പ്രധാനമന്ത്രിയുടെ ഓഫീസ്‌
മഹാത്മാഗാന്ധിക്കും ചരിത്രപ്രസിദ്ധമായ ദാണ്ഡി യാത്രയിൽ പങ്കെടുത്ത ഏവർക്കും പ്രധാനമന്ത്രി ശ്രദ്ധാഞ്ജലിയർപ്പിച്ചു
Posted On:
12 MAR 2025 9:01AM by PIB Thiruvananthpuram
ഇന്ത്യയുടെ സ്വാതന്ത്ര്യസമരത്തിലെ നിർണായക അധ്യായമായ ചരിത്രപ്രസിദ്ധമായ ദാണ്ഡി യാത്രയിൽ പങ്കെടുത്ത ഏവർക്കും പ്രധാനമന്ത്രി ശ്രീ നരേന്ദ്ര മോദി ഇന്നു ശ്രദ്ധാഞ്ജലിയർപ്പിച്ചു. മഹാത്മാഗാന്ധിയുടെ നേതൃത്വത്തിൽ നടന്ന ഈ യാത്ര സ്വയംപര്യാപ്തതയ്ക്കും സ്വാതന്ത്ര്യത്തിനുംവേണ്ടിയുള്ള രാജ്യവ്യാപകമായ മുന്നേറ്റത്തിനു തുടക്കംകുറിച്ചതായി ശ്രീ മോദി പറഞ്ഞു. “ദാണ്ഡി യാത്രയിൽ പങ്കെടുത്ത എല്ലാവരുടെയും ധൈര്യവും ത്യാഗവും സത്യത്തിനും അഹിംസയ്ക്കുംവേണ്ടിയുള്ള അചഞ്ചലമായ പ്രതിജ്ഞാബദ്ധതയും തലമുറകൾക്കു പ്രചോദനമാണ്” - ശ്രീ മോദി കൂട്ടിച്ചേർത്തു.
പ്രധാനമന്ത്രിയുടെ എക്‌സ് പോസ്റ്റ്:
“ഇന്ത്യയുടെ സ്വാതന്ത്ര്യസമരത്തിലെ നിർണായക അധ്യായമായ ചരിത്രപ്രസിദ്ധമായ ദാണ്ഡി യാത്രയിൽ പങ്കെടുത്ത ഏവർക്കും ഇന്നു നാം ശ്രദ്ധാഞ്ജലിയർപ്പിക്കുന്നു. മഹാത്മാഗാന്ധിയുടെ നേതൃത്വത്തിൽ നടന്ന ഈ യാത്ര, സ്വയംപര്യാപ്തതയ്ക്കും സ്വാതന്ത്ര്യത്തിനുംവേണ്ടിയുള്ള രാജ്യവ്യാപക പ്രസ്ഥാനത്തിനു തിരികൊളുത്തി. ദാണ്ഡി യാത്രയിൽ പങ്കെടുത്ത എല്ലാവരുടെയും ധൈര്യവും ത്യാഗവും സത്യത്തിനും അഹിംസയ്ക്കുംവേണ്ടിയുള്ള അചഞ്ചലമായ പ്രതിജ്ഞാബദ്ധതയും തലമുറകൾക്കു പ്രചോദനമാണ്”.
***
NK
(Release ID: 2110753)
Read this release in:
English
,
Urdu
,
Marathi
,
Hindi
,
Manipuri
,
Assamese
,
Bengali
,
Bengali-TR
,
Punjabi
,
Gujarati
,
Tamil
,
Telugu
,
Kannada