مقبول ہولسٹک ہیلتھ کوچ اورلیوک کاؤٹنہو ہولسٹک ہیلنگ سسٹم کے شریک بانی جناب  لیوک کاؤٹنہو نے آج نئی دہلی کے آر کے پورم میں واقع کُسُمپور پہاڑی آئی سی ڈی ایس پروجیکٹ آنگن واڑی سینٹر 55 اور 59 کا دورہ کر کے پوشن ابھیان کے نفاذ کو براہ راست  مشاہدہ کیا۔

یہ دورہ حکومتِ ہند کے اس عزم کو اجاگر کرتا ہےجس کا مقصد سکشم آنگن واڑی اور پوشن2.0 (مشن پوشن 2.0) کے ذریعے غذائی کمی کا مقابلہ کرنا ہے اورجس میں سماجی رویوں میں تبدیلی اور کمیونٹی کی شرکت ایک اہم جزو ہے۔

اپنے دورے کے دوران جناب  کاؤٹنہو نے آنگن واڑی کارکنان سے بات چیت کی جو کمیونٹی میں غذائیت اور ابتدائی بچپن کی تعلیم کو مستحکم کرنے میں اہم کردار ادا کر رہے ہیں۔ انہوں نے آنگن واڑی سینٹر میں بچوں سے بھی ملاقات کی اور سب کو اچھی غذائیت اور صحت مند طرز زندگی کی عادات کی طرف راغب کیا۔

انہوں نے دیکھا کہ کس طرح غذائی خدمات کا حقیقی وقت میں ٹریکنگ ‘پوشن ٹریکر’ ایپلیکیشن کے ذریعے کیا جا رہا ہے، جو ایک جدید آئی ٹی گورننس ٹول ہے جو آنگن واڑی سینٹرز میں انفراسٹرکچر اور سروس کی فراہمی کی نگرانی کرتا ہے۔ 24؍زبانوں میں دستیاب اس ٹول نے تقریباً حقیقی وقت میں ڈیٹا جمع کرنے اور ہدفی مداخلتوں کو آسان بنایا ہے، جس سے مستفیدافراد کے لیےخدمات کی فراہمی میں بہتری آئی ہے۔

وزیراعظم جناب  نریندر مودی کے موٹاپے کے خلاف مہم اور کھانے کے تیل کی مقدار میں کمی کے لیے کی جانے والی اپیل کی ستائش کرتے ہوئے جناب لیوک نے خواتین و بچوں کی بہبود کی وزارت کی جانب سے پوشن ابھیان کے تحت سالانہ جن آندولن ایونٹس جیسے پوشن ماہ اور پوشن پکھوڑا کے ذریعے بیداری  اور کمیونٹی کی مہم کے بارے میں بات کی۔

انہوں نے اچھی غذائیت کے لیے خاندان میں مردوں کی شرکت پر زور دیا۔ انہوں نے وزارت کی اس پہل کی بھی تعریف کی، جس میں سپلیمنٹری نیوٹریشن پروگرام میں باجروں کا استعمال اور ‘پوشن ٹریکر’ ایپلیکیشن کے ذریعے غذائی خدمات کی حقیقی وقت میں ٹریکنگ کے لیے ٹیکنالوجی کا استعمال کیا جا رہا ہے، جو سکشم آنگن واڑی اور مشن پوشن 2.0 کے تحت کیا جا رہا ہے۔

خواتین اور بچوں کی بہبود کی وزارت کے جوائنٹ سکریٹری نے بتایا کہ 18 مارچ سے 2 اپریل 2025 تک ساتویں پوشن پکھواڑہ 2025 کو فعال کرنے کے لیے بچوں میں موٹاپے سے نمٹنے کے لیے صحت مند طرز زندگی پر زور دیا گیا ہے ، اس کے علاوہ زندگی کے پہلے 1000 دنوں ، مستفید ماڈیول کو مقبول بنانے اور سی ایم اے ایم ماڈیول کے نفاذ کے ذریعے غذائیت کی کمی کے انتظام پر توجہ دی گئی ہے ۔

روزمرہ کی خوراک میں مقامی طور پر دستیاب خوراک کو اپنانے کی حوصلہ افزائی کے لیے مسٹر لیوک کاؤٹنہو نے کڑی پتہ کا پودا لگایا۔

ڈبلیو سی ڈی کی وزارت کے جوائنٹ سکریٹری نے ‘پوشن اتسو بک’ کی ایک کاپی پیش کی، جس کا تصور خواتین اور بچوں کی ترقی کی وزارت نے پیش کیا تھا اور دین دیال ریسرچ انسٹی ٹیوٹ (ڈی آر آئی) نے تیار کیا تھا۔ یہ ملک کے بھرپور ثقافتی ورثے اور غذائیت کے تنوع کی تعریف کے لیے ایک جامع ذخیرہ کے طور پر کام کرتا ہے۔

توقع ہے کہ مسٹر کوٹینہو کے اس دورے سے مجموعی غذائیت اور بچپن کی ابتدائی تعلیم کی اہمیت کے بارے میں زیادہ سے بیداری پیدا ہوگی ، جس سے صحت مند اور بہتر غذائیت والے ہندوستان کے حصول کے اجتماعی مشن کو تقویت ملے گی ۔

*******

UR-7657

(ش ح۔  م ع ن۔رب )