கடந்த பத்தாண்டுகளில் விவசாயக் கடன் வழங்கல் சராசரியாக ஆண்டுக்கு 13%க்கும் அதிகமான வளர்ச்சி விகிதத்தைக் கொண்டுள்ளது

பயனுள்ள மற்றும் தொந்தரவு இல்லாத விவசாயக் கடனின் உதவியுடன் கிராமப்புறத் துறைக்கு கடன் வழங்குவதை அதிகரிக்கும் வகையில், அடிமட்ட விவசாயக் கடன்களுக்கான ஆண்டு இலக்குகளை அரசு நிர்ணயித்து வருகிறது. கடந்த பத்தாண்டுகளில் (2014-15 முதல் 2023-24 வரை), விவசாயக் கடன் வழங்கல், சராசரியாக ஆண்டுக்கு 13%க்கும் அதிகமான வளர்ச்சி விகிதத்தைக் கண்டுள்ளது. இது இந்தத் துறைக்கு வழங்கப்பட்ட அதிகரித்து வரும் நிதி ஆதரவைப் பிரதிபலிக்கிறது. 2023-24 நிதியாண்டில், விவசாயக் கடன் வழங்கல் ரூ.25.48 லட்சம் கோடியை எட்டியுள்ளது. 2024-25 நிதியாண்டில் இந்திய அரசு விவசாயக் கடன் இலக்காக ரூ.27.5 லட்சம் கோடியை நிர்ணயித்துள்ளது. அதனுடன் தொடர்புடைய நடவடிக்கைகளான பால் பண்ணை, கோழி வளர்ப்பு, செம்மறி ஆடு, பன்றி வளர்ப்பு, மீன்வளம் மற்றும் கால்நடை பராமரிப்பு ஆகியவற்றுக்கு ரூ.4.20 லட்சம் கோடி பிரத்யேக இலக்கு நிர்ணயிக்கப்பட்டுள்ளது. இது அடிப்படை கடன் இலக்கில் மூன்று மடங்குக்கும் அதிகமான அதிகரிப்பைக் குறிக்கிறது. இது 2014-15 நிதியாண்டில் ரூ.8 லட்சம் கோடியிலிருந்து 2024-25 நிதியாண்டில் ரூ.27.5 லட்சம் கோடியாக அதிகரித்துள்ளது. இது விவசாயம் மற்றும் அதனுடன் தொடர்புடைய துறை கடன் வழங்கலில் ஏற்பட்டுள்ள கணிசமான முன்னேற்றத்தை சுட்டிக்காட்டுகிறது. இது துறைசார் கோரிக்கைகளை பூர்த்தி செய்வதில் இலக்கு வைக்கப்பட்ட கடன் கொள்கைகளின் செயல்திறனை எடுத்துக்காட்டுகிறது.

ரூ.27.50 லட்சம் கோடி இலக்கிற்கு எதிராக, 31.12.2024 நிலவரப்படி ரூ.19.28 லட்சம் கோடி விவசாய கடன் வழங்கப்பட்டுள்ளது. இந்த வகையில் இது 70% சாதனையைப் பதிவு செய்துள்ளது.

***

TS/PKV/RR/DL