مرکزی وزیر داخلہ اور امداد باہمی کے وزیر جناب امت شاہ نے آج گجرات کے گاندھی نگر میں ‘شاشوات میتھلا مہوتسو-2025’ سے خطاب کیا۔ اس تقریب میں گجرات کے وزیر اعلی جناب بھوپیندر پٹیل اور راجیہ سبھا کے ممبر جناب سنجے کمار جھا سمیت کئی سرکردہ افراد نے شرکت کی۔

اپنے خطاب میں مرکزی وزیر داخلہ جناب امت شاہ نے پورے ملک اور دنیا کے لوگوں کو خوش آمدید کہنے کی گجرات کی دیرینہ روایت کو اجاگر کیا۔ انہوں نے اس بات پر زور دیا کہ گجرات نے ہمیشہ متنوع نظریات اور طرز زندگی کو اپنایا ہے۔ بہار کے لوگوں اور خاص طور پر میتھلانچل کے لوگوں کے تعاون کا اعتراف کرتے ہوئے، انہوں نے کہا کہ انہوں نے ریاست کی ترقی میں اہم کردار ادا کیا ہے۔ انہوں نے انہیں یقین دلایا کہ وہ محفوظ اور قابل احترام ہیں اور گجرات میں ہمیشہ ان کاخیرمقدم ہے۔

مرکزی وزیر داخلہ نے کہا کہ میتھلا، مہابھارت اور رامائن کے زمانے سے دانشوروں اور دانشورانہ گفتگو اور میمنسا کی سرزمین رہی ہے۔ انہوں نے اس بات پر زور دیا کہ رامائن اور مہابھارت سے لے کر پرانوں، ویدوں، ویدانت، میمانسا اور مالامال ادبی روایات تک، ان سب کی تخلیق کی جڑیں میتھلا میں تلاش کی جا سکتی ہیں۔ انہوں نے اس بات پربھی روشنی ڈالی کہ میتھلا ماں سیتا کی جائے پیدائش اور روشن خیال راجرشی جنک کی سرزمین ہے، جہاں اشٹاوکر مونی نے اشتاوکر گیتا کی تخلیق کی تھی۔ انہوں نے مزید کہا کہ اس مقدس سرزمین نے یگیوالکیا جیسے عظیم اسکالر، رشی گوتم اور منڈن مشرا جیسے فلسفیوں کے ساتھ ساتھ جیوتیشور ٹھاکر اور مہاکوی ودیا پتی جیسے نامور شاعر بھی پیدا کیے ہیں۔

جناب امت شاہ نے میتھلا اور اس کے باشندوں کے اہم تعاون پر روشنی ڈالی، جن کا تذکرہ مختلف قدیم کتابوں بشمول شتپتھ برہمن، والمیکی رامائن، مہابھارت، بدھ ادب اور جین ادب میں کیا گیا ہے۔ انہوں نے اس بات کابھی ذکرکیا کہ عظیم شاعر کالی داس نے اپنی تصنیف رگھوونشم میں میتھلا کا حوالہ دیا، جبکہ نیشادھیچرت میں شری ہرش نے اور پرسنا راگھو میں جے دیو نے حوالہ دیا ہے۔ انہوں نے اس بات پر زور دیا کہ ان شاعروں نے مسلسل میتھلا کو علم کی سرزمین کے طور پر پیش کیا ہے، جس کا تعلق تعلیم اور دیوی سرسوتی کی پوجا سے ہے۔

مرکزی وزیر داخلہ اور امدادباہمی کے وزیر نے اس بات پر زور دیا کہ وزیر اعظم جناب نریندر مودی اکثر اس بات پر زور دیتے ہیں کہ ہندوستان جمہوریت کی ماں ہے۔ انہوں نے اس بات پر روشنی ڈالی کہ ہندوستان میں جمہوریت کی جڑیں ودیہا اور میتھلا تک تلاش کی جا سکتی ہیں۔ جناب شاہ نے ذکر کیا کہ مہاتما بدھ نے بارہا کہا تھا کہ جب تک ودیہا کے لوگ متحد ہیں، انہیں شکست نہیں دی جا سکتی۔ انہوں نے مزید کہا کہ میتھلا نے ایک مضبوط جمہوری روایت قائم کی جو صدیوں سے قوم اور دنیا کو ایک ٹھوس  اور مضبوط پیغام دے رہی ہے۔

جناب امت شاہ نے زور دے کر کہا کہ میتھلا دانشورانہ گفتگو اور فلسفیانہ بحث و مباحثہ (شاسترارتھ) کی سرزمین رہی ہے۔ انہوں نے اس بات پر روشنی ڈالی کہ چاہے یہ بادشاہ جنک اور یگیوالکیا کے درمیان شاسترارتھ ہو یا منڈن مشرا اور آدی شنکراچاریہ کے درمیان افسانوی بحث ہو، میتھلا نے دنیا میں کہیں بھی بھرپور آزادی سے فکری تنازعات کو بات چیت کے ذریعے حل کرنے کی روایت کو برقرار رکھاہے۔مسائل کو بات چیت کے ذریعہ حل  کرنے کی ایک ایسی روایت ہے جس کا پوری دنیا میں احترام کیا جاتا ہے ۔  انہوں نے مزید کہا کہ اگر ہم ہندوستان کی علمی روایت کا باریک بینی سے جائزہ لیں تو ہمیں معلوم ہوتا ہے کہ چھ بڑے فلسفیانہ اسکولوں میں سے چار - سانکھیا درشن، نیائے درشن، میمانسا، اور ویشیشک درشن  کی ابتدا میتھلا میں ہوئی تھی، جسے میتھلانچل خطے کے عظیم دانشوروں نے تیار کیا تھا۔

مرکزی وزیر داخلہ جناب امت شاہ نے اپنےخطاب میں اس بات کو بھی اجاگر کیا کہ  قدیم زمانے سے ہی ملک کے لیے میتھلا کی خواتین نے بے پناہ تعاون پیش کیا ہے۔ انہوں نے اس بات پر زور دیا کہ میتھلا نے ہمیشہ خواتین کے لئے عزت و احترام کی روایت کو برقرار رکھا ہے۔ جیسا کہ میتری، گارگی اور بھارتی جیسے اسکالرز کی اتنی ہی عزت کی جاتی ہے جس طرح یگیوالکیا اور کناڈ منی کی عزت کی جاتی ہے۔ انہوں نے مزید بتایا کہ منڈن مشرا کی بیوی بھارتی کو منڈن مشرا اور آدی شنکراچاریہ کے درمیان تاریخی مباحثے کی صدارت کی ذمہ داری سونپی گئی تھی اور انہوں نے بڑی دانشمندی اور انصاف پسندی کے ساتھ شنکراچاریہ کو فاتح قرار دیا، جس نے علم کے لیے علم کی فکری سالمیت اور احترام کی مثال دی جو میتھلا کے لیے منفرد ہے۔

جناب امت شاہ نے زور دے کر کہا کہ میتھلا ماتا سیتا کی مقدس جائے پیدائش ہے، جو ایک مثالی عورت، بیوی اور ماں کے ساتھ ساتھ ہندوستانی ثقافت کی علامت کے طور پر قابل احترام ہیں۔ انہوں نے اس بات کابھی ذکر کیا کہ بہار کے ایک دورے کے دوران انہوں نے ذکر کیا تھا کہ ایودھیا میں بھگوان رام کا مندر تعمیر ہو چکا ہے، اب وقت آ گیا ہے کہ ماتا سیتا کے نام سے بھی ایک عظیم الشان مندر بنایا جائے۔ انہوں نے اس یقین کا اظہار کیا کہ میتھلا میں جلد ہی ماتا سیتا کا ایک عظیم الشان مندر تعمیر کیا جائے گا جو پوری دنیا کے لیے مثالی زندگی کےلئے روشنی کا کام کرے گا۔

مرکزی وزیر داخلہ نے کہا کہ گجرات کے مختلف حصوں میں رہنے والے میتھلانچل کے لوگوں نے گاندھی نگر میں ایک سہولت تعمیر کی ہے، جو میتھلا برادری کے لیے انتہائی آسان   اور مناسب ہے مزیدیہ کہ یہاں مہاکوی ودیا پتی کا مجسمہ بھی نصب کیا گیا ہے۔

***

ش ح۔ م م ع۔ف ر

 (U: 8027)