U Hardeep Singh Puri, Myntri ka tnad Petroleum and Natural Gas, u la kdew sha ka jingjop jong ka India Energy Week 2025 lyngba ka jingiashim bynta kum bym pat ju iohi bad ka jingioh ia ki teknikal paper. U Myntri u la ong ba kane ka jingialang ka la long kaba jop da kaba peit ia ki kam bapher bapher kum ka petroleum, natural gas, ka bording ba khuid, biofuel, bad CBG, ha kaba la pyni ia ki jingkiew shaphrang jong ki kam.

U Puri u la ban jur ba hapoh lai snem, ka India Energy Week ka la kiew sha ka kyrdan kaba ar hapdeng ki jingialang ba iadei bad ka bording, ha kaba ka bynta kaba saw jong ka kan long ha Goa.

U Myntri u la ban jur ba ka IEW 2025 ka la pher na kiwei kiwei ki jingialang ba iadei bad ka bording namar ka plié lad ia ki jingiadie iathied ha ka jaka ban shu long ka jingialang ban tei ia ki jingiadei. U Hardeep Singh Puri u la kdew sha ki jingsaindur thymmai kum ka conversion kit kaba jem dor ha ka jaka kyrpang jong ka HPCL, kaba la saindur ban plié lad ia ka jingpyndonkam biofuel na ka bynta ki thuk thuk bad ki kali lai shaka. Shuh shuh, u Myntri u la ong ba u hun ia ka jingiakynduh ki nongbei tyngka, ki nongshna tiar, bad ki nongthied kaba la kham paw ha ka jingpyni ia ki kali flex fuel.

Ha kaba iadei bad ka jingiatreilang ka India bad US ha ki kam bording, u Myntri u la kdew ia ka jingkiew jong ka jingiadei hapdeng ki ar tylli ki ri, khamtam ha ki kam natural gas. U Myntri u la kdew sha ka thong jong ka India ban kyntiew ia ka jingpyndonkam ia ka natural gas sha ka 15% ha ka kam bording jong ka na ka 6% kumba long mynta, bad u la ban jur halor ka jingkongsan jong ka jingiadei bad ka United States na ka bynta ka jingpynbiang ia ka Liquified Natural Gas (LNG).

Ha kaba iadei bad ki jingpynkylla ha ki kam Exploration & Production (E&P), u Puri u la kren shaphang ka jingiar jong ka Open Acreage Licensing Program (OALP) Round X kaba peit ia kumba 200,000 square kilometer. U Myntri u la batai ba ka jingkiew ka jingkhring jong kane ka bynta ka wan na ki jingkylla ha ka rukom pyniaid ia ka kam, ka jingkylla na ka jingpynmih sha ka jingiasam lang ia ki jingiohnong, ha ryngkat ki jingpynkylla ba la thmu ban wanrah ha ka Oilfields (Regulation and Development) Act 1948.

Shuh shuh, u Puri u la pynbna ba ka kam kaba thymmai kaba iadei bad ka ain, kaba la wanrah lyngba ki jingiamir jingmut, ka dei ka ban sa wanrah ha ka Lok Sabha. U la kren shaphang ka jingiatreilang jong ka ONGC bad ka BP, bad ka jingtyrwa ka Reliance ia ki block ha ki bynta ba la dep kiba long ka nuksa kaba khlain jong ka jingiatreilang.

Ha ka jingbatai shaphang ki kam ba kongsan jong ka tnad, u Myntri u la ban jur halor ka jingpeit bniah ia ka E&P, da kaba ban jur halor ka jingiatreilang bad kiba la tbit ha ka kam bad u la ai jingmut ban pynkylla ia ka rukom pyniaid ia ka kam kaba plié lad ban ai jingsiew kaba biang ia kiba don bynta ha ka kam haba lap ia ki jingdon jingem.

U Myntri u la kdew sha ka jingdonkam jong ki jingpynkylla ba la ai jingmynjur da ka Rajya Sabha, ban pynthikna ia ka jingsngewthuh lypa ia ki polisi, khamtam ha kaba iadei bad ka jingpyntheikam ia ka jinglum khajna. U la ban jur ba ka jingweng ia ki bynta bapher bapher na ka jingpyntreikam polisi ka dei na ka bynta ka jingshai jong ka rukom synshar ia ka kam bording.

Ha kaba iadei bad ka jinglong jingman jong ka kam bording ha ka pyrthei, u Myntri u la ong ba ka jingniewkor ka bor synshar kaba thymmai ha US ia ka jingkyntiew ia ka jingpynbiang umphniang ka la wanrah ia ka jinglong jingman kaba plié lad ha ki iew jong ka pyrthei. U la ong ba ka jingmih ki tyllong umphniang ba thymmai ha ka thain sepngi jong ka pyrthei ba kynthup ka Brazil, Argentina, Suriname, Canada, US bad Guyana ka dei kaba ai jingmyntoi ia ki ri kiba pyndonkam umphniang kum ka India. U Puri u la ong ba u ngeit skhem ha ki jingbei tyngka ka India ha ki jingdon jingem kiba iadei bad ka umphniang bad ka gas ha kiwei kiwei ki ri kum ka Brazil, Venezuela, Russia bad Mozambique.

U Hardeep Singh Puri u la ong ba ka biofuel program ka dei ka prokram kaba seisoh bha, da kaba kdew sha ka jinglah ban khleh ethanol haduh 1,700 klur liter, bad u la kren shaphang ka thong ban khleh 20%. Shuh shuh, u Puri u la ong ba u khmih lynti shaphang ka green hydrogen, da kaba kdew sha ka jingiaid sha ka jinglah pynmih 5MMT ha ka shi snem shuwa u 2030, bad u la kren ruh shaphang ka jingkiew shaphrang ka kam kaba iaineh kaba iadei bad ka aviation fuel.

U Secretary ka tnad Petroleum and Natural Gas, Pankaj Jain u la batai shaphang ki jingdie jingthied ha ka IEW 2025 ha ki kam bapher bapher. U la ong ba kine ki don ha ki thup bapher bapher: ki jingpynbeit ban pynbiang umphning bym pat pynkhuid, LNG, bad LPG ha ki thain bapher bapher, ki jingiatreilang ha ka teknoloji ban pynbeit ia ki kam digital ha ki jaka pynkhuid umphniang; bad ki jingai jingshakri ban wad ia ki jingdon jingem.

U Pankaj Jain u la kren ruh shaphang ka jingiar jong ka OALP Round X, da kaba ban jur halor ka jingdonkam ia ka jingpyndonkam na kylleng ka pyrthei ia ki jingdon jingem hydrocarbon ha ka ri. U Jain u la kren ruh shaphang ka lad ban pyndonkam ia ka Oil Industry Development Fund, kaba la pynbiang hapoh ka Oil Industry Development Act, na ka bynta ka jingpynbiang pisa ia ki jingwad ha ki jaka duriaw ba jylliew.

Ka jingpynkupbor ia ki nongjop ka jingiakhun ki Startup bad ka Hackathon:

Ia ki khusnam Avinya’25 – Energy Startup Challenge, ka sienjam kaba kyrpang jong ka tnad Petroleum and Natural Gas, la sam da u Hardeep Singh Puri bad u Pankaj Jai. Ka Avinya’25 ka ai jingithuh ia ki startup kiba don ki jingpynbeit ba prat lynti na ka bynta ki jingeh kiba iadei bad ka bording.

Ka UrjanovaC Pvt Ltd ka la jop na ka bynta ka synthetic catalyst technology jong ka kaba pynthikna ia ka jinglah lum bad pynkylla CO2 kaba lah ban pyniar bad kaba jem dor. Ka Breathe ESG Private Limited kaba wan ba ar ka la sdang ia ka rynsan SaaS kaba pyniaid ryntih ia ka jingai jingtip ESG, ki lad pynduna ia ka jingpynmih carbon, bad ki kyndon ba hap ban bud.

Ka AgriVijay, kaba wan ba ar ka la wanrah ia ka iew kaba nyngkong jong ka India na ka bynta ki jingpynbeit ia ka bording kaba pynmih na ki tyllong ba lah ban pynthymmai na ka bynta ki nongrep bad ki iing ha ki jaka nongkyndong. Ka Apeiro Energy, kaba wan ba lai, ka la saindur ia ki hybrid microgrid da kaba pyniasoh ia ki wind turbine ba rit bad ki solar panel. Ka UGreen Technology kaba wan ba saw ka la saindur ia ka rukom treikam da kaba pyndonkam ia ka molecular-engineering kaba kyntiew ia ka rukom lum CO2 kaba kham seisoh.

Shuh shuh, ka tnad ka la wanrah ia ka jingiakhun Vasudha – Oil and Gas Startup, ka jingiakhun jong ki startup nabar ka ri kiba la pynkylla ia ka kam umphniang bad gas. Na ki 17 tylli ki jingkyntiew kyrteng na 13 tylli ki ri, la ai jingithuh ia 2 tylli ki startup.

Ka Latin Energy Partners Inc., Paraguay, ka la jop ia ka jingiakhun katba ka Ultrasound Process Consultation LLC, USA ka la wan ba ar. Ki jingsaindur thymmai jong ki ha ka kam wad umphniang bad gas, ki rukom pynmih mar ba pyniaid da ka AI, ka jingbud ESG, ki teknoloji CCUS, bad rukom wad da ki lad geothermal ki dei kiba la ioh jingiaroh bha.

Ha ka jingkyntiew ia ka jingwadbniah bad ka jingsaindur thymmai ha ka teknoloji, la pynlong ia ka kackathon hapdeng hynniew tylli ki IIT ba kynthup ka IIT Delhi, Mumbai, Madras, Guwahati, Roorkee, Kharagpur bad ISM Dhanbad. Kane ka jingiakhun ka thmu ban kyntiew ia ki jingpynbeit ha ki CCUS bad ka bording kaba pynmih na ki tyllong ba lah ban pynthymmai. Ka IIT (ISM) Dhanbad ka la ioh ia ka jingjop katba ka IIT Guwahati ka la wan ba ar.

Shaphang ka India Energy Week 2025

La saindur ia ka India Energy Week ba kan ym long tang ka jingiakynduh jong kiba iadon bynta ha kane ka kam – la saindur ia ka ban long ka rynsan kaba pynkylla ia ki jingiakren shaphang ka bording ha kylleng ka pyrthei. Ha tang ar snem, kane ka sienjam ba bei tyngka hi ka la pynurlong ia kane ha kaba ka la kiew sha ka kyrdan kaba ar napdeng ki prokram jong ka pyrthei kiba iadei bad ka bording. Ka bynta kaba lai, ka ban long naduh u 11 haduh 14 tarik u Rymphang, 2025 ha Yashobhoomi, New Delhi, ka long kum u mawmer kaba iadei bad ka jinglong jingman jong ka kam bording ha ka pyrthei.

****