پریاگ راج میں مہاکمبھ-2025 کے زائرین کے مابین ماحول دوست طرز زندگی کے بارے میں بیداری پیدا کرنے کے لیے ماحولیات، جنگلات اور آب و ہوا کی تبدیلی کی وزارت نے 13 سے  لے کر15 جنوری، 2025 کے دوران ایک پویلین قائم کیا تھا۔ انٹرایکٹو اور ڈیجیٹل پویلین میں مہاکمبھ میلے میں شرکت کرنے والے زائرین کے درمیان پائیدار طرز زندگی کو فروغ دینے کے لیے متعدد ٹیکنالوجیز کی نمائش کی گئی ۔

مہاکمبھ-2025 میں لائف پویلین(ماحولیات سے متعلق طرز زندگی) نے زائرین کو مشن لائف کے وسیع تر مقاصد کے ساتھ ساتھ مکمل ہم آہنگی میں پائیدار طرز زندگی کو اپنانے سے  متعل بصیرت  افروز دولت پیش کی ۔ پویلین میں آنے والوں کو جدید ٹیکنالوجی سے بھی روبرو ہونے کا موقع ملا۔ جیسے کہ ورچوئل ریئلٹی ٹیکنالوجی  اور اے آئی پر مبنی سیلفی وغیرہ کا استعمال کرتے ہوئے سائیکلنگ کرنا ۔  لائف پویلین میں ایک سیلفی عہد کیوسک بھی نصب کیا گیا تھا ، جہاں زائرین نے پائیدار طرز زندگی  کو اپنانے  اور اس پر عمل کرنے کے لیے زندگی کا عہد کیا ۔

اسی پویلین میں آنے والوں کے لیے ایک اور پر کشش پروجیکٹ ڈولفن  کی نمائش تھی۔ جس میں دریائے گنگا ڈولفن کی جغرافیائی تقسیم، ماحولیاتی اہمیت اور افسانوی اہمیت کو اجاگر کرنے والے پوسٹر نمایاں  طور پر پیش کیے گئے تھے۔ دریائی ڈولفنز اور ان کے ماحولیاتی نظام کے بارے میں بیداری پیدا کرنے کے لیے خاص طور سے ڈیزائن کیے گئے انٹرایکٹو گیمز نے آنے والے زائرین اور مہمانوں کو مشغول کیا۔ دو لسانی کامکس، ایڈونچرز آف سپر ڈولی، خاص طور پر نوجوان قارئین کے لیے تیار کیے گئےتھے، جب کہ پویلین  میں ایک ویڈیو ڈسپلے نے ڈولفنز کے رہائش گاہوں اوران سے معلق تحفظ کی جاری کوششوں کے بارے میں خاص معلومات اور بصیرت پیش کی۔ پویلین کے داخلی دروازے پر دو درخشاں سیلفی اسٹینڈز نے مہمانوں کا استقبال کیا۔

پریاگ راج میں مہاکمبھ، 2025 میں پروجیکٹ ڈولفن نمائش نے ندی کے ماحولیاتی نظام اور ان کے متعلقہ  نسل   کے اقسام اور گنگا دریائے ڈولفن کے تحفظ کی اہمیت کے بارے میں بیداری پھیلانے کے لیے ایک پرکشش پلیٹ فارم فراہم کیے۔

********

ش ح۔م م ع۔اش ق

 (U: 5709)