ୱେଭ୍ସ ୨୦୨୫ ଅଧୀନରେ କ୍ରିଏଟ୍‌ ଇନ୍‌ ଇଣ୍ଡିଆ ଚାଲେଞ୍ଜ ସିଜନ୍‌-୧ର ଅଂଶବିଶେଷ ଭାବେ ଏନିମେସନ ଚଳଚ୍ଚିତ୍ର ପ୍ରତିଯୋଗିତା ଆୟୋଜନ କରୁଥିବା ଡାନ୍ସିଂ ଆଟମ୍ସ ୨୩ ଜାନୁଆରୀ ୨୦୨୫ରେ ନୂଆଦିଲ୍ଲୀସ୍ଥିତ ଭାରତୀୟ ଜନସଂଚାର ପ୍ରତିଷ୍ଠାନ (ଆଇଆଇଏମସି) ଠାରେ ଏକ କାହାଣୀ ବର୍ଣ୍ଣନା କର୍ମଶାଳା ଆୟୋଜନ କରିଛି। ପ୍ରଖ୍ୟାତ ଲେଖିକା-ନିର୍ଦ୍ଦେଶିକା ସରସ୍ୱତୀ ବୁୟାଲା ଏହି ଚିତ୍ତାକର୍ଷକ ଅଧିବେଶନର ନେତୃତ୍ୱ ନେଇଥିଲେ। ଆକାଂକ୍ଷୀ ଚଳଚ୍ଚିତ୍ର ନିର୍ମାତାଙ୍କୁ ନିବେଶକ ଏବଂ ପ୍ରଯୋଜକଙ୍କୁ ସେମାନଙ୍କ କାହାଣୀ ଦ୍ୱାରା ଆକର୍ଷିତ କରିବା ପାଇଁ କୌଶଳରେ ସଜ୍ଜିତ କରିବା ପାଇଁ ଏହି କାର୍ଯ୍ୟକ୍ରମର ପରିକଳ୍ପନା କରାଯାଇଥିଲା।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ୧୧୪ତମ ‘ମନ୍ କି ବାତ୍’ ସମ୍ବୋଧନରେ ପରିବର୍ତ୍ତନଶୀଳ ହେଉଥିବା ନିଯୁକ୍ତି ପରିଦୃଶ୍ୟ ଏବଂ ଗେମିଂ, ଏନିମେସନ୍ ଏବଂ ଚଳଚ୍ଚିତ୍ର ନିର୍ମାଣ ଭଳି ସୃଜନଶୀଳ କ୍ଷେତ୍ରରେ ବୃଦ୍ଧି ପାଉଥିବା ସୁଯୋଗ ଉପରେ ଆଲୋକପାତ କରିଥିଲେ। ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଦ୍ୱାରା ଆୟୋଜିତ ‘କ୍ରିଏଟ ଇନ ଇଣ୍ଡିଆ’ ଚାଲେଞ୍ଜରେ ଅଂଶଗ୍ରହଣ କରିବା ଲାଗି ସେ ସ୍ରଷ୍ଟାମାନଙ୍କୁ ଅନୁରୋଧ କରିଥିଲେ। ଏହି ଆହ୍ୱାନର ଉଦ୍ଦେଶ୍ୟ ହେଉଛି, ‘‘ଭାରତରେ ଡିଜାଇନ୍, ବିଶ୍ୱ ପାଇଁ ଡିଜାଇନ’’ର ବ୍ୟାପକ ଦୃଷ୍ଟିକୋଣ ସହ ଅନୁକୂଳ ବିଭିନ୍ନ କ୍ଷେତ୍ରରେ ପ୍ରତିଭା ଏବଂ ନବସୃଜନକୁ ପ୍ରୋତ୍ସାହିତ କରିବା।

ଏହି କର୍ମଶାଳା ଅଂଶଗ୍ରହଣକାରୀମାନଙ୍କୁ ନିଜ କାହାଣୀର ଆକର୍ଷଣୀୟ ବର୍ଣ୍ଣନା ପ୍ରସ୍ତୁତ କରିବା ଏବଂ ଉପସ୍ଥାପନ କଳାରେ ଦକ୍ଷତା ହାସଲ କରିବା ପାଇଁ କାର୍ଯ୍ୟକ୍ଷମ ଅନ୍ତର୍ଦୃଷ୍ଟି ପ୍ରଦାନ କରିଥିଲା। ଅଂଶଗ୍ରହଣକାରୀମାନେ ପ୍ରଭାବଶାଳୀ ଲଗଲାଇନ ସୃଷ୍ଟି କରିବା, ଭିନ୍ନ ଭିନ୍ନ ସ୍ତରର ଚରିତ୍ର ନିର୍ମାଣ କରିବା ଏବଂ ପିଚ୍ ଡେକ୍ ଗଠନ କରିବା ଭଳି କୌଶଳ ମଧ୍ୟ ଅନ୍ୱେଷଣ କରିଥିଲେ ଯାହା ସେମାନଙ୍କ ପ୍ରକଳ୍ପର ଅନନ୍ୟ ଦୃଷ୍ଟିକୋଣକୁ ପ୍ରଦର୍ଶିତ କରିଥିଲା।

ଏହି କର୍ମଶାଳାରେ ବୈଶିଷ୍ଟ୍ୟ ହେଉଛି, ବ୍ୟକ୍ତିଗତ ଭାବେ ପିଚିଂ ବା ଉପସ୍ଥାପନ କଳାରେ ନିପୁଣତା ହାସଲ କରିବା ପାଇଁ ଏକ ମଞ୍ଚ ମିଳିଛି ଯାହା ଚଳଚ୍ଚିତ୍ର ନିର୍ମାତାମାନଙ୍କୁ ଆକର୍ଷଣୀୟ କାହାଣୀ ସହିତ ନିବେଶକ ଓ ନିର୍ମାତାଙ୍କୁ ଆକର୍ଷିତ କରିବାରେ ସାହାଯ୍ୟ କରିବା ପାଇଁ ପରିକଳ୍ପନା କରାଯାଇଛି । ସେହିପରି https://wavesindia.org ରେ ପ୍ରକଳ୍ପ ଦାଖଲ କରିବା ଏବଂ କ୍ରିଏଟ ଇନ ଇଣ୍ଡିଆ ଚ୍ୟାଲେଞ୍ଜରେ ଅଂଶଗ୍ରହଣ କରିବାର ସୁବିଧା ଏଥିରେ ମିଳିଛି । କିପରି ୱେଭସ୍ ଇଣ୍ଡିଆ ପ୍ଲାଟଫର୍ମ ଅଂଶଗ୍ରହଣକାରୀଙ୍କୁ ସେମାନଙ୍କ ଲକ୍ଷ୍ୟ ହାସଲ କରିବାରେ ସାହାଯ୍ୟ କରିପାରିବ ତାହା ମଧ୍ୟରେ ଏଥିରେ ବର୍ଣ୍ଣନା କରାଯାଇଛି। ଏହି କର୍ମଶାଳା ୱେଭସ୍ ୨୦୨୫ ପଦକ୍ଷେପ ସହିତ ଜଡିତ ଏକ ପ୍ଲାଟଫର୍ମ ଯାହା କାହାଣୀକାରମାନଙ୍କୁ ବିଶ୍ୱସ୍ତରୀୟ ପ୍ରଯୋଜକ ଏବଂ ନିବେଶକଙ୍କ ସହ ଯୋଡ଼ିଥାଏ। କାହାଣୀ ବର୍ଣ୍ଣନା ବା ଷ୍ଟୋରୀ ଟେଲିଂର ରହସ୍ୟ ଉନ୍ମୋଚନ କରିବା ପାଇଁ ଟଏ ଷ୍ଟୋରୀ, 3 ଇଡିୟଟ୍ସ ଏବଂ ବାହୁବଳୀ ଭଳି ଶ୍ରେଷ୍ଠ ଚଳଚ୍ଚିତ୍ରର କେସ୍ ଷ୍ଟଡି ଉପରେ କର୍ମଶାଳାରେ ଗୁରୁତ୍ୱାରୋପ କରାଯାଇଥିଲା।

ଆକାଂକ୍ଷୀ ଚଳଚ୍ଚିତ୍ର ନିର୍ମାତା, ଲେଖକ, ଚିତ୍ରନାଟ୍ୟ ଲେଖକ ଏବଂ ଚଳଚ୍ଚିତ୍ର ପ୍ରେମୀଙ୍କ ଏକ ବିବିଧ ଗୋଷ୍ଠୀ କାହାଣୀ ବର୍ଣ୍ଣନା ଏବଂ ଚଳଚ୍ଚିତ୍ର ନିର୍ମାଣ କଳା ପାଇଁ ଉତ୍ସର୍ଗୀକୃତ ଏହି ଗଭୀର ଅନୁଭବ କର୍ମଶାଳା ପାଇଁ ଏକାଠି ହୋଇଥିଲେ। ଅଂଶଗ୍ରହଣକାରୀମାନେ ଏକ ଗତିଶୀଳ ଶିକ୍ଷଣ ଅଭିଜ୍ଞତାରେ ନିୟୋଜିତ ହୋଇଥିଲେ ଯାହା ସେମାନଙ୍କୁ ଅତ୍ୟାବଶ୍ୟକ କାହାଣୀ ସିଦ୍ଧାନ୍ତ ଏବଂ ବ୍ୟବହାରିକ ଚଳଚ୍ଚିତ୍ର ନିର୍ମାଣ କୌଶଳ ସହ ଜଡ଼ିତ ଥିଲା।

ଏହି କର୍ମଶାଳା ଆକାଂକ୍ଷୀ ଚଳଚ୍ଚିତ୍ର ନିର୍ମାତାଙ୍କୁ ଏହି ଶିଳ୍ପ କ୍ଷେତ୍ରରେ ଏକ ଦୃଢ ମୂଳଦୁଆ ପ୍ରଦାନ କରିଥିଲା ଯେଉଁଥିରେ ଲେଖକ ଏବଂ ଚିତ୍ରନାଟ୍ୟ ଲେଖକମାନେ ସେମାନଙ୍କ ବର୍ଣ୍ଣନାତ୍ମକ ଦକ୍ଷତାକୁ ସମ୍ମାନ ଦେଇଥିଲେ। ଏଥିସହିତ ଆକର୍ଷଣୀୟ ଚରିତ୍ର ଏବଂ ପ୍ରଭାବଶାଳୀ କାହାଣୀ ସୃଷ୍ଟି ଉପରେ ଧ୍ୟାନ ଦେଇଥିଲେ ଯାହା ଦର୍ଶକଙ୍କ ସହ ପ୍ରତିଧ୍ୱନିତ ହୋଇଥିଲା। ଏହି ସମୟରେ, ଚଳଚ୍ଚିତ୍ର ପ୍ରେମୀମାନେ କାହାଣୀ କହିବା ଏବଂ ଚରିତ୍ର ବିକାଶର ଜଟିଳତାକୁ ଅନ୍ୱେଷଣ କରି ସିନେମା ପ୍ରତି ସେମାନଙ୍କର ଜ୍ଞାନକୁ ଗଭୀର କରିଥିଲେ।

ସରସ୍ୱତୀ ବୁୟାଲା ଜଣେ ଲେଖିକା-ନିର୍ଦ୍ଦେଶିକା ଯିଏ ଏନିମେସନ୍, ଭିଜୁଆଲ୍ ଇଫେକ୍ଟସ୍, ଗେମ୍, କମିକ୍ସ ଏବଂ ଏଆର୍/ଭିଆରରେ ବିଶେଷଜ୍ଞ। ସେ ଲାଇଫ୍ ଅଫ୍ ପାଇ, ଦି କ୍ରନିକଲସ୍ ଅଫ୍ ନାର୍ନିଆ ଏବଂ ଦି ଗୋଲ୍ଡେନ୍ କମ୍ପାସ୍ ସମେତ ଅନେକ ପ୍ରଶଂସିତ, ଓସ୍କାର ବିଜୟୀ ଚଳଚ୍ଚିତ୍ରରେ ଯୋଗଦାନ କରିଛନ୍ତି। ତାଙ୍କ କାର୍ଯ୍ୟ କାହାଣୀ ବର୍ଣ୍ଣନା ପ୍ରତି ଗଭୀର ଆଗ୍ରହ ଏବଂ ଅତ୍ୟାଧୁନିକ ଭିଜୁଆଲ୍ କୌଶଳର ଦକ୍ଷତାକୁ ପ୍ରତିଫଳିତ କରେ।

ନିଜ ସୃଜନଶୀଳତାକୁ ଉଜ୍ଜ୍ୱଳ ହେବାକୁ ଦେବା ଏବଂ ପ୍ରକଳ୍ପକୁ ବିଶ୍ୱ ଆଗରେ ଉପସ୍ଥାପନ କରିବା ଲାଗି https://wavesindia.org ପରିଦର୍ଶନ କରନ୍ତୁ।

*****

P.S.