جاری مہاکمبھ میلے میں حکومت ہند اور حکومت اتر پردیش کے دیہی ترقی کے محکموں کے ذریعہ چلائی جانے والی اسکیموں کے نفاذ کو ظاہر کرنے کی کوشش کی گئی ہے۔ دیہی علاقوں کے بدلتے ہوئے ماحول کو پیش کرنے کے لیے مہاکمبھ میلے کے سیکٹر 7 میں مختلف اسکیموں پر ایک نمائش کا اہتمام کیا گیا  ہے جو دیہی ہندوستان کا منظر نامہ بدلنے کے لیے مؤثر طریقے سے نافذ کی جارہی ہیں۔

ان میں اہم اسکیمیں یہ ہیں:

مہاتما گاندھی نیشنل رورل ایمپلائمنٹ گارنٹی ایکٹ (ایم جی این آر ای جی اے)   

قومی دیہی روزی روٹی مشن (این آر ایل ایم)

پردھان منتری آواس یوجنا (دیہی)

پردھان منتری گرامین سڑک یوجنا (پی ایم جی ایس وائی)

انٹیگریٹڈ واٹرشیڈ مینجمنٹ سسٹم

سوچھ بھارت مشن-دیہی

دیہی علاقوں کے بدلتے ہوئےمنظر نامے  کو منریگا اسکیم کے تحت کئے گئے کاموں جیسے امرت سروور کی تعمیر، سوک پٹ، چھتوں پر بارش کے پانی کی ذخیرہ اندوزی، اندرونی گلیوں اور نالیوں کی تعمیر، درخت لگانے اور یادگاری باغات کی تعمیر، مویشیوں کے شیڈ، ورمی کمپوسٹ اور این اے ڈی ای پی، پنچایت پروڈکشن یونٹ کی تعمیر، اناپورنا کی تعمیر، پروڈکشن یونٹ کی تعمیر کے ذریعے ظاہر کیا گیا ہے۔ راشن کی دکان اور کھیل کے میدان کی تعمیر اور دیگر کام۔ سوشل آڈٹ کے ذریعے چلائی جانے والی اسکیموں کے شفاف نظام کو اپنا کر گرام سوراج کے تصور کو عملی جامہ پہنانے کی کوشش کی گئی ہے۔

نیشنل رورل لائیولی ہڈ مشن کا مقصد دیہی غربت کو کم کرنا، معاش کے پائیدار مواقع فراہم کرنا، خواتین کو بااختیار بنانا اور مالی شمولیت کو تیز کرنا ہے۔ سرس ہاٹ کے ذریعے مختلف اضلاع سے تعلق رکھنے والے گروپوں اور سیلف ہیلپ گروپس کی بہنوں کی مصنوعات کی برانڈنگ، فروغ اور مارکیٹنگ کے لیے ایک بہتر پلیٹ فارم مہیا کیا گیا ہے تاکہ ان کی مصنوعات کی تشہیر اور فروخت کے ذریعے ان کی روزی روٹی کو بڑھایا جا سکے۔ بی سی سخی، ڈرون سخی وغیرہ سے متعلق سرگرمیوں کے ذریعے خواتین کی زندگی میں معاشی ترقی اور سماجی حیثیت میں تبدیلی کو ظاہر کرنے کی کوشش کی گئی ہے، اس طرح بااختیار گاؤں اور بااختیار ہندوستان کے تصور کو محسوس کیا گیا ہے۔

پردھان منتری آواس یوجنا (دیہی) اور مکھیا منتری آواس یوجنا (دیہی) کے ماڈل ہاؤسز کے ذریعے دیہی علاقوں میں مکانات کے بدلتے ہوئے چہرے اور ہر خاندان کو اپنا مستقل مکان فراہم کرنے کے مرکزی حکومت اور ریاستی حکومت کے عزم کو ظاہر کرنے کی کوشش کی گئی ہے۔

پردھان منتری گرام سڑک یوجنا نے 250 سے زیادہ آبادی والی بستیوں کو ہمہ موسمی سڑک رابطہ فراہم کرکے دیہی علاقوں میں قابل ذکر اثر دکھایا ہے۔

حکومت ہند اور اتر پردیش کے دیہی ترقی کے محکموں نے دیہی سیلف ایمپلائمنٹ ٹریننگ انسٹی ٹیوٹ (آر ایس ای ٹی آئی ) ماڈل کے ذریعے اسکیموں کو نافذ کرنے میں اپنے کلیدی کردار کا مظاہرہ کیا ہے۔ مہاکمبھ-2025 میں اس پر مزید روشنی ڈالی گئی، جہاں ماڈلز اور نمائشوں نے دیہی علاقوں پر اپنی اسکیموں کے سماجی و اقتصادی اثرات کو اجاگر کیا ہے ۔

اس پوِتّر  مقام پریاگ راج پر منعقدہ مہاکمبھ -2025 اپنی مذہبی، روحانی، ثقافتی، دیہی اور شہری چمک کے ساتھ تنوع میں اتحاد کا ایک شاندار سنگم ہے۔ ملک کی زیادہ تر آبادی دیہی علاقوں میں رہتی ہے، اسی لیے ہندوستان کو دیہاتوں کا ملک کہا جاتا ہے۔ حکومت ہند اور حکومت اتر پردیش کے دیہی ترقی کے محکموں کی اسکیمیں گاؤں کی سماجی، اقتصادی اور ساختی ترقی میں اہم کردار ادا کر رہی ہیں۔

*******

ش ح ۔ ال

U-6200