شہری ہوا بازی کے مرکزی وزیر جناب کنجراپو  رام موہن نائیڈو نے آج نئی دہلی کے کرشی بھون میں زراعت اور کسانوں کی بہبود کے  مرکزی وزیر شیوراج سنگھ چوہان سے ملاقات کی اور آندھرا پردیش میں لال مرچ کی کاشت کرنے والے  کسانوں کو درپیش مسائل پر تبادلہ خیال کیا۔ اس ملاقات کے موقع  پر زراعت کی وزارت کے  سینئر افسران بھی موجود تھے۔  بعد  میں میڈیا سے بات کرتے ہوئے جناب رام موہن نائیڈو نے کہا کہ آندھرا پردیش کی حکومت لال مرچ  کی خریداری کا منصوبہ بنا رہی ہے اور انہوں نے زراعت کے مرکزی وزیر پر زور دیا کہ وہ مختلف اسکیموں کے تحت ریاستی حکومت کو مالی مدد فراہم کریں۔  جناب شیوراج سنگھ چوہان نے آندھرا پردیش حکومت کی اس سلسلے میں  درخواست کا مثبت جواب دیا۔

جناب رام موہن نائیڈو نے کہا کہ انہوں نے آندھرا پردیش کے وزیر اعلیٰ چندرابابو نائیڈو کا ایک خط جناب شیوراج سنگھ چوہان کو دیا ہے ، جس میں  لال مرچ کی کاشت کرنے والے  کسانوں کے در پیش  مسائل کو  بیان کیا گیا ہے۔

************

U.No:6259

ش ح۔ش م۔ق ر