Ka tnad Information & Broadcasting ka la pynbna ia ka jingiakhun TruthTell Hackathon ha ka jingiatreilang bad ka India Cellular & Electronics Association (ICEA). Ka Hackathon ka dei shi bynta ka Season 1 jong ka jingiakhun Create in India Challenge (CIC) jong ka World Audio Visual & Entertainment Summit (WAVES) 2025 ba nyngkong. Kane ka jingiakhun ka dei ka sienjam kaba thmu ban wanrah ia ki jingpynbeit AI ban ialeh pyrshah ia ki jingialam bakla ha ka live broadcasting.

Ka jing hack ia ka jingthok

Ha kane ka kam media kaba sted mynta, ka jingialam bakla ka pur sted, khamtam ha ki live broadcast. Ka jingiakhun ban lap ia ki jingai jingtip ba bakla ka long kaba donkam bha ia ki broadcaster, ki nongthoh khubor bad ki nongpeit.

Lyngba ka khusnam kaba T 10 lak, ka hackathon ka khot ia ki nongsaindur, ki data scientist bad kito kiba la triem ha ka kam media ba kin wanrah ia ki lad AI ban lap mardor ia ki jingialam bakla bad ban pynshisha ia ki jingtip. Ki kynhun ba jop kin ioh ia ka song tyngka, ki lad ban shah ialam lynti, bad ka jingkyrshan na ki riewshemphang ha ki kam teknoloji.

Haduh mynta, ka Hackathon ka la ktik bha ia ka jingmut jingpyrkhat jong ki briew bad la don palat 5,600 tylli ki jingkyntiew kyrteng na kylleng ka pyrthei ba kynthup ruh ia 36% ki nongiashim bynta kiba dei ki kynthei.

Ki jingthmu ba kongsan:

• Wanrah ia ki lad AI ban lap mardor bad pynshisha ia ki jingtip ha ki live broadcast.
• Kyntiew ia ka jingshaniah bad ka jingshai ha ka kam media.
• Kyntiew ia ka jingpyndonkam ia ka artificial intelligence da ka jingbahkhlieh ha ka kam pathai khubor.

Ki bynta ka Hackathon bad ki tarik:

• Ka tarik ba khatduh ban phah ia ki Prototype: 21 tarik u Rymphang 2025
• Ki Presentation ba khatduh: Haba kut u Lber 2025
• Ka jingpyni ia ki nongjop: WAVES Summit 2025

Ban ioh jingtip shaphang ka jingiashim bynta bad ka jingkyntiew kyrteng, leit ha ka: https://icea.org.in/truthtell/

Ki nongiatreilang ba ai jingkyrshan

Ka Hackathon ka dei kaba ioh jingkyrshan na ki nongiatreilang ba kynthup ia ka tnad Electronics & Information Technology (MeitY), IndiaAI Mission, bad DataLEADS; kaba pyni ia ka jingtrei shitom ka ICEA ban kyntiew ia ka jingsaindur ha ka teknoloji kaba iadei bad ka kam media.

Shaphang ka ICEA

Ka India Cellular & Electronics Association (ICEA) ka dei ka kynhun kaba halor tam kaba long ka nongmihkhmat jong ki kam mobile bad electronic ha India, kaba kyntiew ia ka jingsaindur thymmai, ki polisi, bad ki jingiatreilang ha kylleng ka pyrthei ban pynkhlain ia ka jinglong jingman jong ki kam digital jong ka India.

*****