مرکزی وزیر داخلہ اور باہمی امدادجناب امت شاہ 16 جنوری 2025 کو احمد آباد سے ممبئی ، چنئی ، کولکتہ ، بنگلورو ، حیدرآباد ، کوچین اور احمد آباد ایئر پورٹ  پر 'فاسٹ ٹریک امیگریشن-ٹرسٹڈ ٹریولر پروگرام' (ایف ٹی آئی-ٹی ٹی پی) کا افتتاح کریں گے ۔ وزیر داخلہ نے اس سے قبل 22 جون 2024 کو نئی دہلی میں اندرا گاندھی بین الاقوامی ایئر پورٹ (آئی جی آئی) کے ٹرمینل-3 سے 'فاسٹ ٹریک امیگریشن-ٹرسٹڈ ٹریولر پروگرام' کا آغاز کیا تھا ۔

وزیر اعظم جناب نریندر مودی کی قیادت میں 'فاسٹ ٹریک امیگریشن-ٹرسٹڈ ٹریولر پروگرام' وکست بھارت @2047 وژن کے تحت ایک اہم پہل ہے ۔جس کا مقصد مسافروں کو عالمی معیار کی امیگریشن سہولیات فراہم کرنا ، بین الاقوامی سفر کو ہموار اور محفوظ بنانا ہے ۔ ابتدائی طور پر یہ سہولت ہندوستانی شہریوں اور او سی آئی کارڈ ہولڈرز کے لیے مفت شروع کی گئی ہے ۔

ایف ٹی آئی-ٹی ٹی پی کو ایک آن لائن پورٹل https://ftittp.mha.gov.in کے ذریعے نافذ کیا گیا ہے ۔ اس پروگرام میں اندراج کے لیے  درخواست دہندگان کو اپنی تفصیلات پر کرکے اور پورٹل پر مطلوبہ دستاویزات اپ لوڈ کرکے آن لائن رجسٹریشن کرنا ہوگا ۔ رجسٹرڈ درخواست دہندگان کےبائیو میٹرک ڈیٹا یا تو فارنرز ریجنل رجسٹریشن آفس (ایف آر آر او) میں یا ایئر پورٹ  سے گزرتے وقت لئے جائیں گے  ۔

رجسٹرڈ مسافروں کو ای گیٹ پر اپنے ایئر لائن سے جاری کردہ بورڈنگ پاس کو اسکین کرنے کی ضرورت ہوگی ، اس کے بعد اپنے پاسپورٹ کو اسکین کرنا ہوگا ۔ آمد اور روانگی دونوں مقامات پر مسافر کے بائیو میٹرک کی تصدیق ای-گیٹ پر کی جائے گی ۔ ایک بار جب یہ تصدیق کامیاب ہو جائے گی ، تو ای-گیٹ خود بخود کھل جائے گا ، اور امیگریشن کلیئرنس مل  جائے گی ۔

ملک کے 21 بڑے ہوائی اڈوں پر ایف ٹی آئی-ٹی ٹی پی نافذ کیا جائے گا ۔ پہلے مرحلے میں دہلی کے علاوہ یہ سہولت سات بڑے ہوائی اڈوں ممبئی ، چنئی ، کولکتہ ، بنگلورو ، حیدرآباد ، کوچی اور احمد آباد میں شروع کی جا رہی ہے ۔

*******

ش ح۔ش آ۔ت ع

 (U: 5228)