Press Release:Press Information Bureau

पंतप्रधान कार्यालय

परीक्षेचा ताण आणि भीती यावर यशस्वीपणे मात करणाऱ्या आणि या संदर्भात सर्वोत्तम तज्ज्ञ असलेल्या परीक्षार्थी योद्ध्यांचे विचार ऐकूया : पंतप्रधान

Posted On: 17 FEB 2025 9:01PM by PIB Mumbai

नवी दिल्ली 17 फेब्रुवारी 2025

परीक्षेचा ताण आणि भीती यावर यशस्वीपणे मात करणाऱ्या तरुण परीक्षार्थी योद्ध्यांचा समावेश असलेला,‘परीक्षा पे चर्चा 2025’ या कार्यक्रमाचा विशेष भाग 18 फेब्रुवारी रोजी सकाळी 11 वाजता प्रसारित होणार आहे. या विद्यार्थ्यांचे अनुभव, अभ्यासाची रणनीती आणि परीक्षेचा ताण, चिंता यांचा सामना करून दबावाखाली देखील शांत राहण्याबाबत त्यांनी व्यक्त केलेले विचार या भागात आपल्याला ऐकायला मिळतील.

या विशेष भागाची घोषणा करताना पंतप्रधान नरेंद्र मोदी एक्स मंचावर लिहितात;

"सर्वोत्तम तज्ज्ञांकडून ऐका ... परीक्षेचा ताण आणि भीती यावर यशस्वीपणे मात करणाऱ्या आणि या संदर्भातील सर्वोत्तम तज्ज्ञ असलेल्या #ExamWarriors चे विचार ऐकूया. उद्याच्या ‘परीक्षा पे चर्चा’ कार्यक्रमात माझे काही तरुण मित्र सहभागी होतील आणि त्यांचे अनुभव आपल्याला सांगतील."

Hear it from the best experts…the #ExamWarriors who have successfully overcome exam stress and anxiety. Tomorrow’s ’Pariksha Pe Charcha’ features my young friends who will share their experiences. https://t.co/nh1qBPnrCK
— Narendra Modi (@narendramodi) February 17, 2025