مہا کمبھ کے اکھاڑے طویل عرصے سے اس تقریب کا مرکز رہے ہیں ، جو سناتن دھرم کی مختلف روایات اور فرقوں کی نمائندگی کرتے ہیں۔ لفظ ’اکھاڑہ ‘ ،’اکھنڈ‘ سے ماخوذ ہے، جس کا مطلب ناقابل تقسیم ہے۔ یہ مذہبی احکامات، جوچھٹی صدی میں آدی گرو شنکراچاریہ کے زمانے چلی آ رہی ہیں، روحانی طریقوں اور رسومات کے محافظ رہے ہیں جنہوں نے کمبھ میلہ کو شکل دی۔ اپنے مخصوص رسوم و رواج اور قیادت کے ڈھانچے کے ساتھ، اکھاڑہ تقریب کی روحانی اور ثقافتی زندگی میں ایک اہم کردار ادا کرتے ہیں، جو دنیا بھر سے لاکھوں عقیدت مندوں کواپنی طرف متوجہ کرتے ہیں۔

 

 

کمبھ میں اکھاڑے نہ صرف عبادت گاہوں کے طور پر کام کرتے ہیں بلکہ روحانی تعلیم اور جسمانی تربیت کے مراکز کے طور پر بھی کام کرتے ہیں۔ اکھاڑہ کا نظام ص مذہبی کتابوں کے ذریعے روحانی تعلیم اور مارشل آرٹس کے ذریعے جسمانی دفاع کے دوہرے مقاصد کو فروغ دینے کے لیے قائم کیا گیا تھا۔ آج یہ اکھاڑے بدلتے وقت کے ساتھ ہم آہنگ ہوتے ہوئے ان اصولوں کو برقرار رکھے ہوئے ہیں۔ مہامنڈلیشور، جو ان اکھاڑوں کی قیادت کرتے ہیں، اس بات کو یقینی بنانے میں کلیدی کردار ادا کرتے ہیں کہ اکھاڑوں کے روحانی اور تنظیمی دونوں پہلوؤں کو مناسب طریقے سے برقرار رکھا جائے۔ ان کی قیادت ان رسومات اور جلوسوں میں مرکزی حیثیت رکھتی ہے جو کمبھ کے تجربے کی وضاحت کرتی ہیں۔

 

 

13 اکھاڑوں میں شیو، ویشنو اور اُداسین فرقے اپنی گہری روحانی اہمیت کے لیے نمایاں ہیں۔ یہ اکھاڑے کمبھ کے بھرپور تنوع میں حصہ ڈالتے ہیں، ہر ایک عقیدت، عبادت، اور اجتماعی زندگی پر ایک منفرد نقطہ نظر لاتا ہے۔ مثال کے طور پر شیو اکھاڑوں کی قیادت ناگا سنیاسی کرتے ہیں، جو بھگوان شیو کی پوجا کرتے ہیں اور اپنی روحانی اور جنگی صلاحیتوں کے لیے مشہور ہیں۔ یہ ناگا سنیاسی، جو روایتی ہتھیار جیسے نیزے اور تلواریں لے کر چلتے ہیں، کمبھ کے عظیم الشان جلوسوں اور رسومات میں، خاص طور پر شاہی اسنان کی تقریبات کے دوران ایک لازمی کردار ادا کرتے ہیں۔

شیو اکھاڑوں کے ناگا سنیاسی، خاص طور پر جونا اکھاڑے کے، کمبھ کے سب سے زیادہ قابل احترام شرکاء میں سے ہیں۔ اپنے سخت سنیاسی طریقوں اور مارشل آرٹس میں مہارت کے لیے مشہور، ناگا سنیاسی کمبھ میلے کے روحانی جنگجوؤں کی میراث رکھتے ہیں۔ جونا اکھاڑہ، اپنی بڑی تعداد میں ناگا سنیاسیوں کے ساتھ، کمبھ میں ایک بڑی روحانی طاقت کے طور پر نمایا ہے، جو ان عقیدت مندوں کو اپنی طرف متوجہ کرتا ہے جو روحانی روشن خیالی اور جسمانی نظم و ضبط دونوں کی تلاش کرتے ہیں۔

تاریخی اعتبار سے سب سے اہم اکھاڑوں میں سے ایک شری پنچ دشنام آہوان اکھاڑہ ہے، جو 1,200 برسوں سے کمبھ میلے کا حصہ رہا ہے۔ مہنت گوپال گری کی قیادت میں، اس اکھاڑہ نے چھڑی یاترا کی مقدس روایت کو برقرار رکھا ہے، یہ ایک جلوس ہے جوقدرتی طاقت کی علامت والی مقدس چھڑی لے کر جاتا ہے۔ آہون اکھاڑے کی کمبھ میں شراکت کی جڑیں قدیم طریقوں کے تحفظ جبکہ جدید ضروریات کے مطابق خود کو ڈھالنے میں پیوست ہیں۔ اس کی مسلسل موجودگی سناتن دھرم کے روحانی ورثے کے تحفظ میں اکھاڑوں کی لازوال مطابقت کو واضح کرتی ہے۔

 

 

شری پنچ نرموہی انی اکھاڑہ، شری پنچ نروانی انی اکھاڑہ، اور شری پنچ دگمبر انی اکھاڑہ سمیت ویشنو اکھاڑہ بھی کمبھ میں اہم کردار ادا کرتے ہیں۔ یہ اکھاڑے بھگوان ویشنو کی پوجا خاص طور پر بھگوان ہنومان کے طور پر ان کے اوتار میں پر توجہ مرکوز کرتے ہیں۔ بھگوان ہنومان کی تصویر والے دھرم دھوجاز (مذہبی جھنڈے) کو بلند کرنا عقیدت مندوں کو عطا کردہ قدرتی تحفظ اور آشیرواد کی نشاندہی کرتے ہیں ، جس سے تقریب کے روحانی ماحول کو مزید تقویت ملتی ہے۔

 

یہ مہا کمبھ روحانی منظر نامے میں ایک اہم تبدیلی کی نشاندہی کر رہا ہے کیونکہ پہلی بار، مہا کمبھ میں حصہ لینے والے نمایاں اکھاڑوں میں 1,000 سے زیادہ خواتین کے شامل ہونے کی توقع ہے، جن میں سے بہت سی پہلے ہی سنیاس کی شروعات کر چکی ہیں، جن میں رادھے نند بھارتی جیسی خواتین بھی شامل ہیں ، جوسنسکرت میں پی ایچ ڈی ہیں ۔ اکھاڑوں میں خواتین کی شمولیت روحانی زندگی میں ان کے کردار کی بڑھتی ہوئی پہچان کی نمائندگی کرتی ہے، کچھ اکھاڑوں نے خواتینسنتوں کے لیے الگ جگہیں بھی تخلیق کی ہیں۔

اس تحریک کا ایک اہم شراکت دار شری پنچ دشنام جونا اکھاڑہ ہے، جو کمبھ کے سب سے بڑے اور سب سے زیادہ بااثر اکھاڑوں میں سے ایک ہے۔ اس اکھاڑے نے 200 سے زیادہ خواتین کو سنیاس دلانے کی شروعات کی ہے، اور ان کی تعداد میں نمایاں اضافہ متوقع ہے۔ اس کے علاوہ، جونا اکھاڑہ نے حال ہی میں اپنی خواتین سنتوں کی تنظیم کا نام بدل کر سنیاسینی شری پنچ دشنام جونا اکھاڑہ رکھ دیا ہے، جس سے اسے روحانی برادری میں ایک باضابطہ اور قابل احترام شناخت ملی ہے۔ صنفی مساوات کو اپناتے ہوئے، یہ اکھاڑے نہ صرف اپنے اندرونی ڈھانچے کو از سر نو تشکیل دے رہے ہیں بلکہ خواتین کو ہندوستان کے ثقافتی اور روحانی تانے بانے میں فعال طور پر حصہ ڈالنے کے لیے بااختیار بنا رہے ہیں۔

 

 

مہا نروانی اکھاڑہ، جو سب سے امیر اور سب سے زیادہ بااثر ہے، وہ صنفی بااختیار بنانے میں بھی سب سے آگے ہے۔ خواتین کے لیے مہامنڈلیشور کا عہدہ قائم کرنے والے پہلے اکھاڑے کے طور پر، یہ روحانی میدان میں صنفی مساوات کی وکالت کرتا رہتا ہے۔ سادھوی گیتا بھارتی اور سنتوش پوری جیسی خواتین مہامنڈلیشوروں کی شرکت، اس بات کو یقینی بنانے کے لیے اکھاڑہ کے عزم کو مزید اجاگر کرتی ہے کہ خواتین کو روحانی برادری کی رہنمائی اور رہنمائی کے لیے مساوی مواقع فراہم کیے جائیں۔

صنفی مساوات کے علاوہ، مہا نروانی اکھاڑا ماحولیاتی تحفظ پر بھی زور دیتا ہے، جو سماجی اور روحانی ذمہ داری کے لیے اکھاڑہ کی وسیع تر وابستگی کی عکاسی کرتا ہے۔ پائیداری پر یہ توجہ روحانی اتحاد کی روشنی کے طور پر کمبھ کے کردار سے مطابقت رکھتی ہے، جہاں ماحولیاتی شعور کو تقریب کی رسومات اور سرگرمیوں میں تیزی سے ضم کیا جا رہا ہے۔

کمبھ میں ایک اور اہم پیش رفت کنر اکھاڑوں کی بڑھتی ہوئی موجودگی ہے، جو کہ  ایک ایسی جامع جگہ ہے، جہاں کنر برادر ی کا استقبال  کیا جاتا ہے،جومعاشرے میں روایتی طور پر کمزور ہیں۔پہلی بار، ایک کنر اکھاڑا مہا کمبھ میں حصہ لے رہا ہے، جو اس تقریب اور برادری دونوں کے لیے ایک اہم موقع ہے۔ یہ اکھاڑہ برابری اور احترام کے اصولوں کو مجسم کرتا ہے، کنر برادری کو سناتن دھرم کے دیگر فرقوں کے ساتھ ساتھ روحانی طریقوں میں مشغول ہونے کا ایک پلیٹ فارم پیش کرتا ہے۔

کمبھ میلہ ، خاص طور پر 2025 میں ، ہندوستان کی روحانی زندگی میں اکھاڑوں کی پائیدار معنویت کا ثبوت ہے ۔ یہ ادارے نہ صرف سناتن دھرم کی روحانی اور ثقافتی اقدار کو محفوظ رکھتے ہیں بلکہ شمولیت اور مساوات کو اپناتے ہوئے جدید حساسیت کو بھی اپناتے ہیں ۔ مہا کمبھ میں اکھاڑے لاکھوں عقیدت مندوں کو ترغیب دیتے رہتے ہیں ، انہیں روحانی ترقی ، نظم و ضبط اور اتحاد کا راستہ دکھاتے ہیں ۔ جیسے جیسے عالی شان جلوس نکلتے ہیں اور مقدس رسومات ادا کی جاتی ہیں ، اکھاڑے مہا کمبھ کا دل اور روح بنے رہتے ہیں ، جو عقیدت مندوں کو ایشور اور ایک دوسرے کے ساتھ گہرے  روحانی تعلق کی طرف رہنمائی کرتے ہیں ۔

حوالہ جات

محکمہ اطلاعات اور تعلقات عامہ (ڈی پی آ ئی آر)، حکومت اتر پردیش

https://kumbh.gov.in/en/spiritualgurus

مہا کمبھ سیریز: 19/ فیچر

پی ڈی ایف میں دیکھنے کے لیے یہاں کلک کریں:

********

UR-5500

ش ح۔ م ش۔ ص ج

 

(Release ID: 2095258) Visitor Counter : 10