نوجوانوں کے امور اور کھیل اور محنت و روزگار کے مرکزی وزیر ڈاکٹر من سکھ مانڈویہ اور مہاراشٹر کے وزیر اعلیٰ جناب دیویندر فڑنویس نے آج مہاراشٹر کے پونے میں چھترپتی شیواجی مہاراج کی 395 ویں جینتی کے تاریخی موقع پر شاندار’جے شیواجی جے بھارت‘ پدیاترا کی قیادت کی ۔  ان کے ساتھ 20,000 سے زیادہ مائی بھارت کے نوجوان رضاکار شامل ہوئے ، جنہوں نے چھترپتی شیواجی مہاراج کی میراث کے لیے بے پناہ جوش و خروش اور احترام کا مظاہرہ کیا ۔

نوجوانوں کے امور اور کھیلوں کی مرکزی وزیر مملکت محترمہ رکشا کھڑسے ، شہری ہوابازی کے مرکزی وزیر مملکت جناب مرلی دھر موہول کے ساتھ کئی ریاستی وزراء ، ممبران پارلیمنٹ ، ایم ایل اے اور ایم ایل سی نے بھی اس عظیم الشان پدیاترا میں شرکت کی ، جس کے تحت نظریہ ساز مراٹھا، رہنما کو ایک شاندار خراج تحسین پیش کیا گیا ۔

اجتماع سے خطاب کرتے ہوئے نوجوانوں کے امور اور کھیل اور محنت و روزگار کے مرکزی وزیر ڈاکٹر منسکھ مانڈویہ نے نوجوانوں پر زور دیا کہ وہ چھترپتی شیواجی مہاراج کی میراث سے قوت حاصل کریں ۔  انہوں نے اس بات پر زور دیا کہ چھترپتی شیواجی مہاراج کے سوابھیمان (عزت نفس) اور سمان (عزت) کے اصول ہندوستان کے نوجوانوں کی خود کفیل اور خوشحال ملک کی تعمیر میں رہنمائی کرنا جاری رکھیں گے ۔  ہندوستان کی مالا مال وراثت کے تئیں اظہار تشکر کرتے ہوئے ، انہوں نے اس بات پر روشنی ڈالی کہ چھترپتی شیواجی مہاراج جیسے رہنماؤں نے اپنی ہمت ، قیادت اور مادر وطن کے لیے عزم مسمم سے ملک کی اقدار کو تشکیل دی ہے اور نسلوں کو متاثر کیا ہے ۔  انہوں نے کہا کہ چھترپتی شیواجی مہاراج کی زندگی ہمیں سکھاتی ہے کہ حقیقی قیادت بے لوث خدمت اور ملک کے لیے پختہ عزم پر مبنی ہے۔

ڈاکٹر مانڈویہ نے چھترپتی شیواجی مہاراج کی بصیرت افروز حکمرانی ، ان کی مؤثر انتظامیہ اور معاشرے کے تمام طبقات کے لیے ان کے گہرے احترام کے بارے میں بات کی ۔  ان نظریات سے تحریک لیتے ہوئے ، انہوں نے اس بات پر زور دیا کہ وزیر اعظم نریندر مودی اچھی حکمرانی ، سماجی بہبود اور اقتصادی ترقی پر مرکوز ترقی پسند پالیسیوں کے ذریعے ملک کو مضبوط کرنے کے لیے کام کر رہے ہیں ۔  انہوں نے نوجوانوں کو بااختیار بنانے ، اختراع کو فروغ دینے اور ملکی افتخار پیدا کرنے کے لیے حکومت کے عزم پر روشنی ڈالی،وہ اصول جو چھترپتی شیواجی مہاراج کے لچکدار اور خود کفیل معاشرے کے وژن کے مطابق ہیں ۔  انہوں نے نوجوانوں پر زور دیا کہ وہ ذمہ داری قبول کریں ، جیسا کہ چھترپتی شیواجی مہاراج نے اپنے دور میں کیا تھا ، اور ہندوستان کو وکست بھارت بنانے میں اپنا تعاون دیں ۔  انہوں نے کہا کہ نوجوان صرف مستقبل نہیں ہیں بلکہ وہ موجودہ قوت ہیں جو ہندوستان کو عظمت کی طرف لے جائیں گے ۔

ڈاکٹر مانڈویہ نے مزید کہا کہ ہندوستان کے نوجوانوں میں ملک کی ترقی کو رفتار دینے کی صلاحیت ہے ۔  انہوں نے ان کی حوصلہ افزائی کی کہ وہ عزم ، دیانتداری اور ملک کے تئیں فرض کا احساس جیسی خصوصیات کو اپنائیں، جس طرح چھترپتی شیواجی مہاراج نے ایک مضبوط اور خود کفیل ملک کا تصور کیا تھا، اسی طرح آج کے نوجوانوں کو اختراع ، سماجی ہم آہنگی اور جامع ترقی کے لیے کام کرنا چاہیے ۔  انہوں نے کہا کہ چھترپتی شیواجی مہاراج کے نظریات پر عمل کرکے ہم ایک ایسے ملک کی تعمیر کر سکتے ہیں جو فخر ، لچک اور اتحاد کے ساتھ کھڑا ہو ۔

مہاراشٹر کے وزیر اعلی جناب دیویندر فڑنویس نے چھترپتی شیواجی مہاراج کے لیے عالمی سطح پر روشنی ڈالتے ہوئے کہا کہ ان کا یوم پیدائش نہ صرف ہندوستان میں بلکہ 20 ممالک میں منایا جاتا ہے ۔  انہوں نے حکمرانی ، ٹیکس ، فلاحی پالیسیوں ، دفاع اور بحری انتظام میں شیواجی مہاراج کی دور اندیش قیادت پر زور دیا ۔  انہوں نے چھترپتی شیواجی مہاراج سے وابستہ 12 قلعوں کو یونیسکو کے عالمی ثقافتی ورثے کا درجہ دینے کے لیے وزیر اعظم جناب نریندر مودی کی کوششوں کا بھی اعتراف کیا اور ان کی آئندہ منظوری پر اعتماد کا اظہار کیا ۔  انہوں نے نوجوانوں سے شیواجی مہاراج کے اصولوں کو برقرار رکھنے اور ملک کی تعمیر میں تعاون کرنے کی اپیل کی ۔

نوجوانوں کے امور اور کھیلوں کی مرکزی وزیر مملکت محترمہ رکشا کھڑسے نے اپنے خطاب میں چھترپتی شیواجی مہاراج کی میراث کو بہادری ، حکمت اور انصاف کی روشنی کے طور پر اجاگر کیا ۔  انہوں نے اس بات پر زور دیا کہ ان کی قیادت اور سواراج کے لیے غیر متزلزل عزم ملک کو اتحاد اور سچائی کو برقرار رکھنے کی ترغیب دیتا ہے ۔  شیواجی مہاراج کے نظریات کے ساتھ مہاراشٹر کے گہرے تعلق کی عکاسی کرتے ہوئے ، انہوں نے کہا کہ جس طرح انہوں نے نوجوانوں کو متحرک کرکے انقلاب کی قیادت کی ، اسی طرح نوجوان نسل کو متحد کرکے وکست بھارت کے وژن کو پورا کیا جا سکتا ہے ۔  ملک کے مستقبل کی تشکیل کے لیے نوجوانوں کی طاقت پر وزیر اعظم نریندر مودی کے اعتماد کی تصدیق کرتے ہوئے ، انہوں نے ہر ایک سے چھترپتی شیواجی مہاراج کے اصولوں کی رہنمائی میں ایک ترقی یافتہ ہندوستان کی تعمیر کے لیے اپنے عزم کا عہد کرنے کی اپیل کی ۔

عظیم الشان ’جئے شیواجی جئے بھارت‘ پد یاترا شروع کرنے سے پہلے ، معزز مہمانوں نے ایک پودا لگا کر ’ایک پیڑ ماں کے نام‘پہل میں حصہ لیا ، جو ماحولیاتی پائیداری اور فطرت کے لیے احترام کے لیے ان کے عزم کی علامت ہے ۔  اس بامعنی اقدام کے بعد ، انہوں نے چھترپتی شیواجی مہاراج کی میراث کو خراج عقیدت پیش کرتے ہوئے عظیم الشان جلوس کی قیادت کی ۔

4 کلومیٹر کے راستے پر محیط ، پدیاترا ،سی او ای پی کالج سے شروع ہوئی اور اے آئی ایس ایس پی ایم ایس کالج پونے (چھترپتی شیواجی مہاراج کے مجسمے پر) رانی لکشمی بائی چوک  اور گڈلک چوک پر رک کر فرگوسن کالج پر اختتام پذیر ہوئی ۔

ہر رکنے کے مقام پر ، مہاراشٹر کی متحرک ثقافت کا بھرپور مظاہرہ کیا گیا ، جس میں نوجوان روایتی رقص اور گانے پیش کر رہے تھے ۔  ملاکھمبھ کے روایتی کھیل کی بھی نمائش کی گئی ، جو ریاست کے بھرپور ورثے کی عکاسی کرتا ہے ۔  شان و شوکت میں اضافہ کرتے ہوئے ، ڈھول نگاڑا کی پرفارمنس نے ہر مرحلے پر پدیاتر کا خیرمقدم کیا ، جس سے پورے راستے پدیاترا میں جوش و جذبہ چھایا رہا۔

پونے ، مہاراشٹر میں ’جئے شیواجی جئے بھارت‘ پدیاترہ ، آئین کے 75 سال کی یاد میں اور ہندوستان کے بھرپور ثقافتی ورثے اور تنوع کا جشن منانے کے لیے ملک بھر میں منصوبہ بند 24 پدیاتروں کے سلسلے میں چھٹی تھی ۔  اس شاندار تقریب میں اکیلے پونے میں 20,000 سے زیادہ نوجوانوں نے پرجوش شرکت کی ۔ اس کے علاوہ مہاراشٹر کے تمام 36 اضلاع میں بیک وقت پدیاتروں کا انعقاد کیا گیا ، جس میں ہر ضلع میں تقریبا 3,000 شرکاء کی سرگرم شمولیت دیکھی گئی اور اجتماعی طور پر چھترپتی شیواجی مہاراج کی کبھی نہ ختم ہونے والی میراث کو خراج تحسین پیش کیا گیا ۔

--------------------

U.No:7347

ش  ح۔ا  ع  خ ۔ ص  ج