ਪ੍ਰਯਾਗਰਾਜ ਮਹਾਕੁੰਭ 2025 ਵਿੱਚ ਤ੍ਰਿਵੇਣੀ ਦੇ ਤਟ ‘ਤੇ ਲਗੇ ਆਸਥਾ ਦੇ ਜਨ ਸਮਾਗਮ ਵਿੱਚ ਮਾਘ ਪੂਰਣਿਮਾ ਇਸ਼ਨਾਨ ਪਰਵ ਤੋਂ ਪਹਿਲਾਂ ਸ਼ਰਧਾਲੂਆਂ ਅਤੇ ਟੂਰਿਸਟਾਂ ਦਾ ਜਨ ਸੈਲਾਬ ਉਮੜ ਰਿਹਾ ਹੈ। ਯੂਪੀ ਰੋਡਵੇਜ਼ ਨੇ ਇਨ੍ਹਾਂ ਸ਼ਰਧਾਲੂਆਂ ਨੂੰ ਵਾਪਸ ਉਨ੍ਹਾਂ ਦੀ ਮੰਜ਼ਿਲ ਤੱਕ ਪਹੁੰਚਾਉਣ ਦੇ ਲਈ ਕਮਰ ਕਸ ਲਈ ਹੈ। ਅਲਗ ਤੋਂ ਰਿਜ਼ਰਵਡ ਬੱਸਾਂ ਦੇ ਇਲਾਵਾ ਕਨੈਕਟਿੰਗ ਸੇਵਾ ਦੇ ਲਈ ਸ਼ਟਲ ਬੱਸਾਂ ਦਾ ਇੱਕ ਬੇੜਾ ਵੀ ਤਿਆਰ ਹੈ।

ਸ਼ਰਧਾਲੂਆਂ ਨੂੰ ਘਰ ਵਾਪਸੀ ਦੇ ਲਈ 1200 ਰੋਡਵੇਜ਼ ਬੱਸ ਰਿਜ਼ਰਵਡ, ਹਰ 10 ਮਿੰਟ ਵਿੱਚ ਮੌਜੂਦ ਹੋਵੇਗੀ ਬੱਸ

ਪ੍ਰਯਾਗਰਾਜ ਮਹਾਕੁੰਭ ਵਿੱਚ 11 ਫਰਵਰੀ ਦੀ ਸ਼ਾਮ ਤੱਕ 45 ਕਰੋੜ ਲੋਕ ਤ੍ਰਿਵੇਣੀ ਵਿੱਚ ਪੁਣਯ ਇਸ਼ਨਾਨ ਦੀ ਡੁਬਕੀ ਲਗਾ ਚੁੱਕੇ ਹਨ। ਪ੍ਰਦੇਸ਼ ਸਰਕਾਰ ਇਨ੍ਹਾਂ ਨੂੰ ਸਕੁਸ਼ਲ, ਸੁਵਿਵਸਥਿਤ ਇਨ੍ਹਾਂ ਨੂੰ ਆਪਣੇ ਡੈਸਟੀਨੇਸ਼ਨ ਤੱਕ ਪਹੁੰਚਾਉਣ ਦੀ ਪੂਰੀ ਤਤਪਰਤਾ ਦੇ ਨਾਲ ਕੰਮ ਕਰ ਰਹੀ ਹੈ। ਯੂਪੀ ਰੋਡਵੇਅਜ਼ ਨੇ ਹੁਣ ਮਾਘ ਪੂਰਣਿਮਾ ਦੇ ਇਸ਼ਨਾਨ ਦੇ ਲਈ ਆਪਣੀ ਕਮਰ ਕਸ ਲਈ ਹੈ। ਉੱਤਰ ਪ੍ਰਦੇਸ਼ ਦੇ ਟ੍ਰਾਂਸਪੋਰਟ ਰਾਜ ਮੰਤਰੀ ਸੁਤੰਤਰ ਚਾਰਜ ਦਯਾਸ਼ੰਕਰ ਸਿੰਘ ਨੇ ਦੱਸਿਆ ਕਿ ਮਹਾਕੁੰਭ-2025 ਮੇਲਾ ਦੇ ਮੁੱਖ ਇਸ਼ਨਾਨ ਪਰਵਾਂ ਦੇ ਸਫਲ ਸੰਚਾਲਨ ਦੇ ਲਈ ਯਾਤਰੀਆਂ ਦੀ ਉਪਲਬਧਤਾ ਦੇ ਦ੍ਰਿਸ਼ਟੀਗਤ ਬੱਸਾਂ ਦੀ ਪੂਰਤੀ ਲਈ 1200 ਵਾਧੂ ਗ੍ਰਾਮੀਣ ਬੱਸਾਂ ਦਾ ਵਾਧਾ ਕਰਕੇ, ਖੇਤਰਵਾਰ ਅਲਾਟ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਮਹਾਕੁੰਭ ਦੇ ਲਈ 3050 ਬੱਸਾਂ ਪਹਿਲਾਂ ਤੋਂ ਹੀ ਅਲਾਟ ਹੈ। 3050 ਬੱਸਾਂ ਦੇ ਇਲਾਵਾ ਮਾਘ ਪੂਰਣਿਮਾ ਅਤੇ ਅੱਗੇ ਦੇ ਇਸ਼ਨਾਨ ਦੇ ਲਈ 1200 ਬੱਸਾਂ ਰਿਜ਼ਰਵ ਵਿੱਚ ਰੱਖੀਆਂ ਗਈਆਂ ਹਨ, ਜਿਸ ਨਾਲ ਕਿ ਆਉਣ ਵਾਲੇ ਸ਼ਰਧਾਲੂਆਂ ਨੂੰ ਕੋਈ ਅਸੁਵਿਧਾ ਨਾ ਹੋਵੇ। ਮਹਾਕੁੰਭ ਖੇਤਰ ਤੋਂ ਚਾਰ ਅਸਥਾਈ ਬੱਸ ਸਟੇਸ਼ਨ ਪਹੁੰਚ ਰਹੇ ਸ਼ਰਧਾਲੂਆਂ ਦੇ ਲਈ ਹਰ 10 ਮਿੰਟ ਵਿੱਚ ਰੋਡਵੇਅਜ਼ ਬੱਸ ਮਿਲੇਗੀ।

ਮਹਾਕੁੰਭ ਦੀ ਕਨੈਕਟੀਵਿਟੀ ਦੇ ਲਈ ਹਰ 2 ਮਿੰਟ ਵਿੱਚ ਸ਼ਟਲ ਸੇਵਾ

ਪ੍ਰਯਾਗਰਾਜ ਮਹਾਕੁੰਭ ਦੇ ਮਾਘ ਪੂਰਣਿਮਾ ਇਸ਼ਨਾਨ ਪਰਵ ਵਿੱਚ ਵੀ ਵੱਡੀ ਸੰਖਿਆ ਵਿੱਚ ਸ਼ਰਧਾਲੂਆਂ ਦਾ ਜਨ ਸੈਲਾਬ ਮਹਾਕੁੰਭ ਪਹੁੰਚ ਰਿਹਾ ਹੈ। ਸ਼ਹਿਰ ਦੇ ਚਾਰੋਂ ਤਰਫ ਬਣਾਏ ਗਏ ਅਸਥਾਈ ਬੱਸ ਸਟੇਸ਼ਨ ਵਿੱਚ ਜਿੱਥੇ ਰੋਡਵੇਅਜ਼ ਦਾ ਬੱਸਾਂ ਦਾ ਬੇੜਾ ਤਿਆਰ ਹੈ ਤਾਂ ਉੱਥੇ ਹੀ ਇਨ੍ਹਾਂ ਅਸਥਾਈ ਬੱਸ ਸਟੇਸ਼ਨ ਤੋਂ ਮਹਾਕੁੰਭ ਦੇ ਨਜ਼ਦੀਕ ਦੇ ਸਥਾਨਾਂ ਤੱਕ ਸ਼ਰਧਾਲੂਆਂ ਨੂੰ ਪਹੁੰਚਾਉਣ ਦੇ ਲਈ 750 ਸ਼ਟਲ ਬੱਸਾਂ ਮੌਜੂਦ ਹਨ। ਰੋਡਵੇਅਜ਼ ਅਧਿਕਾਰੀਆਂ ਦੇ ਮੁਤਾਬਿਕ ਹਰ 2 ਮਿੰਟ ਵਿੱਚ ਸ਼ਟਲ ਸੇਵਾ ਉਪਲਬਧ ਹੈ। ਬੱਸ ਸਟੇਸ਼ਨ ਵਿੱਚ ਭੀੜ ਨਾ ਹੋਵੇ ਇਸ ਦੇ ਲਈ ਵੀ ਅਲੱਗ ਤੋਂ ਵਿਵਸਥਾ ਕੀਤੀ ਗਈ ਹੈ। ਟ੍ਰਾਂਸਪੋਰਟ ਰਾਜ ਮੰਤਰੀ ਨੇ ਟ੍ਰਾਂਸਪੋਰਟ ਨਿਗਮ ਦੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਅੱਗੇ ਆਉਣ ਵਾਲੇ ਦਿਨਾਂ ਵਿੱਚ ਸਾਰੇ ਅੰਮ੍ਰਿਤ ਇਸ਼ਨਾਨ ਦੇ ਨਾਲ ਹੀ ਆਮ ਦਿਨਾਂ ਵਿੱਚ ਵੀ ਸ਼ਰਧਾਲੂਆਂ ਨੂੰ ਬੱਸਾਂ ਦੀ ਕੋਈ ਸਮੱਸਿਆ ਨਾ ਹੋਵੇ।

*****

ਏਡੀ/ਵੀਐੱਮ