“Yn pynlong ia ka Regional 3R and Circular Economy Forum in Asia and the Pacific kaba 12 ha India. Kane ka jingialang kan long ha ka Rajasthan International Centre ha Jaipur ha ka 3-5 tarik u Lber 2025. Kane ka prokram kan peit bniah ia ka phang "Realizing Circular Societies Towards Achieving SDGs and Carbon Neutrality in Asia-Pacific." La ong u Myntri Sorkar Pdeng Manohar Lal ha ka prokram ban ai jingtip shaphang kane ka Forum mynta ka sngi ha National Media Centre, New Delhi.

U Myntri Sorkar Pdeng u la pyntip ba la khmih lynti ban don 500 ngut ki nongiashim bynta na ka ri bad nabar ka ri ha kane ka jingialang kaba lai sngi ka ban don ia ki bynta pynkhreh kam, ki jingiamir jingmut katkum ki ri, ki roundtable halor ki phang bad ka jingiasam ia ki jingnang jingstad bad ki lad jingiasoh. U la ong ruh ba ki delegate kin ioh ia ka lad ban leit sha ki jaka pynkhuid jaboh bad ruh ki jaka kiba iadei bad ka jinghiar pateng ka deiriti kiba don ha Jaipur.

Ka ‘India Pavilion’ kaba kyrpang kan pyni ia ki sienjam ba heh bad ki jingjop jong ka India ha ka 3R bad ka ioh ka kot. Kane ka pavilion kan don ia ki jingpyni na ki tnad Sorkar bad ki national mission kiba iadon bynta ha kane ka kam, kiba pyni ia ka rukom treikam jong baroh kawei ka Sorkar na ka bynta ka roi ka par kaba iaineh. Kan long ruh ka jaka pdeng na ka bynta ka jingiasam ia ki jingnang jingstad, ha kaba yn don ki bynta kum ka ‘Ministers & Ambassadors Roundtable Dialogue,’ ‘Mayors’ Dialogue,’ ‘Policy Dialogue’ bad ka jingiasoi ia ki jingiakut hapoh ka prokram CITIIS 2.0. Yn don shibun ki jingsdang ia ki kam kiba iadei bad ka jingiasam ia ka jingnang jingstad ha kane ka Forum ba kynthup ia ka thup jong 100 tylli ki rukom treikam ba biang tam ba la lum da ka National Institute of Urban Affairs (NIUA).

Ka Forum kan pynlong ia ka ‘3R trade and technology exhibition’ jong ki ri ka ban ai ka rynsan ia palat 40 tylli ki jaka treikam bad ki startup jong ka India bad Japan ba kin pyni ia ki rukom treikam ba biang tam bad ki jingpynbeit jong ki kiba kyrshan ia ka 3R bad kiba kyntiew ia ka jingioh jinghikai lang. U Myntri Sorkar Pdeng Manohar Lal u la pyntip ba yn pyni ia ki sienjam ban pynkylla spah ia ki mar jot da ki NGO bad ki Self-help Group na kylleng ka India ha ka Forum ka ban kyntiew ia ka jingseng kam lajong ba iaineh bad ka jingiashim bynta ka imlang sahlang.

U Manohar Lal u la pyntip ba ka Forum kaba 12 kan kut da ka jingpdiang ia ka ‘Jaipur Declaration’ ka ban plié lad ia ka jingkylla ka ban plié lad ia ka jingkylla sha ka ioh ka kot kaba don jingseisoh ki jingdon jingem ha ki ri ka thain Asia-Pacific bad ba yn ai ia kane sha ka ri ka ban sa pynlong ia ka Forum ka ban wan. Ka Jaipur Declaration (2025-34) ka wan hadien ka Hanoi Declaration (2013-23) bad ka thmu ban ai ia ki ri ba iashim bynta ka mat treikam ban wanrah ia ki polisi kiba iadei bad ka 3R bad ka ioh ka kot, kiba plié lad ia ka jingkylla na ka ioh ka kot kaba ‘shim-shna-bret’ sha ka ioh ka kot kaba pynthymmai biang. Kane ka dei ka jingiakut kaba lah ban pdiang da ka mon sngewbha bad ka bym the da ka ain.

Ka Regional 3R and Circular Economy Forum kaba la sdang da ka UNCRD ha u 2009 ka thmu ban pynbiang ia ka jingai jingmut ia ki bor Sorkar ha ka thain Asia-Pacific ban pynskhem ia ka 3R (reduce, reuse, recycle) bad ka jingpynthymmai ia ka ioh ka kot bad long ka rynsan ban ai jingtip shaphang ki rukom treikam ba biang tam kiba iadei bad ka 3R. Ka Forum kaba la dep ka dei kaba la pynlong ha u snem 2023 ha Cambodia. Shuwa kane, la pynlong ia ka ha India ha u 2018, ha kaba ia ka bynta kaba 8 la pynlong ha Indore.

Ka Regional Forum kaba 12 ka dei kaba la ialam lynti da ka Swachh Bharat Mission- Urban jong ka tnad Housing and Urban Affairs ha ka jingiatreilang bad ka Tnad Environment jong ka Sorkar Japan UN ESCAP, UNCRD, UNDSDG, bad UNDESA, ha ryngkat ka jingkyrshan jong ka Sorkar Rajasthan.

Kane ka Forum kaba peit bniah ia ka thain Asia-Pacific ka thmu ban ialam lynti ia ki ri kiba long dkhot ba kin wanrah ia ki polisi bad ki sienjam kiba iadei bad ka 3R bad ka ioh ka kot kaba pynthymmai ha ki snem ban wan. Lyngba ka jingkhmih lynti ban wan iashim bynta 38 tylli ki ri ba long dkhot kiba la shah khot sngewbha, 15 tylli ki tnad ka Sorkar India, jan baroh ki Jylla bad ki UT, palat 60 tylli ki nongbah, palat 40 tylli ki jaka treikam bad ki startup, bad 120 ngut ki nongai jingkren ha kine ki 3 lai sngi, kane ka Forum kan long ka rynsan na ka bynta ki jingiakren shaphang ki polisi, ka jingiatreilang bad ka jingiasam ia ka jingnang jingstad. Da kaba plié lad ia ka jingiatreilang, kan pynsted ia ka jingiaid shphrang sha ka ioh ka kot kaba lah ban pynthymmai bad ka jingpynurlong ia ki thong Sustainable Development Goals (SDGs).

Ka Regional 3R and Circular Economy Forum kaba 12 ka dei kaba lah ban iashim bynta lyngba ki lad digital ha baroh ki lai sngi. Ki briew ki lah ban iashim bynta online da kaba kyntiew kyrteng ha ka https://3rcefindia.sbmurban.org/.

QR Code na ka bynta ka jingiashim bynta lyngba ki lad online:

****