پرائم منسٹر انٹرن شپ اسکیم (پی ایم ایس) ایک بار پھر پائلٹ مرحلے کے راؤنڈ 2 کے آغاز کے ساتھ درخواستوں کے لیے کھلا ہے۔ راؤنڈ 1 میں 6 لاکھ سے زیادہ درخواستوں کے بعد، راؤنڈ 2  بھارت  کے 730 سے ​​زیادہ اضلاع میں سرفہرست کمپنیوں میں 1 لاکھ سے زیادہ انٹرنشپ مواقع فراہم کرتا ہے۔

تیل، گیس اور توانائی سمیت تمام شعبوں میں 300 سے زیادہ سرفہرست کمپنیاں؛ بینکنگ اور مالیاتی خدمات، سفر اور مہمان نوازی، آٹوموٹیو، دھاتیں اور کان کنی کی تیاری اور صنعتی، فاسٹ موونگ کنزیومر گڈز(ایف ایم سی جی) اور بہت سی دوسری چیزوں نے  بھارتی   نوجوانوں کو حقیقی دنیا کا تجربہ حاصل کرنے، پیشہ ور افراد کے ساتھ نیٹ ورک اور ان کے روزگار   میں اضافہ  کے لیے انٹرن شپ کے مواقع فراہم کیے ہیں۔

اہل نوجوان اپنے ترجیحی ضلع، ریاست، سیکٹر، علاقے کی بنیاد پر انٹرن شپ کو تلاش اور منتخب کر سکتے ہیں اور اپنے مخصوص موجودہ پتے سے حسب ضرورت  اپنے آس پاس  علاقے  میں انٹرن شپ کا موقعہ حاصل کرسکتے ہیں۔ راؤنڈ 2 میں، ہر درخواست دہندہ درخواست کی آخری تاریخ تک 3 انٹرنشپ کے لیے درخواست دے سکتا ہے۔

راؤنڈ 2 کے لیے، 70 سے زیادہ  آئی ای سی پروگرام   پورے  بھارت  کے  اضلاع میں منعقد کیے جا رہے ہیں جن میں کالجوں، یونیورسٹیوںآئی ٹی آئیز، روزگار میلوں وغیرہ میں ان انٹرنشپ کے لیے مطلوبہ قابلیت کی بنیاد پر انٹرنشپ کے زیادہ سے زیادہ مواقع موجود ہیں۔ مزید برآں، مواقع کے ارتکاز اور نوجوانوں  کی صلاحیت سے مطابقت کی بنیاد پر متعدد پلیٹ فارمز کے ساتھ ساتھ متاثر کنندہ  افراد کے ذریعے قومی سطح کی ڈیجیٹل مہمات جاری ہیں۔

اہل نوجوان یہاں درخواست دے سکتے ہیں: https://pminternship.mca.gov.in/

پرائم منسٹر انٹرن شپ اسکیم - جس کی قیادت کارپوریٹ امور کی وزارت کرتی ہے ۔ بھارت  کے نوجوانوں کی آبادی کو بھارت  کی اعلیٰ کمپنیوں میں 12 ماہ کی بامعاوضہ انٹرنشپ فراہم کرکے ان کی صلاحیتوں کو بروئے کار لانے کے لیے ڈیزائن کی گئی ہے۔

اسکیم 21 سے 24 سال کی عمر کے افراد  پر مرکوز  ہے جن کا  فی الحال کسی بھی کل وقتی تعلیمی پروگرام یا ملازمت میں اندراج نہیں ہے، انہیں اپنے کیریئر کو شروع کرنے کا ایک منفرد موقع فراہم کرتی ہے۔

ہر انٹرن کو 5,000 روپے کی ماہانہ مالی امداد کے ساتھ تعاون کیا جائے گا، جس کے ساتھ ساتھ 6,000روپے  کی یک وقتی مالی امداد بھی شامل ہے۔ ہر انٹرن شپ متعلقہ تربیت اور پیشہ ورانہ تجربے (کم از کم چھ ماہ) پر مشتمل  ہو گی تاکہ اس بات کو یقینی بنایا جا سکے کہ امیدوار سیکھیں اور اپنی صلاحیتوں کو حقیقی دنیا کی صورت حال  کے مطابق   لاگو کر سکیں۔

۔۔۔۔۔۔۔۔۔۔۔

ش ح۔ ش ب ۔رض

U-7382