وزارت دفاع
سی ڈی ایس جنرل انیل چوہان نے راشٹریہ انڈین ملٹری کالج کا دورہ کیا
جنرل انیل چوہان نے کیڈٹس پر زور دیا کہ وہ مستقبل کے سیکورٹی چیلنجز سے نمٹنے کے لیے تکنیکی ترقی، اسٹریٹجک سوچ، اور موافقت کو اپنائیں
Posted On:
19 FEB 2025 7:20PM by PIB Delhi
چیف آف ڈیفنس اسٹاف جنرل انیل چوہان نے 19 فروری 2025 کو راشٹریہ انڈین ملٹری کالج کا دورہ کرتے ہوئےبھارتیہ مسلح افواج کی مستقبل کی قیادت کی تشکیل میں ادارے کے اہم کردار کی تصدیق کی۔ جنرل چوہان کا مکمل فوجی اعزاز کے ساتھ استقبال کیا گیا اورآرآئی ایم سی کے کمانڈنٹ، فیکلٹی اور کیڈٹس نے ان کا پرتپاک استقبال کیا۔ اپنے دورے کے دوران، انہوں نے کیڈٹس اور فیکلٹی سے بات چیت کی، ادارے میں احتیاط سے ترتیب دی گئی تربیت، تعلیمی نصاب، اور لیڈرشپ ڈویلپمنٹ پروگراموں کے بارے میں بصیرت حاصل کی۔
اپنے خطاب میں، جنرل چوہان نے ممتاز فوجی لیڈروں کو پیدا کرنے کی آر آئی ایم سی کی میراث کی تعریف کی اور نظم و ضبط، دیانتداری اور ملک کی خدمت کی اقدار پر زور دیا۔ انہوں نے جدید تعلیم کو عسکری روایات کے ساتھ مربوط کرنے کے ادارے کے عزم کو سراہا، اس بات کو یقینی بناتے ہوئے کہ کیڈٹس مستقبل کے چیلنجز کے لیے اچھی طرح سے لیس ہوں۔ جنگ کی ابھرتی ہوئی نوعیت پر روشنی ڈالتے ہوئے، انہوں نے کیڈٹس پر زور دیا کہ وہ تکنیکی ترقی، تزویراتی سوچ اور مستقبل کے سیکورٹی چیلنجوں سے نمٹنے کے لیے موافقت اختیار کریں۔
سی ڈی ایس نے سومناتھ ریسورس سینٹر اور میوزیم کا بھی دورہ کیا، جوآر آئی ایم سی کی بھرپور تاریخ اور ملک کے لیے اس کے نامور سابق طلباء کے تعاون کو ظاہر کرتا ہے۔ جنرل چوہان نے مختلف فوجی کارروائیوں میںآ ر آئی ایم سی کے تربیت یافتہ افسران کے کردار کی عکاسی کرتے ہوئے نمائشوں میں گہری دلچسپی لی۔ ترقی اور لچک کے عزم کے طور پر، جنرل چوہان نے کیمپس میں ایک درخت لگایا۔ اس دورے کا اختتام کیڈٹس کی جانب سے ان کے متاثر کن الفاظ کے لیے اظہار تشکر اورآر آئی ایم سی کی اقدار اور روایات کو برقرار رکھنے کے لیے اپنے عزم کا اعادہ کرنے کے ساتھ ہوا۔
چیف آف ڈیفنس اسٹاف کے دورے نے آرآئی ایم سی کے ایک اعلیٰ ادارے کے طور پر موقف کو تقویت بخشی جو مستقبل کے فوجی لیڈروں کو تیار کرنے اور ان میں خدمت اور حب الوطنی کا غیر متزلزل جذبہ پیدا کرنے کے لیے وقف ہے۔
***
(ش ح۔اص)
UR No 7361
(Release ID: 2104835)
Visitor Counter : 26