مرکزی وزیر داخلہ اور تعاون جناب امت شاہ19 جنوری 2025  بروز اتوار کو آندھرا پردیش کے وجے واڑہ میں نیشنل ڈیزاسٹر رسپانس فورس (این ڈی آر ایف) کے 20ویں یوم تاسیس کے پروگرام میں مہمان خصوصی کے طور پر شرکت کریں گے۔ اس موقع پر مرکزی وزیر داخلہ جناب امت شاہ تقریباً 220 کروڑ روپے کی لاگت والے پروجیکٹوں کا افتتاح اور سنگ بنیاد بھی رکھیں گے۔

وزیر اعظم جناب نریندر مودی کی قیادت میں، بھارت  اب ڈیزاسٹر مینجمنٹ کے لیے امدادی مرکز  کے بجائے زیرو کیزولٹی  اپروچ  کو  اپنایا جا  رہا ہے، تاکہ آفات کے دوران زیرو کیزولٹی کے ہدف کو حاصل کیا جا سکے۔

مرکزی وزیر داخلہ اور تعاون جناب امت شاہ اتوار کو تین اہم مراکز کے کیمپس کا افتتاح کریں گے، جس میں نیشنل انسٹی ٹیوٹ آف ڈیزاسٹر مینجمنٹ (این آئی ڈی ایم) کا جنوبی  کیمپس، این ڈی آر ایف کی 10ویں کور اور ریجنل رسپانس سینٹر (آر آر سی) سپول (09ویں  بٹالین ) کا  کیمپس شامل  ہے۔  وزیر اعظم جناب نریندر مودی کے ویژن  @2047 کے تحت بھارت کو آفات کے خلاف مزاحمت کرنے اور ملک میں آفات کے خطرے کو کم کرنے کے نظام کو مزید مضبوط بنانے میں ، NIDM اور NDRF کے دونوں ادارے اہم کردار ادا کر رہے ہیں۔ جہاں ایک طرف NDRF آفات سے نمٹنے میں اہم کردار ادا کر رہا ہے، وہیں دوسری طرف NIDM انسانی وسائل کی ترقی، صلاحیت کی تعمیر، تربیت، تحقیق، دستاویزی اور پالیسی سازی میں بہت اہم کردار ادا کر رہا ہے۔

جناب  امت شاہ اتوار کونیشنل پولیس اکیڈمی (این پی اے) حیدرآباد میں نئی ​​"انٹیگریٹڈ شوٹنگ رینج" کا سنگ بنیاد بھی رکھیں گے، جہاں آئی پی ایس پروبیشنری افسران کو فائرنگ کے ہنر سکھائے جائیں گے۔ یہ "انٹیگریٹڈ شوٹنگ رینج" 50 میٹر لمبی ہوگی اور اس میں 10 لین ہوں گی، جس میں دس افراد بیک وقت فائرنگ کی مشق کر سکتے ہیں۔ یہ فائرنگ رینج ہر موسم میں مکمل طور پر مشینی اور خودکار ہوگی اور اسے 27 کروڑ روپے کی لاگت سے بنایا جا رہا ہے۔ جدید ترین ٹیکنالوجی کی یہ رینج بین الاقوامی معیار کے مطابق ہے اور یہ ملک کے تمام پولیس اداروں میں اپنی نوعیت کی ایک منفرد سہولت ہوگی۔

این ڈی آر ایف  کی 10ویں بٹالین  نے ڈیزاسٹر مینجمنٹ کے میدان میں اپنی لگن، کارکردگی اور پیشہ ورانہ مہارت کے ساتھ ایک غیر معمولی مثال قائم کی ہے۔ اپنی تشکیل کے بعد سے، بٹالین  نے 800 سے زیادہ آپریشنز میں حصہ لیا ہے اور 15000 سے زیادہ جانیں بچائی ہیں اور ایک لاکھ سے زیادہ شہریوں کو محفوظ مقامات پر منتقل کیا ہے۔

وزیر اعظم جناب نریندر مودی نے سال 2016 میں منعقدہ ڈیزاسٹر رسک ریڈکشن (AMCDRR) پر ایشیائی وزارتی کانفرنس میں آفات میں کمی کے لیے 10 اصول بتائے تھے، جو بھارت  کی آفات سے نمٹنے کی پالیسی کے اہم نکات کے طور پر رہنمائی کر رہے ہیں۔ وزیر اعظم مودی کے دس نکاتی ایجنڈے کے مطابق، نیشنل انسٹی ٹیوٹ آف ڈیزاسٹر مینجمنٹ (NIDM) کے زیراہتمام انڈین یونیورسٹیز اینڈ انسٹی ٹیوٹ نیٹ ورک (IUINDRR-NIDM) قائم کیا گیا ہے۔ اس کا مقصد ڈیزاسٹر ریسیلنس میں تعلیم، تحقیق اور تربیت کے کردار کو اجاگر کرنا اور مختلف سطحوں پر ڈیزاسٹر رسک ریڈکشن (DRR) کو مربوط کرنے کے لیے ماڈل نصاب تیار کرنا ہے۔

ملک کے جنوبی حصے کی ضروریات کو پورا کرنے کے لیے، آندھرا پردیش تنظیم نو قانون، 2014 کے تحت، مرکزی حکومت نے آندھرا پردیش کے کرشنا ضلع میں NIDM کا جنوبی کیمپس قائم کیا ہے۔ یہ کیمپس مئی 2023 سے جزوی طور پر کام کر رہا ہے اور کم  عرصے میں 44 سے زیادہ تربیتی پروگرام منعقد کیے جا چکے ہیں اور 2130 سے ​​زیادہ اسٹیک ہولڈرز کو ڈیزاسٹر مینجمنٹ کے مختلف پہلوؤں میں تربیت دی جا چکی ہے۔

******

ش ح ۔ ف خ

U. No: 5369