்டு காலத்தில் தனிநபர் வீட்டுவசதி கடன்தொகை வழங்கல் ரூ.4.10 லட்சம் கோடியாக இருந்தது. 31.03.2024-உடன் முடிவடைந்த நிதியாண்டில் கடன்தொகை வழங்கல்  ரூ. 9.07 லட்சம் கோடியாக இருந்தது.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும்: https://pib.gov.in/PressReleasePage.aspx?PRID=2110726  

***

TS/SMB/RJ/ DL