سائنس اور  ٹیکنالوجی، ارضیاتی علوم(آزاد چارج)  کےمرکزی وزیر مملکت ، اور وزیراعظم کےدفتر، جوہری توانائی کے محکمے، خلا کے محکمے، عملہ، عوامی شکایات اور پنشن کے مرکزی وزیر مملکت ڈاکٹر جیتندر سنگھ نے کہا کہ بھارت نے پچھلے ایک دہائی میں اسٹارٹ اپس میں عالمی سطح پر تیسری پوزیشن حاصل کی ہے اور مرکزی  حکومت کے بھارت کو عالمی اختراعی مرکز بنانے کے عزم کو اعادہ کیا اور 26-2025 کے بجٹ میں تحقیق، ترقی اور اختراع کے لیے 20,000 کروڑ روپے کی مختص رقم کو اجاگر کیا۔

انہوں نے وضاحت کی کہ یہ اقدام نجی شعبے میں تحقیق اور اختراع کو بڑھانے کے لیے ہے، جس کا خاص طور پر ابھرتی ہوئی صنعتوں پر زور دیا جائے گا۔ ‘‘اختراع میں سرمایہ کاری’’ کے عنوان سے پوسٹ بجٹ ویبینار 2025 کے اختتامی سیشن میں بات کرتے ہوئے، انہوں نے کہا کہ یہ فنڈنگ جدید تحقیق اور ٹیکنالوجی کی ترقی کو فروغ دے گی، خاص طور پر ڈیپ ٹیک کے شعبوں میں۔

یہ اعلان 25-2024 کے بجٹ میں نجی شعبے میں تحقیق اور ترقی (آر اینڈ ڈی) کو تیز کرنے کے لیے متعارف کرائی گئی ایک لاکھ کروڑ روپے کی رقم کی بنیاد پر کیا گیا ہے، جس میں خاص طور پر ابھرتی ہوئی ٹیکنالوجیز پر توجہ دی گئی ہے۔ ڈاکٹر جیتندر سنگھ نے کہا کہ یہ اقدامات بھارت کے اختراعی ماحولیاتی نظام کو مضبوط کریں گے اور سیمی کنڈکٹر مینوفیکچرنگ، مصنوعی ذہانت، 5جی اور کوانٹم کمپیوٹنگ جیسے اہم شعبوں میں نجی شعبے کی سرمایہ کاری کو فروغ دیں گے۔

ڈاکٹر جیتندر سنگھ نے کہا ‘‘بھارت نے اختراع میں نمایاں ترقی کی ہے اورپیٹنٹ جاری کرنے کے معاملے  میں 2014 سے 17 گنا اضافہ ہوا ہے اور عالمی اختراعی اشاریہ میں بھارت کی پوزیشن 81 سے بڑھ کر 39 ہو گئی ہے۔ آج، ہم سائنسی تحقیق میں عالمی سطح پر تیسرے نمبر پر ہیں۔’’

دنیا بھر میں بہترین تحقیقی ٹیلنٹ کو فروغ دینے کی ضرورت کو تسلیم کرتے ہوئے، حکومت نے وزیراعظم ریسرچ فیلوشپ (پی ایم آر ایف) اسکیم کے تحت داخلے کی تعداد تین گنا بڑھا دی ہے۔ یہ اسکیم 2018 میں شروع کی گئی تھی اور اب تک 3,688 سکالرز کی معاونت کر چکی ہے۔ نئے بجٹ کے تحت اس کا دائرہ اگلے پانچ سالوں میں 10,000 فیلوشپس تک بڑھا دیا جائے گا، جس سے نوجوان سائنسدانوں کو بھارت کے ممتاز اداروں میں انقلابی تحقیق کرنے کے مزید مواقع ملیں گے۔

وزیر  موصوف نے کہا‘‘پی ایم آر ایف صرف مالی امداد کے بارے میں نہیں ہے؛ یہ ایک ایسا ماحول بنانے کے بارے میں ہے جہاں تعلیمی امتیاز اور ذہنی تجسس پروان چڑھیں۔’’

جغرافیائی اسٹرکچرل ٹیکنالوجی کی اقتصادی ترقی اور انفراسٹرکچر کی منصوبہ بندی میں اہمیت پر زور دیتے ہوئے، ڈاکٹر جیتندر سنگھ نے نیشنل جغرافیائی اسٹرکچرل مشن کا ذکر کیا، جو 2022 کی نیشنل جغرافیائی اسٹرکچرل پالیسی کے تحت شروع کیا گیا تھا۔ انہوں نے کہا کہ ‘‘یہ مشن بھارت کے 2047 تک ترقی یافتہ ملک بننے کے لیے اہم ہے’’ اور اس کے شہری منصوبہ بندی، قدرتی آفات کے انتظام اور دقیق زراعت میں اطلاق کا حوالہ دیا۔

ڈاکٹر جیتندر سنگھ نے وضاحت کی کہ بھارت کی زرعی سلامتی کو بھی قومی توسیعی جین بینک کی نقل کے قیام کے ذریعے تقویت مل رہی ہے۔ ، ‘‘بھارت کا نیشنل جین بینک دنیا کا دوسرا سب سے بڑا بینک ہے، جو 2,147 نوعوں کے 4.7 لاکھ سے زائد نمونے محفوظ کر رہا ہے، جن میں روایتی فصلیں بھی شامل ہیں۔ یہ نیا اقدام ہماری فصلوں کی تنوع کو مزید محفوظ کرے گا اور طویل مدتی غذائی سلامتی کو یقینی بنائے گا۔’’

بھارت کی وسیع دستاویزی ورثے کے تحفظ کے لیے ایک عظیم منصوبے کے طور پر‘‘گیان بھارتم مشن’’ کا آغاز کیا گیا ہے جس کا مقصد ایک کروڑ سے زیادہ قدیم مخطوطات کو ڈیجیٹائز کرنا اور ایک قومی ڈیجیٹل ذخیرہ تیار کرنا ہے۔ وزیر موصوف نے کہا‘‘بھارت کے پاس بے مثال ذہنی اور ثقافتی دولت ہے، جس کا بیشتر حصہ نازک اور ناقابل رسائی ہے۔ یہ اقدام اس کے تحفظ اور دنیا بھر کے سکالرز اور محققین کے لیے اس کی رسائی کو یقینی بنائے گا۔’’

سیشن کے اختتام پر، ڈاکٹر جیتندر سنگھ نے کہا کہ یہ اقدامات حکومت کے ‘وکست بھارت 2047’ کے وسیع تر وژن کے مطابق ہیں، جو بھارت کو ایک ترقی یافتہ ملک میں تبدیل کرنے کا روڈ میپ ہے۔ انہوں نے کہا‘‘اختراع میں سرمایہ کاری صرف اقتصادی ترقی کے بارے میں نہیں ہے—یہ نوجوان اذہان کو بااختیار بنانے، ہماری تکنیکی خودمختاری کو مضبوط کرنے اور بھارت کے مستقبل کو عالمی سطح پر محفوظ بنانے کے بارے میں ہے۔’’

تحقیقی فیلوشپس، ڈیپ ٹیک اور ڈیجیٹل انفراسٹرکچر میں جرات مندانہ سرمایہ کاری کے ساتھ، حکومت سائنس اور ٹیکنالوجی میں بھارت کو عالمی سطح پر رہنما بنانے کے لیے فیصلہ کن قدم اٹھا رہی ہے۔

۔۔۔۔۔۔۔۔۔۔۔

ش ح۔ع ح۔ن م۔

U-7890

(Release ID: 2108788) Visitor Counter : 8