ഇന്ത്യൻ സിവിൽ അക്കൗണ്ട്‌സ് സർവീസ്, ഇന്ത്യൻ പോസ്റ്റ് ആൻഡ് ടെലികമ്മ്യൂണിക്കേഷൻ (ഫിനാൻസ് & അക്കൗണ്ട്‌സ്) സർവീസ്, ഇന്ത്യൻ റെയിൽവേ മാനേജ്‌മെൻ്റ് സർവീസ് (അക്കൗണ്ട്‌സ്), ഇന്ത്യൻ  പോസ്റ്റൽ  സർവീസ് എന്നീ കേന്ദ്ര സിവിൽ സർവീസുകളിലെ പ്രൊബേഷണർമാർ ഇന്ന് (ഫെബ്രുവരി 13, 2025) രാഷ്ട്രപതിഭവനിൽ വച്ച് രാഷ്‌ട്രപതി ശ്രീമതി ദ്രൗപതി മുർമുവിനെ സന്ദർശിച്ചു.

പൊതു ധനകാര്യം കൈകാര്യം ചെയ്യുക, രാജ്യത്തുടനീളമുള്ള തടസ്സമില്ലാത്ത കണക്റ്റിവിറ്റിയും ആശയവിനിമയവും ഉറപ്പാക്കുക,  തുടങ്ങിയ പ്രവർത്തന മേഖലകളിലൂടെ രാജ്യത്തിന്റെ വികസനത്തിനും സമൃദ്ധിക്കും നേരിട്ട് സംഭാവന നൽകാൻ യുവ ഉദ്യോഗസ്ഥർക്ക് അവസരങ്ങളുണ്ടെന്ന്  അവരെ അഭിസംബോധന ചെയ്തുകൊണ്ട്, രാഷ്‌ട്രപതി പറഞ്ഞു. നവീകരണത്തിലും ഡിജിറ്റൽ സംരംഭങ്ങളിലും ശ്രദ്ധ കേന്ദ്രീകരിച്ചുകൊണ്ട് ഇന്ത്യ സുസ്ഥിരവും ഉൾക്കൊള്ളുന്നതുമായ വികസനത്തിലേക്ക് നീങ്ങുമ്പോൾ, അവരെപ്പോലുള്ള യുവ സിവിൽ സർവീസുകാർക്ക് സുപ്രധാന ഉത്തരവാദിത്തം വഹിക്കാനുണ്ടെന്ന് രാഷ്‌ട്രപതി പറഞ്ഞു.