پہلی بین الاقوامی اولمپک ریسرچ کانفرنس کا آج راشٹریہ رکشا یونیورسٹی میں محنت و روزگار اور نوجوانوں کے امور اور کھیل  کود کے وزیر وزیر ڈاکٹر من سکھ منڈاویہ نے افتتاح کیا۔ چار روزہ کانفرنس کا مقصد عالمی اولمپک ماحولیاتی نظام میں ہندوستان کو ایک اہم ملک کے طور پر قائم کرنا ہے، جس میں مالی استحکام، اسٹریٹجک منصوبہ بندی اور 2036 کے اولمپکس کے لیے ہندوستان کے دعوے کو تقویت دینے کے لیے باہمی تعاون کے نیٹ ورکس پر توجہ مرکوز کرنا ہے۔

اپنے افتتاحی خطاب میں ڈاکٹر من سکھ منڈاویہ نے اس بات پر زور دیا کہ راشٹریہ رکھشا یونیورسٹی میں تحقیق اور اختراع وزیر اعظم نریندر مودی کی قیادت میں ملک کی تبدیلی اور ترقی کی عکاسی کرتی ہے۔ انہوں نے کہا، ’’یونیورسٹی ہندوستان کے بدلتے ہوئے چہرے کی نمائندگی کرتی ہے۔ میں یونیورسٹی کے بی-بی –کور پہل کو 'ہندوستان کا بنیادی' کہوں گا کیونکہ قوم تبدیلی کے اس دور میں تحقیق اور اختراع کو ترجیح دے رہی ہے۔ ہمیں اپنے اہداف کو حاصل کرنے کے لیے آگے بڑھنا، پیشرفت کرنا اور کوشش کرنی چاہیے، جس کے لیے تحقیق اور اختراع ایک اہم کردار ادا کرتی ہے۔ تحقیق یا نئے آئیڈیاز کے نفاذ کے بغیر کوئی دنیا میں آگے نہیں رہ سکتا۔ اگر ہم قیادت کرنا چاہتے ہیں تو ہمیں تحقیق اور اختراع کو ترجیح دینی چاہیے۔‘‘ انہوں نے روشنی ڈالی کہ راشٹریہ رکھشا یونیورسٹی نے کھیلوں اور اولمپکس میں تحقیق پر توجہ مرکوز کرکے ایک اہم قدم اٹھایا ہے۔

ڈاکٹر منڈاویہ نے ریمارکس دیے کہ اولمپکس صرف مقابلے نہیں ہیں بلکہ کھیلوں کی علامت ہیں اور ہمارے طرز زندگی میں ان کا لازمی کردار ہے۔ انہوں نے کہا کہ کھیل بہت سے چیلنجوں کا حل فراہم کر سکتے ہیں، یہی وجہ ہے کہ وزیر اعظم مودی نے ملک کو فٹ رکھنے کے لیے کھیلو انڈیا اور فٹ انڈیا جیسی بڑی مہم شروع کی۔ انہوں نے مزید کہا، "پی ایم مودی نے 2036 میں اولمپکس کی میزبانی کا تصور کیا ہے، جو ہندوستان کی بڑھتی ہوئی طاقت کی علامت ہے۔ جیسے جیسے ہم ترقی یافتہ ہندوستان کی طرف بڑھیں گے، قوم 2047 میں اپنی آزادی کی صد سالہ جشن منائے گی۔ تب تک ہندوستان ترقی یافتہ ممالک میں شامل ہو جائے گا۔ فٹ انڈیا کا کردار شہریوں میں نہ صرف جسمانی فٹنس بلکہ ذہنی تندرستی کو بھی یقینی بنانے میں اہم ہے۔ ذہنی اور جسمانی طور پر تندرست فرد ایک مثالی معاشرے کی تعمیر میں کردار ادا کرتا ہے، جو ایک خوشحال قوم کی راہ ہموار کرتا ہے۔ اس لیے کھیل ہماری بڑھتی ہوئی طاقت کی علامت ہیں۔ 2036 تک، مودی جی نے ہندوستان کے لیے کھیلوں میں سرفہرست 10 ممالک میں شامل ہونے کا ہدف مقرر کیا ہے، اور آزادی کے صد سالہ سال تک، ہم سب سے اوپر 5 میں شامل ہونے کا ہدف رکھتے ہیں۔ اسے حاصل کرنے کے لیے، ہمیں میدان میں قدم رکھنا ہوگا، مقابلہ کرنا ہوگا، اور جیتنا ہوگا۔ جیتنے والے اپنا نشان چھوڑ جاتے ہیں اور اپنی جیت کو تمغوں میں بدل دیتے ہیں۔ کھیلوں کی سائنس ہماری تمغوں کی تعداد کو بڑھانے میں اہم کردار ادا کرتی ہے۔ لہذا، جب ہم اولمپک تحقیق کے بارے میں بات کرتے ہیں، تو اس میں اس کے سماجی، نوجوانوں، نمائش اور بین الاقوامی تاثرات کا مطالعہ شامل ہوتا ہے، جو مل کر جامع اولمپک تحقیق تخلیق کرتے ہیں۔"

انہوں نے مزید کہا کہ یہ کانفرنس کوئی چھوٹی سی تقریب نہیں ہے۔ یہاں 60 سے زیادہ تحقیقی مقالے پیش کیے جائیں گے۔ اس کانفرنس میں اولمپکس پر تحقیق کرنے والے کئی ممالک کے محققین شرکت کر رہے ہیں۔ یہ جنوبی ایشیا میں اس قسم کی پہلی کانفرنس ہے، اور یہ نہ صرف ہماری قوم پر بلکہ عالمی سطح پر اہم اثرات مرتب کرے گی۔ یہ کھیلوں کو ایک قدم آگے لے جائے گا۔

بین الاقوامی اولمپک کمیٹی (آئی او سی ) کے صدر ڈاکٹر تھامس باخ نے نوجوانوں کی ترقی اور قوم کی تعمیر کے لیے ایک جامع نقطہ نظر پیدا کرنے کے لیے کھیلوں اور تعلیم کے انضمام پر زور دیتے ہوئے ایک طاقتور پیغام پہنچایا۔

آر آر یو کے وائس چانسلر پروفیسر (ڈاکٹر) بمل این پٹیل نے کانفرنس کے بعد 60 سے زیادہ تحقیقی مقالوں کی متوقع اشاعت پر روشنی ڈالتے ہوئے اس تاریخی تقریب کی میزبانی کرنے پر فخر کا اظہار کیا۔ انہوں نے نوجوانوں کی تشکیل میں کھیلوں کی اہمیت اور ملک کی ترقی پر تبدیلی کے اثرات پر زور دیا۔

ایک اعلیٰ سطحی پینل ڈسکشن میں اہم ہستیوں نے حصہ لیا، جن میں بی سی او آر ای کے ڈائرکٹر ڈاکٹر اُتسو چاورے، جناب (ڈاکٹر) من سکھ منڈاویہ، پروفیسر (ڈاکٹر) بمل این پٹیل وی سی آر یو، پروفیسر (ڈاکٹر) کلپیش ایچ واندرا، پرو وائس چانسلر آر یو بھارت میں کے پی ایم جی کے پارٹنر پرشانت شانتاکمارن اور پیرس 2024 اولمپک کے لیے منصوبہ بندی اور کوآرڈی نیشن کے اگزیکیوٹیو ڈائرکٹر جناب لیمبس کانسٹنٹی نیڈس شامل تھے۔ پینل نے 2036 اولمپک کے لیے بھارت کی بولی ، دیگر بولی لگانے والوں کی ممکنہ چنوتیوں، پائیدار بنیادی ڈھانچے کی منصوبہ بندی، اور عالمی اسٹیج پر غلطیوں سے بچنے کی اہمیت پر تبادلہ خیال کیا۔ جناب کانسٹنٹی نیڈس نے اہم پہلوؤں پر روشنی ڈالی، جن پر بھارت کو توجہ دینی چاہئے، جس میں پائیداری، تکنیکی منصوبہ بندی  اور ایک دلچسپ کہانی تیار کرنا شامل ہے۔

جناب ہرش سنگھوی، کھیل کود کے ریاستی وزیر ، حکومت گجرات، نے ریاست کے نچلی سطح پر کھیلوں کے اقدامات، خاص طور پر کھیل مہاکمبھ میں ریکارڈ ساز شرکت پر روشنی ڈالی۔ انہوں نے کھیلوں کو نوجوانوں کی تعلیم کے ساتھ ہم آہنگ کرنے پر زور دیا اور ہندوستان کے نوجوانوں کو بین الاقوامی پلیٹ فارمز کے لیے تیار کرنے میں مضبوط کھیل ثقافت کے اہم کردار پر زور دیا۔

دن کا اختتام جناب لیمبس کانسٹنٹی نیڈس کی ایک کلیدی پیشکش کے ساتھ ہوا، جس میں ہندوستان کی اولمپک تیاریوں کے لیے ایک بصیرت انگیز روڈ میپ پیش کیا گیا۔ انہوں نے کھیلوں کی کامیابی کو یقینی بنانے کے لیے پائیدار ترقی، مضبوط قیادت اور تکنیکی مہارت کی اہمیت پر زور دیا۔ انہوں نے بھارت کی کلیدی منصوبہ بندی کے لیے پانچ فکر انگیز سوالات رکھے۔ ان سوالوں میں، یہ گیمز بھارت کو کیا پیش کر سکتے ہیں، بھارت اولمپکس  اور تقریب کی میزبانی کی طویل المدت وراثت کے لیے کیا تعاون دے سکتا ہے۔

یہ کانفرنس، جو 30 جنوری، 2025 تک جاری رہے گی، ہندوستان کے اولمپک عزائم پر دیرپا اثر چھوڑنے کے لیے تیار ہے، جو کہ پالیسی سازوں، ماہرین تعلیم، اور عالمی ماہرین کو ایک پلیٹ فارم پر لائے گی تاکہ 2036 کے اولمپکس کے لیے ایک پائیدار، اختراعی، اور باہمی تعاون کا راستہ ہموار کیا جا سکے۔

**********

 (ش ح –ا ب ن)

U.No:5725

(Release ID: 2096809) Visitor Counter : 21