نوجوانوں کے امور اور کھیل کی مرکزی وزیر مملکت محترمہ رکشا کھڈسے نے بدھ کو گفٹ سٹی، گاندھی نگر، گجرات میں آسٹریلیا-انڈیا اسپورٹس ایکسیلنس فورم کا افتتاح کیا۔ دو روزہ فورم اپنی نوعیت کا پہلا اقدام ہے جس کا مقصد دونوں ممالک کے درمیان کھیلوں کے تعاون کو مضبوط بنانا ہے۔

اس کے علاوہ بھارت میں آسٹریلیا کے ہائی کمشنر فلپ گرین او اے ایم، کھیل، یوتھ سروس اور ثقافتی سرگرمیاں، گجرات کے وزیر جناب ہرش سنگھاوی اور دیگر معززین موجود تھے۔ صبح کے اجلاس میں آسٹریلیا کے ایلیٹ کھیلوں کے فیصلہ ساز، بھارتیہ اور آسٹریلیائی کھیلوں کے ادارے، اعلیٰ تعلیم فراہم کرنے والے، اور صنعت کے اسٹیک ہولڈرز موجود تھے۔ فورم کا بنیادی مقصد اولمپک اور پیرا اولمپک بولیوں، ٹیلنٹ ڈویلپمنٹ، اسپورٹس سائنس اور ایونٹ مینجمنٹ میں تعاون کے مواقع تلاش کرنا ہے۔

مرکزی وزیر نے کرکٹ اور ہاکی سے آگے کھیلوں میں بھارت اور آسٹریلیا کے درمیان بڑھتی ہوئی شراکت داری پر زور دیا، ٹیلنٹ کی ترقی، نجی شعبے کی شمولیت، کھیل سائنس اور کھیلوں کی صنعتوں میں تجارت کو تعاون کے کلیدی شعبوں کے طور پر اجاگر کیا۔کھیلوں کا جذبہ ایک مشترکہ دھاگہ ہے جو ہندوستان اور آسٹریلیا کو جوڑتا ہے۔ اس تاریخی فورم کے ذریعے، ہم اس شراکت داری کو کرکٹ اور ہاکی سے آگے ایلیٹ ایتھلیٹ کی ترقی، کھیلوں کے بنیادی ڈھانچے، اور کھیلوں کی صنعتوں میں سرمایہ کاری تک بڑھا رہے ہیں۔ 2036 کے اولمپکس کی میزبانی کی ہندوستان کی خواہش ہمارے ملک کی بڑھتی ہوئی طاقت اور کھیلوں کے تئیں عزم کی عکاسی کرتی ہے۔

انہوں نے مزید کہا کہ’کھیلو انڈیا، ٹاپس، فٹ انڈیا اوراسمتا جیسے اقدامات کے ساتھ، ہم عزت مآب وزیر اعظم نریندر مودی جی کی بصیرت افروز قیادت میں ایک مضبوط کھیلوں کے ماحولیاتی نظام کی تعمیر کے لیے کام کر رہے ہیں۔

یہ فورم کھیلوں کی ترقی میں آسٹریلوی مہارت سے فائدہ اٹھانے اور بھارت کے لیے بہترین طریقوں کو متعارف کرانے کے لیے ڈیزائن کیا گیا ہے کیونکہ یہ 2036 کے اولمپکس اور پیرا اولمپکس کی بولی کے لیے کام کرتا ہے۔ ایلیٹ ٹیلنٹ ڈویلپمنٹ، اہم کھیلوں کے ایونٹ مینجمنٹ، تنوع اور شمولیت، اور کھیلوں کی سائنس کے ارد گرد بحثیں مرکوز تھیں۔ اہم مقاصد میں اولمپک اور پیرا اولمپک کھیلوں کی تنظیم کے بارے میں علم کا اشتراک، بھارتیہ اور آسٹریلیائی تعلیمی اور کھیلوں کے اداروں کے درمیان تعلقات کو مضبوط بنانا، کھیلوں سے متعلق صنعتوں میں کارپوریٹ سرمایہ کاری اور تجارت کی حوصلہ افزائی کرنا، جدید کھیل سائنس اور ٹیکنالوجی کے ذریعے کھلاڑیوں کی کارکردگی کو بڑھانا اور مستقبل کے لیے ایک روڈ میپ بنانا شامل ہیں۔

گجرات کو کھیلوں کے بنیادی ڈھانچے کے بڑھتے ہوئے مرکز کے طور پر اجاگر کرتے ہوئے، محترمہ کھڈسے نے کھیلوں کی سپر پاور بننے کے بھارت کے وژن پر اعتماد کا اظہار کیا۔انہوںنے کہا کہ مجھے یقین ہے کہ اس طرح کے تبادلےبھارت کو ایک عالمی کھیلوں کی طاقت بنانے میں معاون ثابت ہوں گے۔ کھیلوں کا کلچر فروغ پاتا رہے گا، اور مضبوط شراکت داری کے ساتھ، ہم عالمی معیار کا بنیادی ڈھانچہ اور تربیتی سہولیات تیار کریں گے۔

آسٹریلیا-انڈیا اسپورٹس ایکسیلنس فورم ایک مضبوط، زیادہ مسابقتی کھیلوں کے ماحولیاتی نظام کی تعمیر کی طرفبھارت کے سفر میں ایک اہم قدم آگے بڑھاتا ہے، جس میں آسٹریلیا ایک اہم اسٹریٹجک پارٹنر ہے۔ بھارت-آسٹریلیا کھیلوں کے تعاون کی رہنمائی کے لیے سفارشات کا ایک مجموعہ تیار کیا جائے گا۔ اس میں کھیلوں کے اداروں کے درمیان قریبی کام کرنے والے تعلقات کو فروغ دینا، اعلیٰ تعلیمی تعاون کو مضبوط بنانا، اور آسٹریلیائی مہارت کے ساتھ بھارت کی طویل مدتی اولمپک اور پیرا اولمپک حکمت عملی کی حمایت کرنا شامل ہے۔

***

(ش ح۔اص)

UR No 7863