സാംസ്‌കാരിക മന്ത്രാലയം
മഹാകുംഭമേള 2025: ഒരു കിലോമീറ്റർ പരിധിയിലുള്ള പാർക്കിംഗ് സൗകര്യങ്ങൾ, ഭക്ഷണ ശാലകൾ, ആശുപത്രികൾ എന്നിവയെക്കുറിച്ച് തീർത്ഥാടകർക്ക് വിവരങ്ങൾ നൽകാൻ പുതിയ AI ചാറ്റ്ബോട്ട് അവതരിപ്പിച്ചു.
മഹാകുംഭമേളയുടെ കൃത്യമായ ഭൂപടം ഉൾപ്പെടെ, എല്ലാ മേഖലകളെയും വിശദീകരിക്കുന്ന AI ചാറ്റ്‌ബോട്ടിൽ മൂന്ന് പുതിയ സൗകര്യങ്ങൾ കൂടി; ഹ്രസ്വ വിവരണവും ഗൂഗിൾ മാപ്പ് ലിങ്കും അടങ്ങിയ തത്സമയ PDF തീർത്ഥാടകരുമായി പങ്കിടും
ശൗചാലയങ്ങൾ, പ്രദർശനങ്ങൾ, ലോസ്റ്റ് ആൻഡ് ഫൗണ്ട് കേന്ദ്രങ്ങൾ എന്നിവയുടെ തത്സമയ വിവരങ്ങൾ QR കോഡ് സ്കാൻ ചെയ്ത മനസ്സിലാക്കാനുള്ള സൗകര്യം; ബാങ്കിംഗ്, സൗജന്യ ജലവിതരണ എടിഎമ്മുകൾ, കാര്യപരിപാടി, സവിശേഷ പരിപാടികൾ, ഗതാഗത വിവരങ്ങൾ എന്നിവ അറിയാൻ ഇനി അലഞ്ഞുതിരിയേണ്ടതില്ല
Posted On:
25 JAN 2025 7:25PM by PIB Thiruvananthpuram
2025 ലെ മഹാകുംഭമേള സന്ദർശിക്കുന്ന തീർത്ഥാടകർ വിവരങ്ങളോ സേവനങ്ങളോ തേടി ഇനി അലയേണ്ടതില്ല. തീർത്ഥാടകരെ സഹായിക്കുന്നതിനായി രൂപകൽപ്പന ചെയ്തിരിക്കുന്ന കൂടുതൽ സവിശേഷതകളുള്ള ചാറ്റ്ബോട്ട് പ്രവർത്തനസജ്ജമായി. ഒരു കിലോമീറ്റർ ചുറ്റളവിലുള്ള പാർക്കിംഗ്, ഭക്ഷണ ശാലകൾ, ആശുപത്രികൾ എന്നിവയെക്കുറിച്ച് തീർത്ഥാടകർക്ക് വിവരങ്ങൾ നൽകാനായി പുതിയ AI ചാറ്റ്ബോട്ട് അവതരിപ്പിച്ചു
മഹാകുംഭമേള പ്രദേശത്തിന്റെ ഭൂപടവും സെക്ടർ ഗൈഡൻസ് അസിസ്റ്റൻസും
മഹാകുംഭമേള പ്രദേശത്തിന്റെ കൃത്യമായ ഭൂപടം മാത്രമല്ല, ഗൂഗിൾ മാപ്പ് ലിങ്കുകൾക്കൊപ്പം ഓരോ മേഖലയുടെയും സവിശേഷതകളും AI ചാറ്റ്ബോട്ട് പങ്കിടും. പാർക്കിംഗ്, ഗതാഗതം, ബാങ്കിംഗ് സൗകര്യങ്ങൾ, സൗജന്യ ജലവിതരണ എടിഎമ്മുകൾ ഉൾപ്പെടെയുള്ള സേവനങ്ങളെക്കുറിച്ചുള്ള വിവരങ്ങൾ ചാറ്റ്ബോട്ട് വഴി തീർത്ഥാടകർക്ക് നിമിഷ വേഗത്തിൽ മനസ്സിലാക്കാൻ കഴിയുമെന്ന് മേളയുടെ ചുമതലയുള്ള ഉദ്യോഗസ്ഥരിലൊരാളായ ശ്രീ വിവേക് ചതുർവേദി അറിയിച്ചു.
തത്സമയ PDF, QR സ്കാൻ സംവിധാനം
ചാറ്റ്ബോട്ട് വഴി, ശൗചാലയങ്ങൾ,ലോസ്റ്റ് ആൻഡ് ഫൗണ്ട് കേന്ദ്രങ്ങൾ, പ്രദർശനവേദികൾ, മറ്റ് അവശ്യ സൗകര്യങ്ങൾ എന്നിവയെക്കുറിച്ചുള്ള വിശദാംശങ്ങൾ അടങ്ങിയ PDF തീർത്ഥാടകർക്ക് ആവശ്യാനുസരണം, തത്സമയം ഡൗൺലോഡ് ചെയ്യാൻ കഴിയും. QR കോഡ് സ്കാൻ ചെയ്യുന്നതിലൂടെ പ്രധാന സ്ഥലങ്ങളെക്കുറിച്ചുള്ള വിവരങ്ങൾ തത്സമയം മൊബൈലിൽ ലഭിക്കും.
സാങ്കേതികവിദ്യയും വിശ്വാസവും സംഗമിക്കുന്നതിലൂടെ ആഗോള മഹാമേള തടസരഹിത അനുഭവമാകുന്നു
കോടിക്കണക്കിന് ഭക്തർ ഇതിനോടകം AI ചാറ്റ്ബോട്ട് ഉപയോഗിച്ചു കഴിഞ്ഞു. ഫലപ്രദവും ഉപയോക്തൃ-സൗഹൃദവുമായ രൂപകൽപ്പനയിലൂടെ, മഹാകുംഭമേളയിൽ പങ്കെടുക്കുന്നവർക്ക് AI ചാറ്റ്ബോട്ട് ഏറെ സൗകര്യപ്രദമായി മാറിയിരിക്കുന്നു. സാങ്കേതികവിദ്യയും വിശ്വാസവും ഈ ചാറ്റ്ബോട്ടിലൂടെ സമന്വയിക്കുന്നത് ആഗോളതലത്തിൽ തന്നെ ഏറ്റവും വലിയ ആത്മീയ സമ്മേളനമായ കുംഭമേളയെ ആയാസരഹിതവും സുസംഘടിതവുമാക്കുന്നു. ചാറ്റ്ബോട്ട്, വിവരങ്ങൾ നൽകുക മാത്രമല്ല, ഭക്തരുടെ മൊത്തത്തിലുള്ള കുംഭമേള അനുഭവം മെച്ചപ്പെടുത്തുകയും ചെയ്യുന്നു.
(Release ID: 2096676)
Visitor Counter : 12