ইনফোর্মেসন অমসুং ব্রোদকাস্তিং মন্ত্রালয়না ইন্দিয়া সেলুলার এন্দ ইলেক্ত্রোনিক্স এসোসিএসন (ICEA) গা খুৎশম্নদুনা ত্রুথতেল হেক্কাহোন চেলেঞ্জ লাউথোকখি। হেক্কাথোন অসি ৱার্ল্দ ওদিও ভিজ্বেল এন্দ এন্তর্তেন্মেন্ত সম্মিত (ৱেবস) ২০২৫কী হৌদোকপগী ক্রিএত ইন্দিয়া চেলেঞ্জ (CIC) গী সিজন ১ গী শরুক অমা ওইরি। চেলেঞ্জ অসি লাইব ব্রোদকাস্তিংদা লান্না লমজিংবা য়াবা পাউ থেংননবা হোৎনবদা AI গী শক্তি শীজিন্নবা পাম্বৈ শেমগৎনবগী পান্দমদা চঙশিনবা মাঙজিল থারিবা থৌরাং অমনি।

হেক্কিং দি হোক্স

ঙসিগী খোংজেল য়াঙনা চঙশিল্লিবা মীদিয়াগী এনভাইরোন্মেন্ত অসিদা, অরানবা পাউশিং অসি খোঙজেল য়াঙনা শন্দোকই, মরুওইনা লাইব ব্রোদকাস্ত তৌরিবা মনুংদনি। মীকুপতুদা অরানবা পাউ খঙবা হায়বসিদা থেংনরিবা খুদোংচাদবশিং অসি ব্রোদকাস্তরশিং, জর্নেলিস্ত, অমসুং অয়েংবশিংদসু চপ মান্ননা য়াম্না মরুওই।

লুপা লাখ ১০গী মনা লৈবা হেক্কাথোন অসিনা দিবেলপ্পরশিং, দেতা সাইন্তিস্তশিং, অমসুং মীদিয়া প্রোফেসনেলশিংবু খুদক্তা অরানবা পাউ খঙদোকপা অমসুং অচুম অরান পুথোকপা ঙম্বা AI দা য়ুম্ফম ওইবা খুৎলাইশিং পুথোক্নবা কৌরি। মায় পাক্লবা কাংবুনা শেলগী মনা, মেন্তরশিপকী খুদোংচাবা অমসুং ইঙ্ক্যুবেসনগী মতেং অসি মরুওইবা তেক প্রোফেসনেলশিংদগী ফংগনি।

হৌজিক ফাওবদা, হেক্কাথোন অসিদা মালেমগী ওইনা রেজিস্ত্রেসন ৫৬০০ তৌদুনা থৱাই য়াওবগী চাং হেনগৎলক্লি, মসিদা নুপীনা ৩৬% শরুক য়ারি।

মরুওইবা পান্দমশিং:

• খুদক্তা অরানবা পাউ খঙদোকপা অমসুং অচুম অরান পুথোকপা ঙম্বা AI দা য়ুম্ফম ওইবা খুৎলাইশিং পুথোকপা।
• মীদিয়াগী মাইকৈদা থাজবা অমসুং মনুং মপান ফাওনা উবা হেনগৎহনবা।
• পাউ লান্থোকপদা ইথিকেল ওইনা আর্তিফিসিএল ইন্তেলিজেন্স শীজিন্নবা।

হেক্কাথোন ফেজ অমসুং মরুওইবা তারিখশিং:

• প্রোতোতাইপ সবমিসন দেদলাইনঃ ফেব্রুৱারী ২১, ২০২৫
• অরোইবা প্রেজেন্তেসনঃ মার্চকী অরোইবা ২০২৫
• মায় পাক্লবশিং উৎপাঃ ৱেব সম্মিত ২০২৫

শরুক য়ানবগী অকুপ্পা মরোল অমসুং মিং চন্নবাঃ https://icea.org.in/truthtell/ দা চঙবীয়ু

সপ্পোর্তিং পার্তনরঃ

হেক্কাথোন অসি মরুওইবা মপাং ওইনা ইলেক্ত্রোনিক্স এন্দ ইনফোর্মেতিক্স তেক্নোলোজী (মৈতী), ইন্দিয়া AI মিসন, অমসুং দেতালিদস য়াওনা ICEA না মীদিয়া তেক্নোলোজীদা ইনোভেসন শেমগৎনবা অমসুং ব্রোদকাস্তিং স্তেন্দার্দশিং শেমগৎনবা হোৎনরি।

ICEA গী মতাংদা

India Cellular & Electronics Association (ICEA) অসি ভারতকী মোবাইল অমসুং ইলেক্ত্রোনিক্স সেক্তরবু মহুৎ শিল্লিবা অপুনবা বোদী অমনি, মসিনা ইনোভেসন, পোলিসী এদভোকেসী, অমসুং মালেমগী ওইবা মপাং শেমগৎতুনা ভারতকী দিজিতেল ইকোসিস্তেম মপাঙ্গল কলহন্নবা হোৎনরি।

*****