پراکرم دیوس 2025 کی عظیم الشان تقریب کا آغاز 23 جنوری 2025 کو نیتا جی سبھاش چندر بوس کی 128 ویں یوم پیدائش کے موقع پراڈیشہ کے کٹک میں واقع بارابتی قلعے میں ہوا۔ یہ تقریب  ان کی جائے پیدائش پر منعقد کیا گیا تھاجس نے نیتا جی کے ساتھ اڈیشہ کے تعلق اور نیتا جی کی ابتدائی حساسیت کو فروغ دینے میں ریاست کے اثرات کو بھی یاد کیا۔ تقریب کی خاص بات وزیر اعظم جناب نریندر مودی کا ایک ویڈیو پیغام تھا جس نے نیتا جی کو خراج عقیدت پیش کرتے ہوئے قوم پرستی کے لیے ان کی غیر متزلزل لگن کو اجاگر کیا۔ وزیر اعظم نے نیتا جی کی زندگی کے متاثر کن سفر کو یاد کیا اور نیتا جی کے اوڈیشہ کے ساتھ ابتدائی تعلق پر بھی زور دیا۔ نیتا جی کو یاد کرتے ہوئے، انہوں نے 'آزاد ہند' کے خواب کے تئیں نیتا جی کی ثابت قدمی اور عزم کو یاد کیا۔ انہوں نے آزاد ہند فوج کو تنوع میں اتحاد کی ایک لازوال مثال کے طور پر سراہا اور ملک سے ’وکست بھارت‘ کے مقصد کے حصول کے لئے متحد ہونے کی اپیل کی۔ ہندوستان کے عالمی پاور ہاؤس بننے کے اپنے عزم کا اعادہ کرتے ہوئے، وزیر اعظم نے قوم کو نیتا جی کے سچے 'کاریانجلی' کے طور پر 'وکست بھارت' کے خواب کو پورا کرنے کے لیے مل کر کام کرنے کی ترغیب دی۔

یادگاری تقریب کے پہلے دن اڈیشہ کے وزیر اعلیٰ جناب موہن چرن ماجھی نے گھر میں واقع نیتا جی کی جائے پیدائش میوزیم میں قومی پرچم لہراتے ہوئے نیتا جی کو خراج عقیدت پیش کی جہاں 1897 میں نیتا جی کی پیدائش ہوئی تھی۔میوزیم سے جب وزیر اعلیٰ  بارابتی قلعہ کی طرف آگے بڑھے تو وہاں انہوں نے نیتا جی کی زندگی پر مبنی نمائش کا افتتاح کیا۔

اس موقع پر خطاب کرتے ہوئے اوڈیشہ کے وزیر اعلیٰ جناب موہن چرن ماجھی نے نیتا جی کو ان کے زندگی کے سفر، ان کی بے مثال ہمت اور ہندوستان کی جدوجہد آزادی کے تئیں ان کے عزم کو یاد کرتے ہوئے خراج عقیدت پیش کیا۔ انہوں نے نسلوں کو ان کی حب الوطنی اور بہادری سے متاثر کرتے ہوئے قوم کے لیے نیتا جی کی انمول شراکت کو اجاگر کیا۔ انہوں نے جناب آر مادھون پلئی کو بھی اعزاز سے نوازا، جو آئی این اے کے ایک تجربہ کارشخصیت ہیں جو اس سال مارچ میں 99 سال کے ہو جائیں گے لیکن ایک شکر گزار قوم کی جانب سے اس موقع پر ان کی موجودگی میں پروگرام کو رونق بخشی۔

اس سال پراکرم دیوس کی تقریبات میں نیتا جی کے لیے وقف ،کتابیں، تصاویر اور آرکائیول نمائش' شامل ہے جس میں ان کے انقلابی سفر پر روشنی ڈالنے والی نایاب تصاویر، کتابیں اور آرکائیول مواد پیش کئے گئے ہیں۔ نیتا جی سبھاش چندر بوس کی شاندار زندگی کو دکھانے والا ایک اے آر/وی آر ڈسپلے بھی زائرین کے لیے نصب کیا گیا ہے۔ اس موقع پر نیتا جی کے کئی مجسمے نصب کیے گئے ہیں جن میں ریت کا ایک شاندار مجسمہ بھی شامل ہے۔ اس تقریب میں نیتا جی کی زندگی کے مختلف پہلوؤں کی عکاسی کرنے والی ساٹھ فٹ لمبی پینٹنگ بھی پیش کی گئی ہے۔ اس موقع پر نیتا جی کی وراثت اور اوڈیشہ کے متحرک ثقافتی ورثے کی نمائش کرنے والی ثقافتی پرفارمنس کا اہتمام کیا جا رہا ہے۔ نیتا جی کی زندگی پر مبنی فلمیں بھی دکھائی جائیں گی جس میں نیتا جی کے شاندار سفر اور ہندوستان کی جدوجہد آزادی میں ان کے انمول شراکت کی گہرائی سے تعریف کی جائے گی۔ پرجوش عوامی ردعمل کو دیکھتے ہوئے، اصل میں تین دن تک جاری رہنے والے اس پروگرام کو ایک دن بڑھا دیا گیا ہے اور اب یہ 26 جنوری 2025 تک جاری رہے گا، جس میں نمائش، ثقافتی پروگرام، ایٹریکل پرفارمنس اور نیتا جی پر بنی فلمیں دیکھنے والوں کے لیے پیش کی جائیں گی۔ .

ش ح۔ع ح۔ م ق ا۔ 

U NO:5572