وزیردفاع جناب راج ناتھ سنگھ نے نوجوانوں سے حکومت کی کوششوں سے ملک میں قائم ہونے والے بین الاقوامی سطح پر مسابقتی بنیادی ڈھانچے کا بہترین استعمال کرتے ہوئے سائنسی مزاج پیدا کرنے اور فرنٹیئر ٹیکنالوجیز میں مہارت حاصل کرنے کی اپیل کی ہے۔ وہ 28 فروری 2025 کو نیشنل سائنس ڈے کی تقریبات کے ایک حصے کے طور پر حیدرآباد، تلنگانہ میں منعقدہ دو روزہ سائنس اور ٹکنالوجی کے اسراف وگیان ویبھو کا افتتاح کر رہے تھے۔

جناب راجناتھ سنگھ نے کہا کہ ‘‘جنگ تیزی سے ہارڈ ویئر سے سافٹ ویئر کی طرف بڑھ رہی ہے۔ نئی تکنیکی کامیابیاں افق پر ہیں اور ہمیں مصنوعی ذہانت، کوانٹم کمپیوٹنگ، مشین لرننگ اور کلین ٹیک جیسی تبدیلی لانے والی کی ٹیکنالوجیز میں آگے بڑھنا ہے۔ بھارت منفی حالات میں اسی وقت مضبوط اور محفوظ رہ سکتا ہے جب اس کے پاس اہم تکنیکی چیلنجوں کا حل ہو۔ ہمارے نوجوانوں کو سائنسی نقطہ نظر اور تنقیدی سوچ کو اپنانا چاہیے اور عام حیثیت سے آگے بڑھنے کی کوشش کرنی چاہیے۔’’ انہوں نے سابق صدر ڈاکٹر اے پی جے عبدالکلام کے الفاظ کو یاد کیا جنہوں نے کہا تھا کہ ‘‘سائنس انسانیت کے لیے ایک خوبصورت تحفہ ہے۔ ہمیں اسے مسخ نہیں کرنا چاہیے بلکہ معاشرے کی بہتری کے لیے استعمال کرنا چاہیے۔’’

وزیردفاع نے وزیر اعظم جناب نریندر مودی کی قیادت والی حکومت کے ملک کی حفاظت اور سلامتی کے لیے جدید ٹکنالوجی کو بروئے کار لانے کے عزم کا اعادہ کیا اور اس شعبے میں تعلیم کو مستقبل کے لیے اہم قرار دیا۔ انہوں نے کہا کہ بھارت کے نوجوانوں میں زبردست صلاحیت موجود ہے اور حکومت کی یہ کوشش ہے کہ 2047 تک وکست بھارت کے ویژن کو حاصل کرنے کے لیے ان کی صلاحیتوں کو بروئے کار لایا جانا چاہئے۔

جناب راج ناتھ سنگھ نے نئی تعلیمی پالیسی 2020 پر روشنی ڈالی جس کا مقصد تخلیقی صلاحیتوں، تنقیدی سوچ اور اختراع کی حوصلہ افزائی کرکے ملک میں سائنس کی تعلیم میں تبدیلی لانا ہے۔ انہوں نے مزید کہا کہ اس سال کے نیشل سائنس ڈے کا موضوع  ‘‘وکست بھارت کے حصول کے لیے سائنس اور اختراع میں عالمی قیادت کے لیے بھارتی نوجوانوں کو بااختیار بنانا’’  اسی نقطہ نظر کی عکاسی کرتا ہے۔ انہوں نے موضوع کو جدت طرازی اور عالمی سائنسی قیادت کے ذریعے ترقی کی نئے بھارت کی خواہش کا عکاس قرار دیا۔

اس موقع پر خطاب کرتے ہوئے تلنگانہ کے وزیراعلی جناب اے ریونت ریڈی نے کہا کہ حیدرآباد طویل عرصے سے سائنسی فضیلت اور تکنیکی اختراعات کا مرکز رہا ہے۔ انہوں نے وگیان ویبھو 2025 میں حصہ لینے والے نوجوان ذہنوں پر زور دیا کہ وہ بڑے خواب دیکھیں اور جذبے کے ساتھ اختراع کو اپنائیں ۔

تقریب کے ایک حصے کے طور پر، ایک عظیم الشان نمائش کا اہتمام کیا گیا ہے جس میں 30,000 سے زائد طلباء نے شرکت کی۔ 200 سے زائد نمائشی اسٹالز پر مشتمل، اس تقریب میں طلباء کو ڈی آر ڈی او اور سرکردہ بھارتی صنعتوں کے ذریعہ تیار کردہ جدید دفاعی اور ایرو اسپیس ٹیکنالوجیز کا مشاہدہ کرنے کا ایک نادر موقع فراہم کیا گیا۔ اس نمائش کا مقصد تجسس کو فروغ دینا، اختراع کی ترغیب دینا، اور نوجوان ذہنوں کو اسٹیم شعبوں میں کیریئر بنانے کی ترغیب دینا، سائنسدانوں، انجینئروں، ٹیکنو پرینیورز کی اگلی نسل کو پروان چڑھانا ہے جو بھارت کو عالمی تکنیکی قیادت کی طرف لے جائیں گے۔

سکریٹری، محکمہ دفاع تحقیق وترقی اور چیئرمین ڈی آر ڈی او ڈاکٹر سمیر وی کامت؛ صدر، ایروناٹیکل سوسائٹی آف انڈیا (اے ای ایس آئی) ڈاکٹر جی ستیش ریڈی؛ ڈی آر ڈی او کے ڈائریکٹر جنرلز اور ڈائریکٹرز؛ پی ایس یوز کے  سی ایم ڈیز اور صنعتوں کے سربراہان نے اس تقریب میں شرکت کی۔

وگیان ویبھو کا اہتمام معروف سائنسدان سر سی وی رمن اور سائنس میں ان کی شاندار خدمات کے اعزاز میں قومی یوم سائنس منانے کیلئے ڈی آر ڈی او ، اے ای ایس آئی اور کلام انسٹی ٹیوٹ آف یوتھ ایکسی لینس کے ذریعےمشترکہ طور پرکیا گیا ہے ۔ یہ تقریب پالیسی سازوں، سائنس دانوں، صنعت کے رہنماؤں، ماہرین تعلیم اور نوجوان اختراع کاروں کو ایک ساتھ لاتی ہے تاکہ وہ قوم کے مستقبل کو تشکیل والی پیش رفتوں پر تبادلہ خیال کریں اور ان کی نمائش کریں۔ جیسا کہ ہندوستان 2047 تک وکست بھارت کی طرف بڑھ رہا ہے، یہ  یاد رکھنا چاہئے کہ خود کفیل بننے کا راستہ سائنسی عمدگی، اختراع اور تعاون پر مبنی ہے۔

************

ش ح۔ ش ب۔م الف

U-No. 7655