প্রধান মন্ত্রী শ্রী নরেন্দ্র মোদীনা ঙসি ওরিশাগী ভুবনেশ্বরদা 'উৎকার্শ ওরিশা' মেক ইন ওরিশা কনক্লেব 2025 অমসুং মেক ইন ওরিশা একজিবিসন হৌদোকখ্রে। মীয়াম তিনখিবা অদুদা ৱা ঙাংলদুনা, প্রধান মন্ত্রীনা হায়খি মদুদি মসি 2025গী জনুৱারী থাদা মহাক্কী অনিশুবা ওরিশা খোঙচৎনি। মহাক্না প্রভাসী ভারতী দিবস 2025 থৌরম হৌদোক্নবা চৎখিবা মহাক্কী খোঙচৎ অদু নীংশিংখি। মসি হৌজিক ফাওবদা ওরিশাদা খ্বাইদগী চাউবা বিজিনেস সম্মিৎনি হায়না পল্লদুনা শ্রী মোদীনা হায়খি মদুদি মেক ইন ওরিশা কনক্লেব 2025দা শরুক য়াখিবা ইনভেস্তরশিং অদুদগী শরুক য়াখিবা মশিং অসি চাউরাক্না শরুক 5-6 হেনখ্রে। মহাক্না ওরিশাগী মীয়াম অমসুং সরকারবু অচৌবা থৌরম অসি শীনবগীদমক থাগৎপা ফোংদোকখি।

প্রধান মন্ত্রীনা হায়খি, "ভারতকী নোংপোক থংবা শরুক অসি লৈবাক অসিগী চাউখৎপগী ইঞ্জিন অমনি অমসুং ওরিশানা মসিদা মরুওইবা থৌদাং অমা লৌরি।" ভারতনা মালেমগী চাউখৎ-থৌরাংদা মরুওইবা থৌদাং অমা লৌখিবা মতম অদুদা নোংপোক থংবা ভারতকী থৌদাংশিং অদু য়াম্না শিংথানীংঙাই ওইরম্মি হায়বা পুৱারীগী দেতানা তাক্লি হায়না মহাক্না মখা তাখি। নোংপোক থংবা ভারত্তা অচৌবা ইন্দস্ত্রীএল হবশিং, পোর্তশিং, ত্রেদ হবশিং লৈ হায়না শ্রী মোদীনা ফোংদোকখি। মসিদা ওরিশাগী শরুক য়াবা অসি মশক থোকপনি। প্রধান মন্ত্রীনা হায়খি, "ওরিশা অসি খা-নোংপোক এসিয়াগী ললোন-ইতিক্কী মরুওইবা মফম অমা ওইরম্মি অমসুং পোর্তশিং অসি ভারতকী থোং অমা ওইরম্মি।" মহাক্না মখা তাখি মদুদি ওরিশাদা ঙসিসু বালি যাত্রা পাংথোক্লি। ইন্দোনেসিয়াগী রাস্ত্রপতিগী ইকুই কুইদ্রিবা ভারত খোঙচৎ অদু নীংশিংলদুনা প্রধান মন্ত্রীনা হায়খি মদুদি রাস্ত্রপতিগী DNAদা ওরিশাগী মমিশিং শোইদনা ফংগনি।

প্রধান মন্ত্রীনা হায়খি মদুদি ওরিশানা খা-নোংপোক এসিয়াগা শম্নহল্লিবা লেগেসী অমা লৈরি। মহাক্না মখা তাখি মদুদি ওরিশানা হৌজিক 21শুবা চহিচাদা মসিগী শিংথানীংঙাই ওইরবা হেরিতেজ অসি অমুক হন্না হিংগৎহনবা হৌরে। মহাক্না হায়খি সিঙ্গাপুরগী রাস্ত্রপতিনা হন্দক্তা ওরিশাদা চৎখি অমসুং সিঙ্গাপুরনা ওরিশাগা লৈনরিবা মরীগী মতাংদা য়াম্না পুক্নিং থৌগৎলি। মহাক্না হায়খি মদুদি আসিয়ানগী লৈবাকশিংনা ওরিশাগা লোইননা ললোন-ইতিক অমসুং চৎনবীগী ওইবা মরীশিং মপাঙ্গল কনখৎহন্নবগীদমক থৱায় য়াওনা হোৎনরি। প্রধান মন্ত্রীনা অকনবা ৱাফম থমখি মদুদি লমদম অসিদা নীংতম্বা ফংলবা মতুংদগী হান্নদগী হেন্না খুদোংচাবা কয়া অমা ফংলি। মহাক্না মফম অসিদা লৈরিবা ইনভেস্তর পুম্নমক্তা হায়খি মদুদি হৌজিক অসি ওরিশাগী চাউখৎ-থৌরাংগী খোঙচৎতা ইনভেস্ত তৌনবগী অচুম্বা মতমনি অমসুং মখোয়গী ইনভেস্তমেন্তনা মাই পাকপগী অনৌবা থাক অমা পুরক্কনি হায়না থাজবা পীখি।

শ্রী মোদীনা হায়খি, "ভারত অসি মীওই করোর কয়াগী অপাম্বনা লমজিংদুনা চাউখৎপগী লম্বীদা চংশিল্লি।" আর্তিফিসিএল ইন্তেলিজেন্স অমসুং এস্পিরেসন ওফ ইন্দিয়া অনিমক AI তাক্লি।  মহাক্না হায়খি মদুদি মীয়ামগী মথৌ তাবশিং ফংলবা মতমদা মখোয়গী আশাশিং অদু হেনগৎলকই। হৌখিবা চহি তরা অসিদা লৈবাক অসিগী কান্নবা ফংহন্দুনা নাগরিক করোর কয়া অমা শক্তি লৈহনখ্রে। প্রধান মন্ত্রীনা হায়খি মদুদি ওরিশানা অসিগুম্বা এস্পিরেসন অসিবু মহুৎ শিনলি। মহাক্না ওরিশাবু অনৌবা ভারতকী অপাম্বা অমসুং অশেংবা মওং মতৌগী খুদম ওইদুনা শিংথানিংঙাই ওই হায়না ফোংদোকখি। ওরিশাদা খুদোংচাবা কয়া লৈরি অমসুং মাগী মীয়াম অসি মতম পুম্নমক্তা আউৎপর্ফোর্ম তৌনবগী অপাম্বা উৎলি হায়না মহাক্না মখা তাখি। গুজরাত্তা ওরিশাগী মীওইশিংগী হৈশিংবা, কন্না হোৎনবা অমসুং পুকচেল শেংবা অদু উবা ফংখিবগী মহাক্কী মশাগী ওইবা এক্সপরিয়েন্স অদু পল্লদুনা, প্রধান মন্ত্রীনা থাজবা থমখি মদুদি ওরিশাদা অনৌবা খুদোংচাবশিং থোরকপগা লোয়ননা, রাজ্য অসিনা চাউখৎপগী মমাংদা অমুক্তা ওইখিদ্রিবা থাক্তা য়ৌরগনি। মহাক্না ওরিশাগী চাউখৎ থৌরাং খোংজেল য়াংখৎহনবদা হোৎনরিবা অসিগীদমক মুখ্য মন্ত্রী শ্রী মোহন চরন মাঞ্জী অমসুং মহাক্কী কাংলুপপু থাগৎপা ফোংদোকখি। প্রধান মন্ত্রীনা হায়খি মদুদি ওরিশা অসি ফুদ প্রোসেসিং, পেত্রো কেমিকেলস, পোর্ত-লেদ দিবেলপমেন্ত, ফিসরিজ, AI, ইদুতেক, তেক্সতাইলস, তুরিজম, মাইনিং অমসুং গ্রীন ইনর্জী য়াওনা ইন্দস্ত্রী কয়াদা ভারতকী মকোক থোংবা রাজ্যশিংগী মনুংদা অমা ওইরক্লি।

ভারতনা মালেমগী খ্বাইদগী চাউবা অহুমশুবা ইকোনোমী ওইবগী মায়কৈদা খোঙজেল য়াংনা খুমাং চাউশিল্লি হায়না পল্লদুনা প্রধান মন্ত্রীনা হায়খি মদুদি দোল্লর ত্রিলিয়ন মঙাগী ইকোনোমী ওইবগী মাইলস্তোন অসি অরাপ্পা নত্তে। হৌখিবা চহি তরা অসিদা, ভারতকী মেনুফেকচরিংগী মপাঙ্গলসু মশক থোক্লে হায়না মহাক্না মখা তাখি। প্রধান মন্ত্রীনা হায়খি মদুদি ভারতকী শেন্মিৎলোন পাকথোক চাউথোকপা অসি মরুওইবা য়ুম্বী অনিদা য়ুম্ফম ওইরি। মখোয় অদুদি ইনোবেতিব সর্ভিস সেক্তর অমসুং ক্বালিতী প্রদক্তশিংনি। লৈবাক অসিগী খোঙজেল য়াংনা খুমাং চাউশিল্লকপা অসি থাইগী পোৎলম পুথোক পুশিন তৌবদা য়ুম্ফম ওইবা য়ারোই হায়না মহাক্না অকনবা ৱাফম থমখি। মরম অদুনা, অনৌবা মীৎয়েং অমগা লোয়ননা ইকোসিস্তেম পুম্বা ত্রান্সফোর্ম তৌরি। প্রধান মন্ত্রীনা হায়খি মদুদি ভারতনা মিনরেলশিং লৌথোকপগী চৎনবী অসি হোংদোক্লি অমসুং পোৎথোক পুথোক্নবা অমসুং ভেল্যু এদিসনগীদমক মখোয়বু মপান লমদা থারক্লি, অদুবু পোৎথোকশিং অদু ভারত্তা হল্লকই। মসিগা মান্ননা, মহাক্না মখা তাখি মদুদি অতোপ্পা লৈবাকশিংদা প্রোসেসিং তৌনবা সমুদ্রগী পোৎলমশিং থাদোকপগী চৎনবী অসিসু হোংলক্লি। শ্রী মোদীনা হায়খি সরকারনা ওরিশাগী রিসোর্সশিংগা মরী লৈনবা ইন্দস্ত্রীশিং রাজ্য অসিগী মনুংদা লিংখৎনবা হোৎনরি। মহাক্না হায়খি মদুদি 'উৎকার্শ ওরিশা কনক্লেব 2025' অসি মসিগী মঙলান অসি মঙফাওনহন্নবা পাম্বৈ অমনি।

মালেম অসিনা তুং কোইনা চৎনগদবা পুন্সি মহিংদা মীৎয়েং চংলি অমসুং গ্রীন ফ্যুচর অমগী মায়কৈদা চংশিল্লি হায়বা ৱাফম থম্লদুনা শ্রী মোদীনা হায়খি মদুদি গ্রীন জোবকী ওইথোকপা য়াবশিংসু য়াম্না হেনগৎলক্লি। মহাক্না মতম অসিগী মথৌ তাবশিং অমসুং মথৌ তাবশিংগা চান্নহন্নবগী তঙাইফদবা অদুদা মরুওইনা ফোংদোকখি। ভারতনা গ্রীন তেক্নোলোজী অমসুং সোলর, ৱিন্দ, হাইদ্রো অমসুং গ্রীন হাইদ্রোজেন য়াওনা গ্রীন তুংলমচৎতা মীৎয়েং থম্লি, মসিনা চাউখৎলবা ভারতকী ইনর্জী সেক্যুরিতীদা পাৱর পীগনি হায়না মহাক্না ফোংদোকখি। প্রধান মন্ত্রীনা হায়খি মদুদি ওরিশাদা মসিগী মতাংদা অচৌবা পোতেন্সিএল লৈরি। লৈবাক অসিনা নেস্নেল লেবেল গ্রীন হাইদ্রোজেন অমসুং সোলর পাৱর মিসন হৌদোক্লে। শ্রী মোদীনা হায়খি মদুদি ওরিশাদা রিন্যুএবল ইনর্জী ইন্দস্ত্রীশিং প্রমোৎ তৌনবা মরুওইবা পোলিসীগী ৱারেপশিং লৌখৎলি অমসুং হায়দ্রোজেন ইনর্জী পুথোক্নবগীদমক খোঙথাং কয়া লৌখৎলি।

গ্রীন ইনর্জীগা লোয়ননা ওদিশাদা পেত্রো অমসুং পেত্রো কেমিকেল সেক্তর পাকথোক চাউথোকহন্নবা থৌরাং লৌখৎলি হায়না প্রধান মন্ত্রীনা ফোংদোকখি। মহাক্না পরাদীপ অমসুং গোপালপুরদা ইন্দস্ত্রীএল পার্কশিং অমসুং ইনভেস্তমেন্ত রিজনশিং শেমগৎলিবা অদু পনখি। মসিনা সেক্তর অসিদা ইনভেস্তমেন্তকী মতিক চাবা খুদোংচাবা লৈ হায়বা তাক্লি। রাজ্য অসিগী তোঙান তোঙানবা মফমশিংদা লৈরিবা পোতেন্সিএলশিং অসি য়েংলগা ওরিশা সরকারনা খোঙজেল য়াংনা ৱারেপ লৌবগীদমক অমসুং অনৌবা ইকোসিস্তেম অমা শেমগৎপগীদমক শ্রী মোদীনা ওরিশা সরকারবু থাগৎপা ফোংদোকখি।

শ্রী মোদীনা হায়খি মদুদি ২১শুবা চহি চা অসি ভারতকী ওইনা কনেক্তিব ইনফ্রাস্ত্রকচর অমসুং মল্তি-মোদেল কনেক্তিবিতীগী মতম্নি। মহাক্না হায়খি মদুদি ভারত্তা অখন্নবা ইনফ্রাস্ত্রকচর শেমগৎলক্লিবা অসি লৈবাক অসি শেল থাদবগী অফবা মফম অমা ওইহল্লি। মহাক্না হায়খি মদুদি হান্ননা কংফালগা নক্নবা লমদমশিংদা সমুদ্রদা হেন্না থুনা এক্সেস ফংহন্দুনা নোংপোক থংবা অমসুং নোংচুপ থংবা কোস্তলাইনশিংগা শম্নহন্নবগীদমক কার্গো কোরিদোরশিং শেমগৎলি। মহাক্না হায়খি মদুদি লৈবাক শিনবা থুংনা প্লগ এন্দ প্লে ফেসিলিতীশিংগা লোয়ননা ইন্দস্ত্রিএল সিতী কয়া অমা শেমগৎলি। শ্রী মোদীনা হায়খি মদুদি ওরিশাদসু অসিগুম্বা খুদোংচাবশিং অসি হেনগৎহল্লি অমসুং রেলৱে অমসুং হায়ৱে নেতৱার্ক্কা মরী লৈনবা প্রোজেক্ত করোর লিশিং কয়াগী শেনফম থাদবা রাজ্য অসিদা পায়খৎলি। মহাক্না হায়খি মদুদি ওরিশাগী ইন্দস্ত্রীশিংগীদমক লোজিস্তিক্কী শেনফম হন্থহন্নবা সরকারনা পোর্তশিং অসি ইন্দস্ত্রীএল ক্লস্তরশিংগা শম্নহল্লি। হৌজিক লৈরিবা পোর্তশিং অমসুং অনৌবা পোর্তশিং শাবগী থবকশিং পায়খৎলি। মহাক্না অকনবা ৱাফম থমখি মদুদি ওরিশা অসি ব্লু ইকোনোমীগী লমদা লৈবাক অসিগী খ্বাইদগী মকোক থোংবা রাজ্য অমা ওইনবা শেম-শারি।

য়াম্না থুনা অহোংবা লাক্লিবা মালেম অসিদা মালেমগী সপ্লাই চেনগী শিংনবশিং মশক খঙনবা প্রধান মন্ত্রীনা মীপুম খুদিংমক্তা তকশিনখি। প্রধান মন্ত্রীনা হায়খি মদুদি ভারতনা মচেৎ-মচেৎ খায়দোক্লবা অমসুং ইম্পোর্ততা য়ুম্ফম ওইবা সপ্লাই চেনশিংদা মখা পোনবা য়ারোই। মসিগী মহুত্তা, মালেমগী ওইবা অহোংবা লাকপশিং অসি হন্থহন্নবা ভারতকী মনুংদা মপাঙ্গল কনবা সপ্লাই অমসুং ভেল্যু চেন অমা শেমগৎকদবনি হায়না মহাক্না মখা তাখি। মহাক্না হায়খি মদুদি মসিগী থৌদাং অসি সরকার অমসুং ইন্দস্ত্রী অনিমক্তা লৈ। শ্রী মোদীনা ইন্দস্ত্রীশিংদা MSMEশিং অমসুং নহা ওইরিবা স্তার্ত-অপশিংবু মতেং পাংনবা হায়খি। সরকারনা লৈবাক অসিদা স্পিসিএল ফন্দ অমসুং ইন্তর্নশিপ অমসুং স্কিল দিবেলপমেন্তকী পেকেজগা লোয়ননা ভাইব্রেন্ত রিসর্চ ইকোসিস্তেম অমা শেমগৎলি হায়না মহাক্না মখা তাখি। মহাক্না ইন্দস্ত্রীশিংবু সরকারগা লোয়ননা থবক তৌমিন্ননবা পুক্নিং থৌগৎখি। মপাঙ্গল কনবা রিসর্স ইকোসিস্তেম অমসুং হৈ-শিংলবা নহা ওইরিবা শিন্মীশিংনা ইন্দস্ত্রীদা হকথেংননা কান্নবা ফংলগনি হায়না পল্লদুনা শ্রী মোদীনা ইন্দস্ত্রীগী পার্তনরশিং অমসুং ওদিশা সরকারবু ওরিশাগী অপাম্বগা চুনবা অনৌবা ইকোসিস্তেম অমা শেমগৎনবা পুন্না থবক তৌমিন্ননবা তকশিনখি। মসিনা ওরিশাগী মনুংদা থবক ফংবগী খুদোংচাবা হেন্না ফংহল্লগনি। মসিনা রাজ্য অসিগী চাউখৎপা, মপাঙ্গল অমসুং চাউখৎপা পুরক্কনি।

প্রধান মন্ত্রীনা হায়খি মদুদি মালেম শিনবা থুংনা লৈরিবা মীওইশিংনা ভারতকী মরমদা খঙনবা অমসুং তমজবা পাম্মি। মহাক্না হায়খি মদুদি ওরিশা অসি চহি লিশিং কয়াগী হেরিতেজ অমসুং পুৱারীগা লোয়ননা ভারতপু খঙনবগী অফবা মফম অমনি। মহাক্না মখা তাখি মদুদি স্তেৎ অসিনা থাজবা, থাজবগা মরী লৈনবা ৱাখল্লোন, উমংশিং, চীংশিং অমসুং সমুদ্র, পুম্নমক মফম অমখক্তদা পুনশিন্নবা অখন্নবা মচাক অমা পীরি। শ্রী মোদীনা ওরিশা অসি চাউখৎপা অমসুং হেরিতেজকী মোদেল অমনি হায়না ফোংদোকখি। মহাক্না হায়খি মদুদি ওরিশাদা G-20গী কলচরেল ইভেন্তশিং পাংথোকখি অমসুং কোনার্ক সন তেম্পলগী হ্বীল অসি মরুওইবা থৌরম অদুগী শরুক অমা ওইখি। মহাক্না ওরিশাগী তুরিজমগী পোতেন্সিএল এক্সপ্লোর তৌবগী তঙাইফদবা অদুদা অকনবা ৱাফম থমখি। মাগী কোস্তলাইননা কিলোমীতর 500, উমং 33% হেন্না কোনশিল্লি অমসুং ইকো-তুরিজম অমসুং এদভেঞ্চর তুরিজমগীদমক অপুনবা ওইথোকপা য়াবশিং লৈ। প্রধান মন্ত্রীনা হায়খি মদুদি ভারতনা "ৱেদ ইন ইন্দিয়া" অমসুং "হিল ইন ইন্দিয়া"দা মীৎয়েং থম্লি অমসুং ওরিশাগী মহৌশাগী ফজবা অমসুং অকোইবগী ফিভমনা থৌরাংশিং অসিদা মতেং পাংলি।

কনফরেন্স তুরিজমগীদমক্তা ভারতনা অচৌবা পোতেন্সিএল লৈ হায়না পল্লদুনা প্রধান মন্ত্রীনা হায়খি মদুদি দিল্লীগী ভারত মন্দপম অমসুং য়াশোভুমিগুম্বা মফমশিং অসি সেক্তর অসিগী মরুওইবা সেন্তরশিং ওইরক্লি। মহাক্না কন্সর্ত ইকোনোমীগী হৌরক্লিবা সেক্তর অদুসু পনখি। মহাক্না হায়খি মদুদি ভারতকী ঈশৈ-নোংমাই, জগোই অমসুং ৱারী লীবগী মগুন লৈরবা হেরিতেজ অমসুং নহা ওইরিবা কন্সর্ত-গোয়রশিংগী মশিং য়াম্লবা পুল অমনা কন্সর্ত ইকোনোমীগীদমক অচৌবা ওইথোকপা লৈ। হৌখিবা চহি তরা অসিদা লাইব ইভেন্তশিংগী ত্রেন্দ অমসুং দিমান্দ হেনগৎলক্লি হায়না মহাক্না মখা তাখি। মুম্বাই অমসুং অহমদাবাদতা কোল্দপ্লেগী কন্সর্তকী মতাংদা পল্লদুনা শ্রী মোদীনা হায়খি মদুদি ভারত্তা লাইব কন্সর্তকী খুদোংচাবশিং লৈরি। মালেমগী মরুওইবা আর্তিস্তশিং ভারত্তা লাকপা অমসুং কন্সর্তকী শেন্মিৎলোন অসিনা তুরিজম হেনগৎহল্লি অমসুং থবক কয়া ফংহল্লি। মহাক্না রাজ্যশিং অমসুং প্রাইবেৎ সেক্তরদা কন্সর্ত ইকোনোমীগীদমক মথৌ তাবা ইনফ্রাস্ত্রকচর অমসুং স্কিলশিংদা মীৎয়েং চংনবা হায়খি। মসিদা ইভেন্ত মেনেজমেন্ত, আর্তিস্ত গ্রুমিং, সেক্যুরিতী, অমসুং অতোপ্পা থৌরাংশিং য়াওরি, মফম অসিদা অনৌবা খুদোংচাবশিং থোরক্লি।

শ্রী মোদীনা হায়খি মদুদি মথং থাদা ভারতনা অহানবা ওইনা ৱার্ল্দ ওদিও ভিজুএল এন্দ এন্তর্তেনমেন্ত সম্মিৎ (WAVES) মসিগী মরুওইবা থৌরম অসিনা মালেমদা ভারতকী ক্রিএতিব পাৱর উৎকনি হায়না মহাক্না ফোংদোকখি। অসিগুম্বা থৌরমশিং অসিনা শেন্মিৎলোন চাউখৎহনবদা মতেং পাংদুনা শেন্থোক ফংহল্লি অমসুং মীপুম খুদিংমক্কী ৱাখল্লোন শেমহল্লি হায়না মহাক্না ফোংদোকখি। অসিগুম্বা থৌরমশিং অসি পাংথোক্নবগীদমক ওরিশাদা অচৌবা পোতেন্সিএল লৈ হায়না মহাক্না ফোংদোকখি।

প্রধান মন্ত্রীনা হায়খি, "ওরিশানা চাউখৎলবা ভারত অমা শেমগৎপদা মরু ওইবা থৌদাং অমা লৌরি।" মহাক্না হায়খি মদুদি ওরিশাগী মীয়াম্না চাউখৎপা রাজ্য অমা শেমগৎনবা ৱারেপ লৌখ্রে অমসুং পান্দম অসি ফংনবা কেন্দ্র সরকারনা য়ারিবা মতেং পুম্নমক পীরি। মহাক্না ওরিশাগীদমক মহাক্কী নুংশিবা ফোংদোকখি। মহাক্না প্রধান মন্ত্রী ওইরিঙৈদা রাজ্য অসিদা চাউরাক্না 30রক চৎখ্রে অমসুং মসিগী জিলা অয়াম্বদা চৎখ্রে হায়না মহাক্না পনখি। মহাক্না ওরিশাগী ওইথোকপা য়াবা অমসুং মাগী মীয়ামদা থাজবা থম্লি হায়না ফোংদোকখি। মহাক্কী ৱারোল লোইশিল্লদুনা, প্রধান মন্ত্রীনা থাজবা থমখি মদুদি পার্তনর পুম্নমক্না শেল থাদবনা মখোয়গী ললোন-ইতিক অমসুং ওরিশাগী চাউখৎপা অনৌবা থাক্তা পুখৎকনি। মহাক্না মরী লৈনবশিংদা য়াইফ-পাউজেল পীখি।

ওরিশাগী রাজ্যপাল, দা. হরি বাবু কমভামপতি, ওরিশাগী মুখ্য মন্ত্রী, শ্রী মোহন চরন মঞ্জি, কেন্দ্রগী মন্ত্রীশিং, শ্রী ধর্মেন্দ্র প্রধান, শ্রী অশ্বিনি ভৈষ্ণোনা অতৈ দিগনিতরীশিংগা লোয়ননা থৌরম অসিদা শরুক য়াখি।

বেকগ্রাউন্দ

প্রধান মন্ত্রীনা ভুবনেশ্বরদা উৎকার্শ ওরিশা - মেক ইন ওরিশা কনক্লেব 2025 হৌদোকখ্রে। ওরিশা সরকারনা শিনবা গ্লোবেল ইনভেস্তমেন্ত সম্মিৎ অসিনা রাজ্য অসিবু পুর্ভোদয় ভিজনগী এঙ্কর অমা ওইনা অমসুং ভারতকী মকোক থোংবা ইনভেস্তমেন্ত দেস্তিনেসন অমসুং ইন্দস্ত্রীএল হব অমা ওইনা থম্নবা পান্দম থম্লি।

প্রধান মন্ত্রীনা মেক ইন ওরিশা একজিবিসনসু হৌদোকখ্রে। মেন ইন ওরিশা একজিবিসন অসিনা স্তেত অসিনা ইন্দস্ত্রীএল ইকোসিস্তেম অমা শেমগৎপদা ফংলিবা মাইপাকপশিং উৎলি। জনুৱারী 28দগী 29 ফাওবা নুমিৎ নিনিগী কনক্লেব অসি পাংথোক্কনি। মসিনা ইন্দস্ত্রীগী লুচিংবশিং, ইনভেস্তরশিং অমসুং পোলিসী মেকরশিংগীদমক প্লেৎফোর্ম অমা ওইনা থবক তৌগনি। কনক্লেব অসিদা CEOশিং অমসুং লুচিংবশিং, রাউন্দ তেবলশিং, সেক্তোরেল সেসনশিং, B2B মীফমশিং, অমসুং পোলিসী দিসক্বেসনশিং পাংথোক্কনি। মসিনা মালেম শীনবা থুংনা ইনভেস্তরশিংগা পান্দম থমদুনা ৱারী শানগনি।

Addressing the Utkarsh Odisha Conclave in Bhubaneswar. The programme showcases the state's immense potential as a thriving hub for investment and business opportunities. https://t.co/Dli4XI90oD

— Narendra Modi (@narendramodi) January 28, 2025

Eastern India is a growth engine in the development of the country. Odisha plays a key role in this. pic.twitter.com/Wi8b4wQWhO

— PMO India (@PMOIndia) January 28, 2025

Today, India is moving on a path of development driven by the aspirations of crores of people. pic.twitter.com/X7W0tjEeL1

— PMO India (@PMOIndia) January 28, 2025

Odisha is truly Outstanding...

Odisha symbolises the Optimism and Originality of New India.

Odisha is a land of Opportunities...

And the people here have always shown a passion to Outperform. pic.twitter.com/x05dZ9f5my

— PMO India (@PMOIndia) January 28, 2025

India is focusing on green future and green tech. pic.twitter.com/y6CErQQAln

— PMO India (@PMOIndia) January 28, 2025

For 21st century India, this era is all about connected infrastructure and multi-modal connectivity. pic.twitter.com/sYhwc6g6Vu

— PMO India (@PMOIndia) January 28, 2025

Odisha holds immense potential for tourism. pic.twitter.com/6neuQPxzfx

— PMO India (@PMOIndia) January 28, 2025

With a vast pool of young talent and a massive audience for concerts, India has great possibilities for a thriving concert economy. pic.twitter.com/MsHUS8heox

— PMO India (@PMOIndia) January 28, 2025

***