محنت اور روزگار کی وزارت
ڈاکٹر منسکھ منڈویا کی ای ایس آئی سی میڈیکل کالج اور ہسپتال فرید آباد میں صحت کے چیلنجز اور صحت مند طرزِ زندگی کے موضوع پر سیمینار میں شرکت
انہوں نے جدید طبی سہولتوں کا افتتاح کیا، جن میں ڈیجیٹل میموگرافی، ڈیجیٹل ریڈیو گرافی فلوروسکوپی سسٹم اور نیکسٹ جنریشن سییکوئنسنگ ایپلیکیشن شامل ہیں
وزیر موصوف نے ای ایس آئی سی میڈیکل کالج اور ہسپتال کی عمارت میں بھگوان دھنوانتری کے مجسمہ کی نقاب کشائی بھی کی
Posted On:
06 MAR 2025 12:30PM by PIB Delhi
محنت و روزگار، امورنوجوان اور کھیل کودکے مرکزی وزیرڈاکٹر منسکھ منڈویا نے آج ‘صحت کے چیلنجز اور صحت مند طرزِ زندگی’ کے موضوع پر ایک سیمینار میں شرکت کی، جس کا انعقاد آروگیہ بھارتی نے ای ایس آئی سی میڈیکل کالج اور ہسپتال فریدآباد کے تعاون سےہریانہ کے فریدآباد میں منعقد کیا تھا۔
اجتماع سے خطاب کرتے ہوئے ڈاکٹر منڈویا نے صحت مند اور فٹ ہندوستان کی تشکیل میں پیشگی اور اچھی صحت کی دیکھ بھال کی اہمیت پر زور دیا۔ انہوں نے قدیم ہندوستانی طبی رہنماؤں جیسے چارک، سشروت اور بھگوان دھنوانتری کی حکمت کو اجاگر کرتے ہوئے ہندوستان کے صحت کے شعبے کی بھرپور وراثت کو اجاگر کیا۔ انہوں نے پیشگی صحت کی دیکھ بھال کے اہم اجزاء کے طور پر مراقبہ، یوگا اور فاسٹنگ(روزہ؍ اپواس) رکھنے کی اہمیت پر زور دیا اور آروگیہ بھارتی کی ان کوششوں کی تعریف کی، جنہوں نے ملک بھر میں فلاحی کیمپوں کا انعقاد کر کے ہمہ گیر فلاح و بہبود کو فروغ دیا۔
جدید ترین طبی سہولیات کا افتتاح
اپنے دورے کے دوران ڈاکٹر منڈویا نےای ایس آئی سی میڈیکل کالج اینڈ ہسپتال فرید آباد میں تین جدید ترین طبی سہولتوں کا افتتاح کیا:
- ڈیجیٹل میموگرافی خدمات - ایک اعلیٰ ریزولیوشن، ڈیجیٹل ڈیٹیکٹر پر مبنی میموگرافی مشین جو کہ ایڈوانس امیجنگ کے لیے ڈیزائن کی گئی ہے، خاص طور پر سینہ کے کینسر کی جلد تشخیص کے لیے فائدہ مند ہے۔
- 1000 ایم اے ڈیجیٹل ریڈیالوگرافی فلوروسکوپی(ڈی آر ایف) سسٹم – ایک جدید تشخیصی سسٹم ہے جو اعلیٰ معیار کے ایکسرے ریڈیالوگرافی اور فلوروسکوپک رہنمائی والے مداخلتوں کے لیے استعمال ہوتا ہے، جس سے بیمہ شدہ کارکنوں اور ان کے خاندانوں کے لیے تشخیصی صلاحیتوں میں بہتری آتی ہے۔
- نیکسٹ جنریشن اسیکوئنسنگ(این جی ایس) ایپلیکیشن – ایک جدید ترین ٹیکنالوجی جو اوکانلوجی تحقیق، آر این اے اسیکوئنسنگ اور پیٹھوجن کی شناخت میں مدد فراہم کرے گی اور درست طب (پریسیژن میڈیسن) کے لیے راہ ہموار کرے گی۔
ان سہولتوں کا اضافہ بیمہ شدہ کارکنوں اور ان کے منحصر افراد کے لیے تشخیصی اور طبی خدمات کو نمایاں طور پر بہتر بنائے گا، جس سےای ایس آئی سی نیٹ ورک کے اندر دنیا کے بہترین صحت کی دیکھ بھال تک رسائی کو یقینی بنایا جائے گا۔
بھگوان دھنونتری کے مجسمے کی نقاب کشائی
ہندوستان کی قدیم شفا یابی کی روایات کو خراج تحسین پیش کرنے کے طور پر ڈاکٹر منڈویا نے ای ایس آئی سی میڈیکل کالج اور ہسپتال میں آیوروید کے دیوتا بھگوان دھنونتری کے مجسمے کی نقاب کشائی بھی کی۔
صحت کے شعبے اور صنعتی رہنماؤں کی متحرک شرکت
سیمینار میں ڈاکٹروں، پیرا میڈیکل عملے، میڈیکل طلباء، صنعتی کارکنوں، صنعتی ایسوسی ایشنز کے عہدیداروں اور آروگیہ بھارتی کی جانب سے فعال شرکت دیکھی گئی، جو کہ پیشگی صحت کی دیکھ بھال اور ہمہ گیر فلاح و بہبود کے لیے ایک مشترکہ عزم کو ظاہر کرتی ہے۔
**********
ش ح۔ م ع ن-ع ر
Urdu No. 7899
(Release ID: 2108752)
Visitor Counter : 33